തിരുവനന്തപുരത്ത് അട്ടിമറിയോ? ആദ്യ ഘട്ടത്തില്‍ കുമ്മനം രാജശേഖരന് ലീഡ്, ദിവാകരന്‍ മൂന്നാമത്

തിരുവനന്തപുരം; ശക്തമായ തിക്രോണ മത്സരം നടക്കുന്ന തിരുവന്തപുരം ശശി തരൂരിനെ പിന്നിലാക്കി എന്‍ഡിഎ സ്ഥാനാര്‍ത്ഥി കുമ്മനം രാജശേഖരന് ആദ്യ ലീഡ്. പോസ്റ്റല്‍ വോട്ടുകളാണ് ആദ്യ ഘട്ടത്തില്‍ എണ്ണുന്നത്. ആദ്യ സൂചനകള്‍ പുറത്തുവരുമ്പോള്‍ എന്‍ഡിഎക്ക് വലിയ ആത്മവിശ്വാസമാണ് നല്‍കുന്നത്. പോസ്റ്റല്‍ വോട്ടില്‍ ലീഡ് പ്രതീക്ഷിച്ചിരുന്ന കോണ്‍ഗ്രസിന് കുമ്മനത്തിന്‍റെ മുന്നേറ്റം തിരിച്ചടിയാണ്. സി ദിവാകരന്‍ മുന്നാം സ്ഥാനത്താണ് ഉള്ളത്.

ശബരിമല സ്ത്രീ പ്രവേശന വിവാദത്തിന്റെ പശ്ചാത്തലത്തില്‍ തങ്ങള്‍ക്ക് ഏറ്റവും അനുകൂലമായ സാഹചര്യമെന്ന് ബിജെപി വിലയിരുത്തിയ തിരഞ്ഞെടുപ്പാണിത്. കുമ്മനം രാജശേഖരനിലൂടെ ഇക്കുറി തിരുവനന്തപുരം പിടിച്ച് അക്കൗണ്ട് തുറക്കും ബിജെപി എന്നാണ് നേതൃത്വം നേരത്തെ തന്നെ കണക്ക് കൂട്ടിയിരുന്നു.

ശബരിമല വിഷയം ഏറ്റവും അധികം സ്വാധീനിച്ചിട്ടുളള ഒരു മണ്ഡലമാണ് തിരുവനന്തപുരം. ശബരിമലയിലൂന്നി ആര്‍എസ്എസ് നേരിട്ടിറങ്ങി കുമ്മനത്തിന് വേണ്ടി പ്രചാരണം നടത്തിയ മണ്ഡലം. എന്ത് വില കൊടുത്തും തിരുവനന്തപുരത്ത് കുമ്മനത്തെ ജയിപ്പിക്കാന്‍ തങ്ങളുടെ സംഘടനാ സംവിധാനം മുഴുവന്‍ ബിജെപി ഉപയോഗിച്ചിരുന്നു. ആ പ്രചരണങ്ങള്‍ ഏറ്റുവെന്ന സൂചനയാണ് തിരുവനന്തപുരത്ത് നിന്ന് ലഭിക്കുന്നത്.

English summary

Lok Sabha Election 2019: Thiruvananthapuram constituency, Kummanam Rajasekharan in leading