എന്തുകൊണ്ട് സുരേഷ് ഗോപിയെ പിന്തുണയ്ക്കാന് കഴിയില്ല; കാരണം വ്യക്തമാക്കി ഇന്നസെന്റ്
തൃശൂര്: തൃശൂര് മണ്ഡലത്തിലെ ബിജെപി സ്ഥാനാര്ത്ഥിയും സുഹൃത്തുമായ സുരേഷ് ഗോപിക്ക് എന്തുകൊണ്ട് വോട്ട് ചെയ്തില്ലെന്ന് വ്യക്തമാക്കി ചാലക്കുടിയെ ഇടതുമുന്നണി സ്ഥാനാര്ത്ഥിയും നടനുമായ ഇന്നസെന്റ്. ഇരങ്ങാലക്കുട ഡോണ് ബോസ്കോ സ്കൂളില് ഭാര്യ ആലീസിനും മകന് സോണറ്റിനും മരുമകള് രശ്മിയ്ക്കുമൊപ്പം വോട്ട് ചെയ്തതിന് ശേഷം മാധ്യമപ്രവര്ത്തകരോട് സംസാരിക്കുകയായിരുന്നു ഇന്നസെന്റ്.
കേരളം ഇടത്തോട്ടോ വലത്തോട്ടോ.. ഇന്നറിയാം കാര്യങ്ങൾ... 20 മണ്ഡലങ്ങളുടെയും അവസാനവട്ട വിശകലനം വായിക്കൂ!!
സുരേഷ് ഗോപി സുഹൃത്താണ്. കഴിഞ്ഞ തവണ ചാലക്കുടിയില് തന്റെ പ്രചരണത്തിനായി സുരേഷ് ഗോപി വന്നുവെന്നത് ശരിയാണ്. അന്ന് അദ്ദേഹം ഒരു പാര്ട്ടിയിലും അംഗമായിരുന്നില്ല. ഇന്ന് അദ്ദേഹം വേറെ പാര്ട്ടിയിലായി. എന്റെ പാര്ട്ടി വേറെയും അതുകൊണ്ട് അദ്ദേഹത്തെ പിന്തുണയ്ക്കാന് കഴിയില്ല.
ഞാന് അദ്ദേഹത്തെ പിന്തുണച്ചാല് അത് എന്റെ പാര്ട്ടിക്കാര്ക്ക് വിഷമമാകും. വോട്ട് ചെയ്യില്ലെന്ന് മനസിലായത് കൊണ്ടാകണം തൃശൂര് മണ്ഡലത്തിലെ വോട്ടറായിട്ടും സുരേഷ് ഗോപി തന്നോട് വോട്ടുചോദിക്കാതിരുന്നതെന്നും ഇന്നസെന്റ് കൂട്ടിച്ചേര്ത്തു.
തിരുവനന്തപുരത്ത് കൈപ്പത്തിക്ക് കുത്തുന്ന വോട്ട് പോവുന്നത് താമരക്ക്; വോട്ടിങ് നിര്ത്തിവെച്ചു
പണ്ട് പഠിക്കാത്തിന് ടീച്ചര്മാര് വരാന്തയില് നിര്ത്തിയ അതേ സ്കൂളിലാണ് താന് വോട്ടുചെയ്യാന് നിന്നത് എന്നത് കൗതുകകരമാണ്. വോട്ട് ചെയ്തു കഴിഞ്ഞു. ഇനി ഇവിടെ നിന്നിട്ട് കാര്യമില്ല. മത്സരിക്കുന്ന മണ്ഡലത്തിലേക്ക് പോകുകയാണെന്നും ഇന്നസെന്റ് പറഞ്ഞു.