കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സദാചാര ഗുണ്ടായിസം: എം രാധാകൃഷ്ണനെ തിരുവനന്തപുരം പ്രസ് ക്ലബ് പുറത്താക്കി

Google Oneindia Malayalam News

തിരുവനന്തപുരം: സഹപ്രവര്‍ത്തകയായ മാധ്യമപ്രവര്‍ത്തകയുടെ വീട്ടില്‍ കയറി സദാചാര ഗുണ്ടായിസം കാണിച്ച തിരുവനന്തപുരം പ്രസ് ക്ലബ്ബ് സെക്രട്ടറിയെ അംഗത്വത്തില്‍ നിന്ന് പുറത്താക്കി. വനിതാ മാധ്യമപ്രവര്‍ത്തകര്‍ രാധാകൃഷ്ണനെ പ്രസ് ക്ലബ്ബില്‍ നിന്ന് പുറത്താക്കണം എന്നാവശ്യപ്പെട്ട് പ്രസ് ക്ലബ്ബിലേക്ക് പ്രതിഷേധ സമരം നയിച്ചതിന് പിന്നാലെയാണ് നടപടി. സെക്രട്ടറിയുടെ ചുമതല വഹിക്കുന്ന ജോയിന്റ് സെക്രട്ടറി സാബു തോമസാണ് രാധാകൃഷ്ണനെ സസ്‌പെന്‍ഡ് ചെയ്ത് കൊണ്ടുളള ഉത്തരവിറക്കിയത്.

വനിതാ മാധ്യമപ്രവര്‍ത്തകരുടെ കൂട്ടായ്മയായ നെറ്റ് വര്‍ക്ക് ഓഫ് വിമന്‍ ഇന്‍ മീഡിയയ്ക്ക് നല്‍കിയ കത്തില്‍ രണ്ട് ദിവസത്തിനകം പ്രസ് ക്ലബ്ബ് ജനറല്‍ ബോഡി യോഗം ചേര്‍ന്ന് രാധാകൃഷ്ണനെ പ്രാഥമിക അംഗത്വത്തില്‍ നിന്ന് പുറത്താക്കും എന്ന് ഉറപ്പ് നല്‍കിയിട്ടുണ്ട്.

press club

സഹപ്രവര്‍ത്തകയുടെ വീട്ടില്‍ അതിക്രമിച്ച് കയറി സദാചാര ഗുണ്ട ചമഞ്ഞതിന് എം രാധാകൃഷ്ണനെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു. രാധാകൃഷ്ണന്‍ ഇപ്പോള്‍ റിമാന്‍ഡിലാണ്. വനിതാ മാധ്യമപ്രവര്‍ത്തകര്‍ ശക്തമായ പ്രതിഷേധം ഉയര്‍ത്തിയതിനെ തുടര്‍ന്നാണ് രാധാകൃഷ്ണനെ അറസ്റ്റ് ചെയ്യാന്‍ പോലീസ് തയ്യാറായത്. എന്നാല്‍ അറസ്റ്റിലായതിന് ശേഷം രാധാകൃഷ്ണനെ പ്രസ് ക്ലബ് അംഗത്വത്തില്‍ നിന്ന് പുറത്താക്കാന്‍ നേതൃത്വം തയ്യാറായിരുന്നില്ല.

ഇതിനെ തുടര്‍ന്നാണ് സെക്രട്ടേറിയറ്റിന് മുന്നില്‍ നിന്ന് പ്രസ് ക്ലബ്ബിലേക്ക് വനിതാ മാധ്യമപ്രവര്‍ത്തകരുടേ നേതൃത്വത്തില്‍ പ്രതിഷേധ മാര്‍ച്ച് സംഘടിപ്പിച്ചത്. ജോലി ചെയ്യുന്ന മാധ്യമസ്ഥാപനം രാധാകൃഷ്ണനെ സസ്‌പെന്‍ഡ് ചെയ്തിട്ടുണ്ട്. വനിതാ മാധ്യമപ്രവര്‍ത്തകര്‍ക്കുളള പിന്തുണയായി മുതിര്‍ന്ന മാധ്യമപ്രവര്‍ത്തകന്‍ ബിആര്‍പി ഭാസ്‌കര്‍ കഴിഞ്ഞ ദിവസം പ്രസ് ക്ലബ്ബിന്റെ ഓണററി അംഗത്വം രാജി വെച്ചിരുന്നു. സദാചാര ഗുണ്ടായിസത്തിന് എം രാധാകൃഷ്ണന്‍ ഉള്‍പ്പെടെ 5 പേര്‍ക്കെതിരെയാണ് പോലീസ് കേസെടുത്തിരിക്കുന്നത്.

English summary
M Radhakrishnan suspended from Thiruvananthapuram Press Club
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X