'ഇത്രയേറെ ഉപദ്രവിച്ചിട്ട് ഇനി ഞാനാണോ മാപ്പ് പറയേണ്ടത്?' ഷാഫിയോട് ശൈലജ
വടകര: അശ്ലീല വീഡിയോ വിവാദവുമായി ബന്ധപ്പെട്ട് തനിക്ക് വക്കീല് നോട്ടീസൊന്നും ലഭിച്ചിട്ടില്ല എന്ന് വടകരയിലെ എല് ഡി എഫ് സ്ഥാനാര്ത്ഥി കെ കെ ശൈലജ. യു ഡി എഫ് സ്ഥാനാര്ത്ഥി ഷാഫി പറമ്പില് കഴിഞ്ഞ ദിവസം ശൈലജക്ക് വക്കീല് നോട്ടീസ് അയച്ചിരുന്നു എന്ന് പറഞ്ഞിരുന്നു. ഇതിന് പിന്നാലെയാണ് ശൈലജയുടെ പ്രതികരണം. മാതൃഭൂമി ഡോട്ട് കോമിനാട് പ്രതികരിക്കുകയായിരുന്നു അവര്.
അശ്ലീല വീഡിയോ വിവാദത്തില് മാപ്പ് പറയേണ്ടത് താനാണോ എന്നും ശൈലജ ചോദിച്ചു. ' എന്നെ ഇത്രയേറെ ഉപദ്രവിച്ചിട്ട് ഇനി ഞാനാണോ മാപ്പ് പറയേണ്ടത്? അങ്ങനെയൊരു വക്കീല് നോട്ടീസ് എനിക്ക് കിട്ടിയിട്ടില്ല. പലതും കല്പ്പിച്ച് കൂട്ടി ചെയ്തിട്ട് ഞാന് മാപ്പ് പറയണോ? ബൂത്തില് എത്തുന്ന ജനങ്ങള് ഇതെല്ലാം വിലയിരുത്തും,' ശൈലജ പറഞ്ഞു.
സൈബര് പ്രചരണങ്ങള് അവഗണിക്കാനാണ് ആദ്യം തീരുമാനിച്ചിരുന്നത് എന്നും എന്നാല് മാതൃഭൂമി ഓണ്ലൈന് പേജും കാന്തപുരത്തിന്റെ ലെറ്റര്ഹെഡും വരെ കൃത്രിമമായി ഉണ്ടാക്കി പ്രചരണം നടത്തിയതോടെയാണ് പ്രതികരിച്ചത്. ചിത്രം മോശമായി ഉപയോഗിച്ച് ഒരു വിഭാഗം ആളുകളെ തെറ്റിദ്ധരിപ്പിക്കാന് ശ്രമിച്ചപ്പോഴാണ് പരാതി നല്കിയത്. ഇല്ലാത്ത വീഡിയോയുടെ പേരില് വ്യക്തിപരമായി ആക്ഷേപിച്ചു എന്ന് കാണിച്ചാണ് ഷാഫി പറമ്പില് ശൈലജക്ക് വക്കീല് നോട്ടീസ് അയച്ചത്.
വിവാദം സി പി എം അജണ്ടയുടെ ഭാഗമാണ് എന്നും ഷാഫി പറഞ്ഞു. ഇല്ലാത്ത വീഡിയോയുടെ പേരില് തനിക്കും ഉമ്മയില്ലേ എന്ന തരത്തില് വരെ ആക്ഷേപങ്ങള് ഉണ്ടായി. ആ സാഹചര്യത്തിലാണ് ശൈലജയ്ക്കെതിരെ നോട്ടീസ് അയച്ചത്. ഇക്കാര്യത്തില് അവര് മാപ്പ് പറഞ്ഞേ മതിയാവൂ എന്നും ഷാഫി പറമ്പില് പറഞ്ഞു. ആ വീഡിയോ സത്യമല്ല എന്നത് വടകരയിലെ ജനങ്ങള്ക്കും കേരളത്തിലെ ജനങ്ങള്ക്കും മനസിലായിട്ടുണ്ട് എന്നും അദ്ദേഹം കൂട്ടിച്ചേര്ത്തു.
അശ്ലീല വീഡിയോ ഇല്ലെന്ന് ശൈലജ നിലപാട് മാറ്റിയിട്ടും അടുത്തദിവസം രാവിലെ പാര്ട്ടി സെക്രട്ടറി എം വി ഗോവിന്ദന് പത്രസമ്മേളനം വിളിച്ച് അങ്ങനെയൊരു വീഡിയോ ഉണ്ടെന്ന് തറപ്പിച്ച് പറയുന്നതിന്റെ അര്ത്ഥം ശൈലജയെ കൊണ്ട് അങ്ങനെ പറയിപ്പിച്ചത് പാര്ട്ടിയാണ് എന്നല്ലേ എന്നും ഷാഫി പറമ്പില് ചോദിച്ചു. നടപടി എടുക്കുമ്പോള് എല്ലാവര്ക്കുമെതിരെ എടുക്കണം എന്നും അദ്ദേഹം പറഞ്ഞു.
താന് അയച്ച വക്കീല് നോട്ടീസിന് ഇതുവരെയും മറുപടി ലഭിച്ചിട്ടില്ല എന്നും അതില് കെ കെ ശൈലജ മാപ്പ് പറഞ്ഞേ പറ്റൂ എന്നും ഷാഫി പറമ്പില് ആവശ്യപ്പെട്ടു. ശൈലജയുടടെ മോര്ഫ് ചെയ്ത വീഡിയോ സോഷ്യല് മീഡിയയില് പ്രചരിപ്പിക്കുന്നു എന്നായിരുന്നു ആരോപണം. എന്നാല് പിന്നീട് വീഡിയോ അല്ല മുഖംമാറ്റിയ പോസ്റ്റര് എന്നാക്കി ശൈലജ തിരുത്തിയിരുന്നു. ഇതിന് പിന്നാലെയാണ് നിയമനടപടി സ്വീകരിക്കും എന്ന് ഷാഫി പറഞ്ഞത്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google