സൂപ്പർ ഫ്രൈഡേ: ലുലു മാളുകളില്‍ വമ്പന്‍ ഓഫറുകള്‍ തുടങ്ങി; മൊബൈൽ മുതല്‍ വസ്ത്രങ്ങള്‍ക്ക് വരെ വന്‍ ഇളവ്

ദോഹ: വർഷത്തിലെ ഏറ്റവും വലിയ ഡിസ്കൗണ്ട് ഇവന്റായ 'സൂപ്പർ ഫ്രൈഡേ പ്രമോഷൻ 2025' ആരംഭിച്ച് ഖത്തറിലെ ഏറ്റവും വലിയ റീട്ടെയിൽ ശൃംഖലയായ ലുലു ഹൈപ്പർമാർക്കറ്റ്. ലോകമെമ്പാടുമുള്ള ബ്ലാക്ക് ഫ്രൈഡേ ഷോപ്പിങ് സീസണുമായി ഒത്തുചേർന്ന് നടക്കുന്ന ഈ പ്രമോഷനിലൂടെ ഉപഭോക്താക്കൾക്ക് അഭൂതപൂർവമായ ഓഫറുകളും ആകർഷകമായ ഡിസ്കൗണ്ടുകളുമാണ് കമ്പനി ലഭ്യമാക്കുന്നത്.

ഡിസംബർ 6 വരെ നീളുന്ന ഈ പ്രമോഷനിൽ ഇലക്‌ട്രോണിക്‌സ്, മൊബൈൽ ഫോണുകൾ, വെയറബിൾസ്, ബ്യൂട്ടി & പേഴ്‌സണൽ കെയർ ഉൽപ്പന്നങ്ങൾ, ഫാഷൻ, പലചരക്ക് സാധനങ്ങൾ, പച്ചക്കറി-പഴം-മാംസം തുടങ്ങിയ ഫ്രഷ് ഫുഡ് വിഭാഗങ്ങൾ എന്നിവയിൽ വമ്പിച്ച കിഴിവുകൾ ലഭിക്കും. ഖത്തറിലെ എല്ലാ ലുലു ഹൈപ്പർമാർക്കറ്റ് ശാഖകളിലും ലുലു ഓൺലൈൻ ഷോപ്പിങ് പ്ലാറ്റ്‌ഫോമിലും ഓഫറുകൾ ലഭ്യമാണ്.

" ബ്ലാക്ക് ഫ്രൈഡേ സീസണുമായി യോജിച്ച് നടക്കുന്ന ഈ പ്രമോഷൻ ഉപഭോക്താക്കൾക്ക് അസാധാരണമായ മൂല്യം, ആകർഷകമായ ഓഫറുകൾ, മികച്ച ഷോപ്പിങ് അനുഭവം എന്നിവ നൽകും. ജനപ്രിയ വിഭാഗങ്ങളിലെല്ലാം വിപുലമായ ഡീൽസാണ് ഒരുക്കിയിരിക്കുന്നത്. ഓൺലൈൻ ഷോപ്പിങ് സൗകര്യവും എക്‌സ്‌ക്ലൂസീവ് ഓൺലൈൻ ഓഫറുകളും ഈ ഇവന്റിനെ കൂടുതൽ ആകർഷകമാക്കുന്നു." ലുലു വക്താവിനെ ഉദ്ധരിച്ച് അറബ് മാധ്യമങ്ങള്‍ റിപ്പോർട്ട് ചെയ്യുന്നു.

പ്രമോഷന്റെ ഭാഗമായി ഏറെ പ്രചാരമുള്ള 'ലുലു ഓൺ സെയിൽ' വീണ്ടും തിരിച്ചെത്തി എന്നുള്ളതാണ് ശ്രദ്ധേയം. റെഡി-മെയ്ഡ് വസ്ത്രങ്ങൾ, സാരികൾ, ചുരിദാറുകൾ, ഷൂസ്, ലേഡീസ് ബാഗുകൾ, ബേബി ആക്സസറീസ്, തിരഞ്ഞെടുത്ത സൺഗ്ലാസുകൾ തുടങ്ങിയവയിൽ 25% മുതൽ 50% വരെ കിഴിവ് ലഭിക്കും. പുരുഷന്മാർക്കും സ്ത്രീകൾക്കും കുട്ടികൾക്കുമുള്ള ഏറ്റവും പുതിയ ഫാഷൻ ട്രെൻഡുകളും അന്താരാഷ്ട്ര ബ്രാൻഡുകളും ഉൾപ്പെടുന്ന ഈ കളക്ഷൻ 2025 ഡിസംബർ 6 വരെ ലഭ്യമാണ്.

ലുലു ആപ്പിലൂടെ എക്‌സ്‌ക്ലൂസീവ് ഓൺലൈൻ ഓഫറുകൾ

ലുലു മൊബൈൽ ആപ്പ് വഴി ഷോപ്പ് ചെയ്യുന്നവർക്ക് സൂപ്പർ ഫ്രൈഡേയുടെ പ്രത്യേക ഓൺലൈൻ ഓഫറുകൾ ആക്‌സസ് ചെയ്യാം. ഖത്തറിന്റെ ഏത് കോണിലിരുന്നും ഏറ്റവും മികച്ച ഡീലുകൾ സ്വന്തമാക്കാം.

മാസ്റ്റർകാർഡ് പ്രത്യേക ഓഫർ - 20% അധിക കിഴിവ്

ഓൺലൈനിലോ ലുലു ആപ്പിലോ മാസ്റ്റർകാർഡ് ക്രെഡിറ്റ് കാർഡ് ഉപയോഗിച്ച് പർച്ചേസ് ചെയ്യുന്നവർക്ക് 20% തൽക്ഷണ കിഴിവ് (പരമാവധി 80 ഖത്തർ റിയാൽ വരെ) ലഭിക്കും. ഈ ഓഫർ നവംബർ 24 വരെ മാത്രം. അസാധാരണമായ മൂല്യം, ഗുണമേന്മ, വൈവിധ്യം എന്നിവ ഉറപ്പുവരുത്തിക്കൊണ്ട് ഖത്തറിലെ ഏറ്റവും വിശ്വസ്തവും പ്രിയപ്പെട്ടതുമായ റീട്ടെയിൽ കേന്ദ്രമായി ലുലു ഹൈപ്പർമാർക്കറ്റ് ഈ കാമ്പയ്‌നിലൂടെ ഒരിക്കൽ കൂടി തെളിയിക്കുകയാണ്.