പ്രതിരോധം തീര്ത്ത് മന്ത്രി നേരിട്ടിറങ്ങുമ്പോള് ഒരിക്കല് കൂടി ചെങ്കോട്ട ഇളക്കാന് രമ്യക്കാകുമോ..? സാധ്യതകള്
തിരഞ്ഞെടുപ്പിന് ദിവസങ്ങള് മാത്രം ശേഷിക്കെ ആലത്തൂര് മണ്ഡലത്തില് പ്രചരണത്തിനും ചൂടുപിടിച്ചിരിക്കുകയാണ്. ഇടത് കോട്ടയെന്ന് വിശേഷിപ്പിക്കപ്പെട്ട ആലത്തൂരില് കഴിഞ്ഞ തവണ രമ്യ ഹരിദാസ് കാണിച്ച അത്ഭുതം ഇത്തവണയും ആവര്ത്തിക്കുമോ എന്നാണ് യുഡിഎഫ് ക്യാംപ് ഉറ്റുനോക്കുന്നത്. മറുവശത്ത് ആലത്തൂര് തിരിച്ചുപിടിക്കാന് സംസ്ഥാനത്തെ മന്ത്രിയും സര്വോപരി ജനകീയനുമായ കെ രാധാകൃഷ്ണനെ ഇറക്കിയ ആത്മവിശ്വാസത്തിലാണ് എല്ഡിഎഫ്.
ഇന്നേവരെ ത്രികോണ മത്സരമില്ലാതിരുന്ന ആലത്തൂരില് അതിന്റെ ഒരു പ്രതീതിയുണ്ടാക്കി സാക്ഷാല് പ്രധാനമന്ത്രിയെ തന്നെ പ്രചരണത്തില് എത്തിച്ചതിന്റെ കരുത്താണ് എന്ഡിഎ സ്ഥാനാര്ത്ഥി സരസുവിന്റെ പ്രതീക്ഷ. കഴിഞ്ഞ തവണ ബിഡിജെഎസ് മത്സരിച്ച മണ്ഡലം ഇത്തവണ ബിജെപിയാണ് ഏറ്റെടുത്തിരിക്കുന്നത്. ഏതായാലും 26 ന് ജനം വിധിയെഴുതുന്നതോടെ എല്ലാ പ്രവചനങ്ങള്ക്കും അന്ത്യമാകും.
2009 ലെ ആദ്യ ലോക്സഭാ തിരഞ്ഞെടുപ്പ് മുതല് ഇടത്തോട്ട് ചാഞ്ഞ ചരിത്രമാണ് ആലത്തൂരിന് പറയാനുണ്ടായിരുന്നു. എന്നാല് ആ ചരിത്രം രമ്യ ഹരിദാസ് എന്ന പുതുമുഖം 2019 ല് തിരുത്തിച്ചു. ചെങ്കോട്ട എന്ന വിശേഷിപ്പിക്കപ്പെട്ട ആലത്തൂരിലെ പല കോട്ടകളിലും വിള്ളല് വീഴ്ത്തുകയല്ല രമ്യ ചെയ്തത്. അക്ഷരാര്ത്ഥത്തില് തകര്ക്കുക തന്നെ ചെയ്തു. മണ്ഡലത്തിലെ 59 പഞ്ചായത്തില് 58 ലും യു ഡി എഫിനായിരുന്നു ലീഡ്.
ഒരു ബൂത്തില് സി പി എമ്മിന് ഒറ്റവോട്ട് പോലും ലഭിച്ചില്ല എന്നറിയുമ്പോഴാണ് രമ്യ ഹരിദാസിന്റെ വിജയത്തിന്റെ മാറ്റ് മനസിലാകുക. എന്നാല് ഈ വിജയത്തിന്റെ പേരില് 2024 ലും ജയിക്കാമെന്ന അമിത വിശ്വാസം യു ഡി എഫിനില്ല. കാരണം അതിന് ശേഷം കഴിഞ്ഞ തദ്ദേശ തിരഞ്ഞെടുപ്പിലും നിയമസഭാ തിരഞ്ഞെടുപ്പിലും ആലത്തൂരില് അവിശ്വസനീയമായ തിരിച്ചുവരവാണ് ഇടതുപക്ഷം നടത്തിയത്.
ആലത്തൂര് ലോക്സഭാ മണ്ഡലത്തിന് കീഴിലുള്ള ഏഴ് നിയമസഭാ മണ്ഡലങ്ങളിലും എല് ഡി എഫാണ് 2021 ല് ജയിച്ചത്. നിയമസഭാ തിരഞ്ഞെടുപ്പിലെ കണക്കുനോക്കുമ്പോള് ഇടതുപക്ഷത്തിന്റെ ലീഡ് രണ്ടു ലക്ഷത്തിലേറെയാണ്. ആലത്തൂരിന് കീഴിലുള്ള ചേലക്കരയിലെ എം എല് എയാണ് രാധാകൃഷ്ണന്. ജയം എന്ന ഒറ്റലക്ഷ്യം കൊണ്ട് മാത്രമാണ് മറ്റൊരു പരീക്ഷണത്തിനും മുതിരാതെ സി പി എം ഇവിടെ രാധാകൃഷ്ണനെ നിയോഗിച്ചതും.
വ്യക്തിപരമായ ജനസമ്മതിയും സംസ്ഥാന സര്ക്കാരിനെതിരായ കര്ഷകരുടെ പ്രതിഷേധവുമാണ് രമ്യ ഹരിദാസിന്റെ പിന്ബലം. മറുവശത്ത് ജനകീയ മന്ത്രി എന്ന നിലയിലെ പ്രതിച്ഛായയും ഇടതുപക്ഷത്തിന് ശക്തമായ വേരോട്ടമുള്ള മണ്ഡലം എന്നതുമാണ് രാധാകൃഷ്ണന്റെ കരുത്താകുന്നത്. അതേസമയം പ്രധാനമന്ത്രിയടക്കം പ്രചരണത്തിന് എത്തിയെങ്കിലും അതെല്ലാം വോട്ടാക്കി മാറ്റാനുള്ള സ്വാധീനം മണ്ഡലത്തില് ബിജെപിക്കില്ല.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google