ലോക കേരള സഭ; പ്രഥമ സമ്മേളനം വെള്ളിയാഴ്ച മുതൽ, സഭയിൽ 351 അംഗങ്ങൾ...
സഭാ നടത്തിപ്പിനെക്കുറിച്ച് സ്പീക്കര് പി. ശ്രീരാമകൃഷ്ണന് പ്രഖ്യാപനം നടത്തും.
തിരുവനന്തപുരം: ലോക കേരള സഭയുടെ പ്രഥമ സമ്മേളനം നിയമസഭാ മന്ദിരത്തില് വെള്ളിയാഴ്ച രാവിലെ 9.30ന് ആരംഭിക്കും. 8.30 മുതല് 9.30 വരെ അംഗങ്ങളുടെ രജിസ്ട്രേഷനാണ്.
9.30ന് സഭയുടെ രൂപീകരണം സംബന്ധിച്ച് സെക്രട്ടറി ജനറലും സംസ്ഥാന ചീഫ് സെക്രട്ടറിയുമായ പോള് ആന്റണി പ്രഖ്യാപനം നടത്തും. അതിനുശേഷം സഭാംഗങ്ങള് ഒരുമിച്ച് സത്യപ്രതിജ്ഞ ചെയ്ത് ചുമതലയേല്ക്കും. തുടര്ന്ന് സഭാ നടത്തിപ്പിനെക്കുറിച്ച് സ്പീക്കര് പി. ശ്രീരാമകൃഷ്ണന് പ്രഖ്യാപനം നടത്തും.
മലപ്പുറത്ത് വെള്ളത്തിൽ പ്രസവിച്ച യുവതി മരിച്ചു; ജീവനെടുത്തത് വാട്ടർബെർത്ത്, പ്രസവമുറി പൂട്ടി....
സഭാനേതാവ് മുഖ്യമന്ത്രി പിണറായി വിജയന്റെ ഉദ്ഘാടന പ്രസംഗത്തോടെ കാര്യപരിപാടികള് ആരംഭിക്കും. തുടര്ന്ന് പ്രതിപക്ഷ നേതാവ് രമേശ് ചെന്നിത്തല സംസാരിക്കും. ലോക കേരളത്തെക്കുറിച്ചുള്ള തങ്ങളുടെ കാഴ്ചപ്പാട് രാജ്യസഭാ ഡെപ്യൂട്ടി ചെയര്മാന് പി.ജെ. കുര്യന്, കേന്ദ്ര ടൂറിസം സഹമന്ത്രി അല്ഫോന്സ് കണ്ണന്താനം, മുന്മുഖ്യമന്ത്രിമാരായ വി.എസ് അച്യുതാനന്ദന്, ഉമ്മന് ചാണ്ടി, മുന് കേന്ദ്ര പ്രവാസകാര്യവകുപ്പ് മന്ത്രി വയലാര് രവി, വിവിധ റീജിയനുകളുടെ പ്രതിനിധികള്, പ്രമുഖ എന്.ആര്.ഐ വ്യവസായികള്, വിവിധ വിഷയ മേഖലകളിലെ പ്രമുഖ വ്യക്തികള് തുടങ്ങിയവര് വ്യക്തമാക്കും.
ഉച്ചഭക്ഷണത്തിനുശേഷം 2.30ന് നിയമസഭാ സമുച്ചയത്തിലെ അഞ്ച് ഉപവേദികളില് പശ്ചിമേഷ്യ, ഏഷ്യയിലെ ഇതര രാജ്യങ്ങള്, യൂറോപ്പും അമേരിക്കയും, മറ്റു ലോക രാജ്യങ്ങള്, ഇന്ത്യയിലെ ഇതര സംസ്ഥാനങ്ങള് എന്നിങ്ങനെ മേഖല തിരിച്ചുള്ള സമ്മേളനങ്ങള് ആരംഭിക്കും. 4.30 ന് നടക്കുന്ന പൊതു സമ്മേളനത്തില് മേഖലാ ചര്ച്ചകളുടെ അവതരണം നടക്കും. 6.15 മുതല് സാംസ്കാരിക പരിപാടികള് ആരംഭിക്കും. പ്രഭാവര്മ്മ രചിച്ച് ശരത് സംഗീതം നല്കിയ മുദ്രാഗാന അവതരണം, പ്രമോദ് പയ്യന്നൂരും ജയരാജ് വാര്യരും ചേര്ന്ന് ഒരുക്കുന്ന സംഗീതം, കോറിയോഗ്രാഫി, കാരിക്കേച്ചര് എന്നിവയുടെ ദൃശ്യവിസ്മയമായ 'ദൃശ്യാഷ്ടകം' എന്ന പരിപാടിയും ഉണ്ടാകും.