• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എന്റെ വാപ്പിച്ചിയെ എന്തിന്റെ പേരിൽ ഇതിലേക്ക് വലിച്ചിഴക്കുന്നു? ബൽറാമിനെതിരെ മദനിയുടെ മകൻ

കോഴിക്കോട്: വളാഞ്ചേരി പീഡനക്കേസിലെ പ്രതിയെ സംരക്ഷിച്ചുവെന്ന ആരോപണത്തില്‍ മന്ത്രി കെടി ജലീലും തൃത്താല എംഎല്‍എ വിടി ബല്‍റാമും തമ്മില്‍ ഫേസ്ബുക്ക് യുദ്ധത്തിലാണ്. കേസിലെ പ്രതിയായ വളാഞ്ചേരി നഗരസഭ കൗണ്‍സിലറുമായ ഷംസുദ്ദീനൊപ്പമുളള മന്ത്രിയുടെ നിരവധി ഫോട്ടോകള്‍ ബല്‍റാം പുറത്ത് വിട്ടിരുന്നു.

അക്കൂട്ടത്തില്‍ പിഡിപി ചെയര്‍മാന്‍ അബ്ദുള്‍നാസര്‍ മദനിയുമൊത്തുളള ചിത്രവും ഉണ്ട്. ഈ ചിത്രം പങ്കുവെച്ചതില്‍ വിടി ബല്‍റാമിനെതിരെ മദനിയുടെ മകന്‍ സലാഹുദ്ദീന്‍ അയ്യൂബി രംഗത്ത് വന്നിരിക്കുകയാണ്. ഫേസ്ബുക്ക് പോസ്റ്റ് വായിക്കാം:

ബൽറാമിനോട് ചില ചോദ്യങ്ങൾ

ബൽറാമിനോട് ചില ചോദ്യങ്ങൾ

വിശുദ്ധ റമളാൻ മാസം ആണ്. ആ മഹത്വം ഉൾക്കൊണ്ട് തന്നെ ഇതിവിടെ ഇന്നത്തെ പ്രത്യേക സാഹചര്യത്തിൽ ഇടുകയാണ്. പ്രിയ MLA, VT Balram ഞാൻ അബ്ദുന്നാസിർ മഅ്‌ദനിയുടെ മകൻ സലാഹുദ്ധീൻ അയ്യൂബി.താങ്കളോട് ചില എളിയ ചോദ്യങ്ങളുണ്ട്. പൊതുവെ മാന്യവും പുരോഗമനപരവുമായി പ്രവർത്തിക്കുന്ന താങ്കൾ ഈ പോസ്റ്റിൽ എന്റെ വാപ്പിച്ചിയുടെ ഫോട്ടോ ഇട്ടതിന്റെ ഔചിത്യം എന്താണ്?

ഗൂഡോദ്ദേശം മനസ്സിലാകുന്നില്ല

ഗൂഡോദ്ദേശം മനസ്സിലാകുന്നില്ല

നിരവധി പ്രമുഖ വ്യക്തികൾ രാഷ്ട്രീയ-ജാതി-മത-സംഘടനാ ഭേദമന്യേ സന്ദർശിക്കുന്ന വ്യക്തിയാണ് എന്റെ പ്രിയ വാപ്പിച്ചി (ചുവടെ ചില ഫയൽ ചിത്രങ്ങൾ ചേർക്കുന്നു). അവരോടൊപ്പം ആരൊക്കെ അനുഗമിക്കുന്നു എന്ന് നോക്കാൻ അദ്ദേഹത്തിന് കഴിയില്ല. എന്നിരിക്കെ ഇങ്ങനെ ഒരു പോസ്റ്റിൽ. വാപ്പിച്ചിയുടെ ഫോട്ടോ ഇടുന്നതിന്റെ ഗൂഡോദ്ദേശം മനസ്സിലാകുന്നില്ല.

വാപ്പിച്ചിയുടെ ഫോട്ടോ

വാപ്പിച്ചിയുടെ ഫോട്ടോ

എന്റെ വാപ്പിച്ചിക്ക് ആരോപണ വിധേയനായ വ്യക്തിയുമായി എന്ത് ബന്ധം? കഴിഞ്ഞ രണ്ടര പതിറ്റാണ്ടായി നിരന്തര ഭരണകൂട-ഉദ്യോഗസ്ഥ പീഡനങ്ങൾക്ക് വിധേയനായി കൊണ്ടിരിക്കുന്ന എന്റെ വാപ്പിച്ചിയുടെ ഫോട്ടോ എന്തിന് ഇവിടെ താങ്കൾ പോസ്റ്റ് ചെയ്തു??? മന്ത്രി ശ്രീ.കെ ടി ജലീൽ ആരോപണ വിധേയനായ വ്യക്തിയോടൊപ്പം സന്ദർശിച്ച കേരളത്തിൽ അറിയപ്പെടുന്ന ഏക വ്യക്തി എന്റെ വാപ്പിച്ചി മാത്രമോ?

ഈ വിഷയവുമായി എന്ത് ബന്ധം?

ഈ വിഷയവുമായി എന്ത് ബന്ധം?

20 ഓളം വർഷങ്ങൾ തടവറയിലും സമാനമായ അവസ്ഥയിലും കഴിഞ്ഞ എന്റെ പ്രിയ വാപ്പിച്ചിക്ക് ഈ വിഷയവുമായി എന്ത് ബന്ധം? വിചാരണ കഴിഞ്ഞ മുഴുവൻ കേസുകളിലും 'നിരപരാധി' എന്ന് നീതിപീഠങ്ങൾ സെർട്ടിഫൈ ചെയ്ത, വിചാരണ നടന്ന് കൊണ്ടിരിക്കുന്ന ഒരു കേസിലും ഇത് വരെ പ്രോസിക്യൂഷന് ഒരു കുറ്റവും തെളിയിക്കാനാകാത്ത എന്റെ വാപ്പിച്ചിയെ എന്തിന്റെ പേരിൽ ഇതിലേക്ക് വലിച്ചിഴക്കുന്നു???

വീണ്ടും ഒരു അനീതിക്ക് ഇരയാക്കുന്നത് എന്തിന്?

വീണ്ടും ഒരു അനീതിക്ക് ഇരയാക്കുന്നത് എന്തിന്?

പുരോഗമനപരമായും ബൗദ്ധികമായും ചിന്തിക്കുന്ന താങ്കൾ, അനവധി നീതി നിഷേധങ്ങൾ നേരിടുന്ന ഒരു 'പ്രതീകമായ' എന്റെ വാപ്പിച്ചിയെ വീണ്ടും ഒരു അനീതിക്ക് ഇരയാക്കുന്നത് എന്തിന്? നിയമം പഠിച്ച വ്യക്തി എന്ന നിലയിലും ഇപ്പോൾ നിയമനിർമ്മാണത്തിൽ പങ്കാളിയാകുന്ന വ്യക്തി എന്ന നിലയിലും താങ്കൾ ഒരു എളിയ നിയമ വിദ്യാർത്ഥിയായ എനിക്ക് ഈ സംശയങ്ങൾക്ക് മറുപടി തരുമെന്ന് പ്രതീക്ഷിക്കുന്നു. എന്ന് നീതിപൂർവ്വം മഅ്‌ദനിയുടെ മകൻ വി.ടി ബൽറാം എം.എൽ.എ യോട്.

ഫേസ്ബുക്ക് പോസ്റ്റ്

മദനിയുടെ മകന്‍ സലാഹുദ്ദീന്‍ അയ്യൂബിയുടെ ഫേസ്ബുക്ക് പോസ്റ്റ്

രാഹുൽ ഗാന്ധിക്ക് തിരിച്ചടി നൽകി അംബാനി, യുപിഎ സർക്കാർ 1 ലക്ഷം കോടിയുടെ കരാറുകൾ നൽകി!

കോൺഗ്രസ് നേതാവിന്റെ അവിഹിത ബന്ധം, രക്ഷിച്ചത് എകെ ആന്റണി, വെളിപ്പെടുത്തലുമായി സെൻകുമാർ!

English summary
Madani's son Salahudeen Iub against VT Balram MLA's facebook post

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more