കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മലപ്പുറം ഫ്‌ളാഷ്‌മോബ്; പോലീസ് കേസെടുത്തു, കലാപം ഉണ്ടാക്കാന്‍ ശ്രമം

  • By Ashif
Google Oneindia Malayalam News

മലപ്പുറം: എയ്ഡ്‌സ് ബോധവല്‍ക്കരണത്തിന്റെ ഭാഗമായി മലപ്പുറം നഗരത്തില്‍ ഫ്‌ളാഷ് മോബ് സംഘടിപ്പിച്ച പെണ്‍കുട്ടികള്‍ക്കെതിരേ മോശം പദങ്ങള്‍ ഉപയോഗിച്ച് ആക്ഷേപിച്ചവര്‍ക്കെതിരേ കേസെടുത്തു. സമൂഹമാധ്യമങ്ങള്‍ വഴി പെണ്‍കുട്ടികള്‍ക്കെതിരേ അപവാദ പ്രചരങ്ങള്‍ നടത്തിയവര്‍ക്കെതിരേയാണ് പോലീസ് നടപടി.

ആറ് ഫേസ്ബുക്ക് അക്കൗണ്ടുകള്‍ക്കെതിരേയാണ് കേസെടുത്തിട്ടുള്ളതെന്ന് പോലീസ് അറിയിച്ചു. ബിച്ചാന്‍ ബഷീര്‍, പിഎ അനസ്, ഹനീഫ ഞങ്ങാട്ടിരി, സുബൈര്‍ അബൂബക്കര്‍, സിറോഷ് അല്‍അറഫ, അഷ്‌കര്‍ ഫരീഖ് എന്നീ അക്കൗണ്ടുകള്‍ക്കെതിരേയാണ് കേസ്. ഈ അക്കൗണ്ടുകളില്‍ നിന്നാണ് പെണ്‍കുട്ടികള്‍ക്കെതിരേ മോശം പദപ്രയോഗങ്ങള്‍ പ്രചരിച്ചതെന്ന് എഫ്‌ഐആറില്‍ പറയുന്നു.

Malappuram

വിഭാഗീയതയും കലാപവും ഉണ്ടാക്കാന്‍ ശ്രമിച്ചു, അശ്ലീല പദപ്രയോഗം നടത്തി, സ്ത്രീകള്‍ക്കെതിരേ അപവാദ പ്രചാരണം നടത്തി തുടങ്ങിയ വകുപ്പുകള്‍ക്ക് പുറമെ ഐടി നിയമത്തിലെ വിവിധ വകുപ്പുകളും പ്രതികള്‍ക്കെതിരേ ചുമത്തിയിട്ടുണ്ട്. ജില്ലാ പോലീസ് സൂപ്രണ്ട് ദേബേഷ് കുമാര്‍ ബെഹ്‌റയുടെ നിര്‍ദേശ പ്രകാരമാണ് സ്വമേധയാ കേസെടുത്തിട്ടുള്ളതെന്ന് എസ്‌ഐ ബിനു പറഞ്ഞു. നേരത്തെ സംഭവത്തില്‍ വനിതാ കമ്മീഷനും സ്വമേധയാ കേസെടുത്തിരുന്നു.

ഡിസംബര്‍ ഒന്നിന് എയ്ഡ്‌സ് ദിനത്തോടനുബന്ധിച്ച് മലപ്പുറത്ത് നടത്തിയ ബോധവല്‍ക്കരണ പരിപാടിയുടെ ഭാഗമായിട്ടായിരുന്നു മൂന്ന് പെണ്‍കുട്ടികള്‍ ഫ്‌ളാഷ്‌മോബ് നടത്തിയത്. ജിമിക്കി കമ്മല്‍ ഗാനത്തിന് ചുവടുവച്ച പെണ്‍കുട്ടികളെ അനുകൂലിച്ചും പ്രതികൂലിച്ചും നിരവധി പേര്‍ പ്രതികരിച്ചിരുന്നു. ഇതോടെ വിവാദം ശക്തിപ്പെട്ടപ്പോഴാണ് വനിതാ കമ്മീഷന്‍ കേസെടുത്തത്. അപവാദ പ്രചാരണങ്ങള്‍ക്കെതിരേ കഴിഞ്ഞ ദിവസം എസ്എഫ്‌ഐ മലപ്പുറത്ത് പ്രതിഷേധ ഫ്‌ളാഷ് മോബ് സംഘടിപ്പിച്ചിരുന്നു.

English summary
Malappuram Flash Mob: Police case registered against six accounts
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X