24 മണിക്കൂറിനുള്ളില് വാര്ത്താസമ്മേളനം വിളിച്ച് മാപ്പ് പറയണം; ശൈലജക്ക് ഷാഫിയുടെ വക്കീല് നോട്ടീസ്
വടകര: വടകരയിലെ എല് ഡി എഫ് സ്ഥാനാര്ത്ഥി കെ കെ ശൈലജക്കെതിരെ വക്കീല് നോട്ടീസ് അയച്ച് യു ഡി എഫ് സ്ഥാനാര്ത്ഥി ഷാഫി പറമ്പില്. അശ്ലീല വീഡിയോ പ്രചരിപ്പിച്ചെന്ന ആരോപണത്തില് ആണ് ഷാഫിയുടെ വക്കീല് നോട്ടീസ്. 24 മണിക്കൂറിനുള്ളില് വാര്ത്താസമ്മേളനം വിളിച്ച് ചേര്ത്ത് മാപ്പ് പറയണം എന്നാണ് വക്കീല് നോട്ടീസില് ഷാഫി പറമ്പില് ആവശ്യപ്പെട്ടിരിക്കുന്നത്.
' ചെയ്യാത്ത കാര്യം സോഷ്യല് മീഡിയയിലൂടെ പ്രചരിപ്പിച്ചു. എനിക്ക് ഉമ്മയില്ലേയെന്ന ചോദ്യം വരെ കേട്ടു. ഇനി ആര്ക്കും ഇങ്ങനെ സംഭവിക്കാതിരിക്കാനാണ് നിയമനടപടി സ്വീകരിക്കുന്നത്. ആരോപണം എന്റെ സല്പ്പേരിന് കളങ്കമുണ്ടാക്കുന്നതാണ്. രാഷ്ട്രീയ നേട്ടത്തിന് വേണ്ടിയാണ് ഇത്തരമൊരു ആരോപണം എനിക്കെതിരെ ഉന്നയിച്ചത്,' ഷാഫി പറമ്പില് വക്കീല് നോട്ടീസില് പറഞ്ഞു.
വീഡിയോ ആരോപണത്തില് ശൈലജക്കെതിരെ നിയമനടപടി സ്വീകരിക്കുമെന്ന് ഷാഫി പറമ്പില് നേരത്തെ തന്നെ വ്യക്തമാക്കിയിരുന്നു. ശൈലജയുടടെ മോര്ഫ് ചെയ്ത വീഡിയോ സോഷ്യല് മീഡിയയില് പ്രചരിപ്പിക്കുന്നു എന്നായിരുന്നു ആരോപണം. എന്നാല് പിന്നീട് വീഡിയോ എന്നല്ല മുഖംമാറ്റിയ പോസ്റ്റര് എന്ന് പിന്നീട് ശൈലജ തിരുത്തി. ഇതിന് പിന്നാലെയാണ് നിയമനടപടി സ്വീകരിക്കും എന്ന് ഷാഫി പറഞ്ഞിരുന്നു.
എന്നാല്, താന് പറഞ്ഞത് വളരെ വ്യക്തമാണെന്നും അതില് തന്നെ ഉറച്ച് നില്ക്കുന്നുവെന്നും ശൈലജ കഴിഞ്ഞ ദിവസം പറഞ്ഞു. അധാര്മികമായ സൈബര് പ്രചാരണം തനിക്കെതിരെ ഉണ്ടായെന്നും തന്റെ പൊളിറ്റിക്കല് ക്രെഡിബിലിറ്റി ചോദ്യം ചെയ്യപ്പെട്ടെന്നും ശൈലജ പറഞ്ഞിരുന്നു. മാധ്യമങ്ങള് സെന്സേഷണല് വാര്ത്തകള്ക്ക് പിന്നാലെ പോവുകയാണ് എന്നും അവര് കുറ്റപ്പെടുത്തിയിരുന്നു.
ഷാഫി പറമ്പില് വേണമെങ്കില് നിയമനടപടി സ്വീകരിച്ചോട്ടെയെന്നും തെളിവ് താന് നല്കാം എന്നും ശൈലജ വെല്ലുവിളിച്ചിരുന്നു. ഇതിന് പിന്നാലെയാണ് ഷാഫി പറമ്പില് വക്കീല് നോട്ടീസ് അയച്ചിരിക്കുന്നത്. ശൈലജയുടെ മോര്ഫ് ചെയ്ത വീഡിയോ പ്രചരിപ്പിക്കുന്നുവെന്ന ആരോപണത്തെ തുടര്ന്ന് വലിയ വിമര്ശനമാണ് ഷാഫി പറമ്പിലിനെതിരെ ഉയര്ന്നത്. എന്നാല് ശൈലജ തന്നെ തിരുത്തി പറഞ്ഞതില് സന്തോഷമുണ്ട് എന്ന് ഷാഫി പറഞ്ഞിരുന്നു.
അതേസമയം തനിക്കെതിരെ ഉണ്ടായ അപവാദ പ്രചരണങ്ങള് ഇല്ലാതാകില്ലല്ലോ എന്നും വീഡിയോയുടെ പേരില് തന്റെ ഉമ്മയുടെ പേര് വരെ വലിച്ചിഴച്ചുവെന്നും ഷാഫി ചൂണ്ടിക്കാട്ടി. തനിക്കെതിരെയുണ്ടായ അധിക്ഷേപത്തില് ആരെങ്കിലും മാപ്പ് പറയുമോ എന്നും ഷാഫിയുടെ ചോദിച്ചിരുന്നു. വോട്ടെടുപ്പിന് ദിവസങ്ങള് മാത്രം ശേഷിക്കെ വീഡിയോ വിവാദം തങ്ങള്ക്ക് അനുകൂലമാക്കാനാണ് ഇരുകൂട്ടരുടേയും നീക്കം.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി
Click it and Unblock the Notifications
Sign in with Google