മലപ്പുറത്ത് സിപിഎം-ലീഗ് സംഘര്ഷം,വീടുകള്ക്കു നേരെ ആക്രമണം,സിഐയ്ക്ക് ഗുരുതര പരിക്ക്!!
ഞായറാഴ്ച രാത്രിയിലാണ് സംഭവം നടന്നത്
മലപ്പുറം: താനൂരില് സിപിഎം-ലീഗ് സംഘര്ഷം. താനൂര് ചാപ്പപ്പടി കോര്മന് കടപ്പുറത്താണ് സിപിഎം, ലീഗ് പ്രവര്ത്തകര് ഏറ്റുമുട്ടിയത്. ഞായറാഴ്ച രാത്രി 10 മണിക്കായിരുന്നു സംഭവം. ഇവിടെയുള്ള വീടുകള്ക്കു നേരെയും ആക്രമണം നടന്നു. പെട്രോള് ബോബ് ആക്രമണത്തില് ഒരു വീടിന് തീപിടിക്കുകയും ചെയ്തു.
സംഭവസ്ഥലത്തെത്തിയ പോലീസ് ആളുകളെ മാറ്റാന് ആകാശത്തേക്കു വെടിവച്ചു. തിരൂര്, തീരൂരങ്ങാടി താലൂക്കുകളിലെ പോലീസ് സ്റ്റേഷനിലെ മുഴുവന് പേരും ഇവിടെയെത്തിയിരുന്നു. കോര്മ്മന് കടപ്പുറത്തെ വീടുകള്ക്കു നേരെ രാത്രി വൈകിയും ആക്രമണങ്ങള് ഉണ്ടായി.
പോലീസിനു നേരേയും ആക്രമണം നടന്നു. പോലീസ് ഉദ്യോഗസ്ഥര്ക്കും പരിക്കുപറ്റിയിട്ടുണ്ട്. സിഐയുടെ പരിക്ക് ഗുരുതരമാണെന്നാണ് സൂചന.
കഴിഞ്ഞ കുറച്ച് ദിവസങ്ങളായി ഇവിടെ സിപിഎം-ലീഗ് ഏറ്റുമുട്ടലുകള് നടന്നിരുന്നു.ഇതിന്റെ തുടര്ച്ചയാണ് ഞായറാഴ്ച രാത്രി നടന്ന സംഭവം.
Click it and Unblock the Notifications
Sign in with Google