ട്രിപ്പിൾ ലോക്ക്ഡൗൺ ഉള്ള സ്ഥലങ്ങളിൽ തിങ്കളാഴ്ച കടകൾ തുറക്കാം; പെരുന്നാൾ പ്രമാണിച്ച് ഇളവ്
തിരുവനന്തപുരം; സംസ്ഥാനത്ത് ലോക്ക്ഡൗൺ നിയന്ത്രണങ്ങളിൽ ഇളവ്. ട്രിപ്പിൾ ലോക്ക്ഡൗൺ ഉള്ള സ്ഥാലങ്ങളിലും തിങ്കളാഴ്ച കടകൾ തുറക്കാമെന്ന് മുഖ്യമന്ത്രി വാർത്താസമ്മേളനത്തിൽ പറഞ്ഞു. ബക്രീദ് പ്രമാണിച്ചാണ് ഇളവ്. കൂടാതെ മറ്റ് ഇളവുകളും പ്രഖ്യാപിച്ചു.
നിലവില് എ വിഭാഗത്തില് (ടി പി ആര് 0 മുതല് 5 വരെ) 86 തദ്ദേശ സ്വയംഭരണ സ്ഥാപനങ്ങളും, കാറ്റഗറി ബിയില് (5 മുതല് 10 വരെ ) 392 തദ്ദേശ സ്ഥാപനങ്ങളും സി വിഭാഗത്തില് (10 മുതല് 15 വരെ) 362 സ്ഥാപനങ്ങളുമാണുള്ളത്. 15 ന് മുകളില് ടി പി ആര് ഉള്ള 194 തദ്ദേശ സ്ഥാപനങ്ങളുണ്ട്.ഇലക്ട്രോണിക് ഷോപ്പുകളും ഇലക്ട്രോണിക്റിപ്പയര് ഷോപ്പുകളും വീട്ടുപകരണങ്ങള് വില്ക്കുന്ന ഷോപ്പുകളും കാറ്റഗറി എ, ബി പ്രദേശങ്ങളില് തിങ്കള് മുതല് വെള്ളി വരെ രാവിലെ 7 മുതല് രാത്രി 8 വരെ പ്രവര്ത്തിക്കാന് അനുവദിക്കും.
വിശേഷദിവസങ്ങളില് ആരാധനാലയങ്ങളില് 40 പേര്ക്ക് വരെ പ്രവേശനം അനുവദിക്കും. ആ എണ്ണം പാലിക്കാൻ ആരാധനാലയങ്ങളുടെ ചുമതലപ്പെട്ടവർ പ്രത്യേകം ശ്രദ്ധിക്കണം. ഒരു ഡോസ് വാക്സിനെങ്കിലും എടുത്തവര്ക്കാകണം പ്രവേശനം.
Recommended Video
എ, ബി വിഭാഗങ്ങളില് പെടുന്ന പ്രദേശങ്ങളില് മറ്റു കടകള് തുറക്കാന് അനുമതിയുള്ള ദിവസങ്ങളില് ബ്യൂട്ടിപാര്ലറുകളും ബാര്ബര്ഷോപ്പോകളും ഒരു ഡോസ് വാക്സിനേഷനെങ്കിലും എടുത്ത സ്റ്റാഫുകളെ ഉള്പ്പെടുത്തി ഹെയര് സ്റ്റൈലിംഗിനായി തുറന്നു പ്രവര്ത്തിക്കാന് അനുമതി നല്കും.
സീരിയല് ഷൂട്ടിംഗ് അനുവദിച്ചതു പോലെ കാറ്റഗറി എ, ബി പ്രദേശങ്ങളില് കര്ക്കശമായ നിയന്ത്രണങ്ങള്ക്കു വിധേയമായി സിനിമ ഷൂട്ടിങ്ങും അനുവദിക്കും.ഒരുഡോസെങ്കിലും വാക്സിന് എടുത്തവര്ക്കുമാത്രമാകണം ഇത്തരം എല്ലായിടത്തും പ്രവേശനം അനുവദിക്കുകയെന്നും മുഖ്യമന്ത്രി അറിയിച്ചു.
Click it and Unblock the Notifications
Sign in with Google