ബെവ്കോ, കണ്സ്യൂമര്ഫെഡ് ഔട്ലെറ്റുകളിലെ മദ്യ വില്പന കുറയുന്നു
പാലക്കാട്: കൊവിഡ് പ്രതിസന്ധി മദ്യ വില്പന മേഖലയേയും രൂക്ഷമായി ബാധിച്ചതായി റിപ്പോര്ട്ട്. ബെവ്കോ, കണ്സ്യൂമര്ഫെഡ് ഔട്ലെറ്റുകളിലെ മദ്യ വില്പന കുറയുന്നതായി റിപ്പോര്ട്ട്. കഴിഞ്ഞ അഞ്ച് വര്ഷത്തിനിടെ ഏതാണ്ട് 33 ശതമാനം കുറഞ്ഞെന്നാണ് കണക്ക്. ബാറുകളിലും ഉപഭോക്താക്കളില് കുറവു വന്നതായാണ് എക്സൈസിന്റെയും ബെവ്കോയുടെയും വിലയിരുത്തല്. കൊവിഡ് പ്രതിസന്ധി തന്നെയാണ് മൂലകാരണം എന്നാണ് അനുമാനം. ഇതിനോടൊപ്പം വ്യാജ വിദേശമദ്യ നിര്മാണം വലിയതോതില് വര്ധിച്ചതും സമാന്തര വിപണിയും ഔട്ലെറ്റുകളിലെ വിദേശ മദ്യത്തിന്റെ വില്പന കുറയാന് കാരണമായെന്നും പറയുന്നു. ശരിയായ കണക്ക് കണ്ടെത്താന് എല്ലാ ജില്ലകളിലും കണക്കെടുപ്പ് നടത്തുന്നുണ്ട്.
അതേസമയം മദ്യവില്പനയില് കുറവ് വന്നെങ്കിലും മദ്യ വിലയും നികുതിയും കൂട്ടിയതിനാല് മേഖലയില് നിന്നുള്ള വരുമാനത്തില് ഇടിവുണ്ടായിട്ടില്ല. പുതിയ ബജറ്റില് പുതിയ ഔട്ലെറ്റുകളും മദ്യം സൂക്ഷിക്കാനുള്ള പുതിയ വെയര്ഹൗസുകളും പഴങ്ങളില് നിന്നുള്ള മദ്യനിര്മാണ സംരംഭങ്ങളും ഉണ്ടായേക്കും എന്നാണ് റിപ്പോര്ട്ട്. ബെവ്കോയുടെയും കണ്സ്യൂമര്ഫെഡിന്റെയും 306 ഔട്ലെറ്റുകളിലൂടെ വര്ഷത്തില് 20 ലക്ഷം കെയ്സ് മദ്യം വിറ്റു പോയിരുന്നു. ഇതിലാണ് ഏതാണ്ട് 33 ശതമാനം കുറവുണ്ടായത്.
സംസ്ഥാനത്തെ 706 ബാറുകളിലും വില്പനയില് കുറവുള്ളതായാണ് ബാര് ഉടമകള് പറയുന്നത്. നിലവില് ഔട്ലെറ്റുകളില് വരുന്നവരില് 90 ശതമാനം വര്ഷങ്ങളായുള്ള ഉപഭോക്താക്കളാണ്. കൊവിഡ് പ്രതിസന്ധിയില് വ്യാജ ചാരായ, വിദേശ മദ്യനിര്മാണം തൊഴിലായി സ്വീകരിച്ചവരുമുണ്ട്. കഴിഞ്ഞ ദിവസം മാവേലിക്കരയില് 122 ലിറ്റര് വ്യാജ ചാരായം എക്സൈസ് പിടികൂടിയിരുന്നു. ഒരു ലിറ്റര് സ്പിരിറ്റ് കൊണ്ട് 2.15 ലിറ്റര് വ്യാജ വിദേശമദ്യവും 3 ലിറ്റര് ചാരായവും ഉണ്ടാക്കാം. വ്യാജ മദ്യനിര്മാണത്തിന് മുടക്ക് മുതല് കുറവും വരുമാനം കൂടുതലുമാണ്.
ഇടുക്കി, പാലക്കാട്, കോഴിക്കോട്, കൊല്ലം, തൃശൂര് ജില്ലയില് നിന്ന് സെക്കന്ഡ്സ് മദ്യങ്ങളും പിടികൂടിയിരുന്നു. ബെവ്കോയില്നിന്ന് വര്ഷത്തില് 15,000 കോടിയിലധികം രൂപയാണ് സര്ക്കാരിന് വരുമാനം. പെര്മിറ്റ് ഉള്പ്പെടെയുള്ള മാര്ഗങ്ങളില് നിന്ന് എക്സൈസിന് 3,500 കോടി രൂപയും ലഭിക്കുന്നുണ്ട്. കടുത്ത വേനലില് ബിയറിനും റമ്മിനുമാണ് കൂടുതല് ചെലവ് ഉണ്ടാകാറുള്ളത്. അതിന്റെ ലഭ്യതയ്ക്കും ഇപ്പോള് ക്ഷാമം നേരിടുന്നുണ്ട്. മദ്യ നിര്മാണത്തിലെ പ്രശ്നങ്ങളാണ് ഇതിനു ഒരു കാരണമായി പറയുന്നത്.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google