ബംഗാള് ഉള്ക്കടലില് ന്യൂനമര്ദ്ദം; കേരളത്തില് മഴ ശക്തമാകും, 11 ജില്ലകളില് യെല്ലോ അലര്ട്ട്
തിരുവനന്തപുരം: വടക്ക് കിഴക്കന് ബംഗാള് ഉള്ക്കടലിലെ ന്യൂനമര്ദ്ദത്തിന്റെ ഫലമായി സംസ്ഥാനത്ത് ഇന്ന് ശക്തമാകുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ഈ സാഹചര്യത്തില് 11 ജില്ലകളില് യെല്ലോ അലര്ട്ട് പ്രഖ്യാപിച്ചിരിക്കുകയാണ്.
തിരുവനന്തപുരം, ആലപ്പുഴ, കൊല്ലം ഒഴികെയുള്ള ജില്ലകളിലാണ് ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കലാവസ്ഥ നിരീക്ഷണ വകുപ്പ് മുന്നറിയിപ്പ് നല്കി. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
യെല്ലോ അലര്ട്ട് പ്രഖ്യാപിച്ച ജില്ലകളും ദിവസവും
12-09-2021
പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
13-09-2021
കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
14-09-2021
ഇടുക്കി, മലപ്പുറം, കോഴിക്കോട്, കണ്ണൂര്, കാസര്ഗോഡ്
അതേസമയം, ദില്ലിയില് ശക്തമായ മഴ തുടരുകയാണ്. 11 വര്ഷത്തിനിടെയിലുള്ള ഏറ്റവും ശക്തമായ മഴയാണ് ദില്ലിയില് ലഭിച്ചത്. മഴ തുടരുന്ന സാഹചര്യത്തില് 5 ജില്ലകളില് ഓറഞ്ച് അലര്ട്ട് പ്രഖ്യാപിച്ചിരിക്കുകയാണ്. പല സ്ഥലങ്ങളിലും വെള്ളക്കെട്ട് ഉണ്ടായതോടെ വാഹന ഗതാഗതം തടസപ്പെട്ടിരിക്കുകയാണ്. ഉത്തര്പ്രദേശിലും ഹരിയാനയിലും ഉത്തരാഖണ്ഡിലും കനത്ത മഴയാണ് പെയ്യുന്നത്. വടക്കുകിഴക്കന് സംസ്ഥാനങ്ങളിലും ശക്തമായ മഴ ലഭിക്കുന്നുണ്ട്.
മത്സ്യത്തൊഴിലാളി ജാഗ്രത നിര്ദ്ദേശം
കാലാവസ്ഥയുടെ അടിസ്ഥാനത്തില് മത്സ്യത്തൊഴിലാളികള്ക്കുള്ള നിര്ദ്ദേശവും പുറപ്പെടുവിച്ചിട്ടുണ്ട്. കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്നാണ് കാലാവസ്ഥ നിരീക്ഷണ കേന്ദ്രം അറിയിച്ചിരിക്കുന്നത്. അതേസമയം, വിഴിഞ്ഞം മുതല് കാസര്ഗോഡ് തീരം വരെ സെപ്റ്റംബര് 13 രാത്രി 11.30 വരെ 3.5 മുതല് 3.8 മീറ്റര് വരെ ഉയരത്തില് തിരമാലക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചിട്ടുണ്ട്. ഈ സാഹചര്യത്തില് മത്സ്യത്തൊഴിലാളികളും കടലോര നിവാസികളും ജാഗ്രത തുടരേണ്ടതാണ്.
മത്സ്യത്തൊഴിലാളികള്ക്കുള്ള പ്രത്രത്യേക ജാഗ്രത നിര്ദേശം
12-09-2021 & 13092021 : തെക്ക് - കിഴക്കന് ബംഗാള് ഉള്ക്കടല്, ആന്ഡമാന് കടല് എന്നീ സമുദ്രഭാഗങ്ങളില് മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി.മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
12-09-2021 മുതല് 14-09-2021 വരെ: വടക്ക് - പടിഞ്ഞാറന് ബംഗാള് ഉള്കടലിലും, വടക്ക് ആന്ധ്രാ പ്രദേശ് തീരത്തും അതിനോട് ചേര്ന്ന മധ്യ ബംഗാള് ഉള്കടലിലും, വെസ്റ്റ്-ബംഗാള് തീരത്തും ഒറീസ തീരത്തും മണിക്കൂറില് 45 മുതല് 55 കി.മീ വരെ വേഗതയിലും ചില അവസരങ്ങളില് 65 കി.മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
സൂപ്പര് ഹോട്ട് ലുക്കില് മൃദുല മുരളി; ട്രെന്ഡിംഗായി ചിത്രങ്ങള്
12-09-2021 മുതല് 16-09-2021 വരെ: തെക്ക് - പടിഞ്ഞാറന്, മധ്യ - പടിഞ്ഞാറന് അറബിക്കടലില് മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി.മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
12-09-2021: ഗള്ഫ് ഓഫ് മാന്നാറില് മണിക്കൂറില് 35 മുതല് 45 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മേല് പറഞ്ഞ ദിവസങ്ങളില് പ്രസ്തുത പ്രദേശങ്ങളില് മത്സ്യബന്ധനത്തിന് പോകാന് പാടുള്ളല്ല.
Click it and Unblock the Notifications
Sign in with Google