മലപ്പുറം പ്രസ്ക്ലബ് അക്രമണം: കര്ശന നടപടിക്ക് മുഖ്യമന്ത്രിയുടെ നിര്ദ്ദേശം, പിടികൂടാനുള്ളത് എട്ട് ആര്എസ്എസ് പ്രവര്ത്തകരെ
മലപ്പുറം: മലപ്പുറം പ്രസ്ക്ലബ് അക്രമണക്കേസില് കര്ശന നടപടി സ്വീകരി്ച്ച് കുറ്റക്കാരെ ഉടന് നിയമത്തിന് മുന്നില്കൊണ്ടുവരണമെന്നു പോലീസിനോട് മുഖ്യമന്ത്രി പിണറായി വിജയന്റെ നിര്ദ്ദേശം. കേസില് ഇനി പിടികൂടാനുള്ളത് എട്ടുപേരെകൂടിയാണ്. പ്രതികളെ കുറിച്ചു സൂചന ലഭിച്ചുകഴിഞ്ഞെന്നും ഉടന് അറസ്റ്റുണ്ടാകുമെന്നും പോലീസ് പറഞ്ഞു. കഴിഞ്ഞ ദിവസമാണ് മലപ്പുറം പ്രസ് ക്ലബില് അതിക്രമിച്ചു കയറി മാധ്യമ പ്രവര്ത്തകനേയും പ്രകടനത്തിനിടെ ബൈക്ക് യാത്രികനെയും ആര്.എസ്.എസ് പ്രവര്ത്തകര് മര്ദ്ദിച്ചത്. സംഭവത്തില് ഇന്നലെ രണ്ട് ആര്.എസ്.എസ് പ്രവര്ത്തകരെ പോലീസ് അറസ്റ്റ് ചെയ്തിരുന്നു.
വാഴക്കാട് ചെറുവായൂര് നടക്കലക്കണ്ടി കുഞ്ഞുണ്ണിയുടെ മകന് ദിലീപ്കുമാര് (31), ചെറുവായൂര് കല്ലിങ്ങത്തൊടി അച്യുതന്റെ മകന് ഷിബു (30) എന്നിവരെയാണ് മലപ്പുറം സി.ഐ: എ പ്രേംജിത്, എസ്.ഐ: ബി.എസ് ബിനു എന്നിവരുടെ നേതൃത്വത്തിലുള്ള അനേ്വഷണ സംഘം ഇന്നലെ പുലര്ച്ച ഒന്നരയോടെയാണ് അറസ്റ്റ് ചെയ്തത്. അറസ്റ്റ് ചെയ്യാന് പ്രതികളുടെ വീട്ടിലെത്തിയ പോലീസിനെ തടയാന് പ്രദേശത്തെ ആര്.എസ്.എസ് പ്രവര്ത്തകര് ശ്രമിച്ചത് നേരിയ സംഘര്ഷത്തിനിടയാക്കി. വൈദ്യപരിശോധനക്ക് ശേഷം വൈകിട്ടു മൂന്നോടെ മലപ്പുറം കോടതിയില് ഹാജരാക്കിയ പ്രതികളെ രണ്ടാഴ്ചത്തേക്ക് റിമാന്ഡ് ചെയ്തു.
മലപ്പുറം ജില്ലാ പോലീസ് മേധാവി ദേബേഷ്കുമാര് ബെഹറ, മലപ്പുറം ഡിവൈ.എസ്.പി ജലീല് തോട്ടത്തില് എന്നിവരുടെ നിര്ദ്ദേശപ്രകാരം പ്രസ് ക്ലബിന് മുന്നിലുള്ള സ്ഥാപനങ്ങളിലെ സി.സി ടി.വി ദൃശ്യങ്ങള് പരിശോധിച്ച് പത്തുപേര്ക്കെതിരെ കേസ്സെടുത്തിരുന്നു. അന്യായമായി സംഘം ചേരല്, ശിക്ഷിക്കപ്പെടുമെന്ന് ബോധ്യപ്പെട്ടിട്ടും കുറ്റകൃത്യത്തില് ഏര്പ്പെടല്, കവര്ച്ച, മര്ദ്ദനം, വധഭീഷണി മുഴക്കി തുടങ്ങിയ വകുപ്പുകളുള്പ്പെടുത്തിയാണ് കേസ് രജിസ്റ്റര് ചെയ്തിട്ടുള്ളത്. കേസിലുള്പ്പെട്ടെ മറ്റ് എട്ടുപേരെ കുറിച്ച് വ്യക്തമായ വിവരം പോലീസ് ശേഖരിച്ചിട്ടുണ്ട്. എന്നാല് ഇവരില് പലരും സംഭവത്തിനു ശേഷം ഒളിവിലാണെന്നും ഇവരെ ഉടന് പിടികൂടുമെന്നും സി.ഐ പ്രേംജിത്ത് പറഞ്ഞു.
വ്യാഴാഴ്ചയാണ് പത്രപ്രവര്ത്തക യൂണിയന് ജില്ലാ കമ്മിറ്റി ഓഫീസുകൂടിയായ പ്രസ്ക്ലബില് അതിക്രമിച്ചുകയറി പത്തോളം ആര്.എസ്.എസ് പ്രവര്ത്തകര് ചന്ദ്രിക ഫോട്ടോഗ്രാഫര് ഫുആദിനെ മര്ദ്ദിച്ചത്. ജില്ലാ കാര്യാലയത്തിലേക്ക് പടക്കമെറിഞ്ഞെന്ന് ആരോപിച്ച് നടത്തിയ പ്രകടനത്തിനിടെ ബൈക്ക് യാത്രികനായ പെരിമ്പലം സ്വദേശി അബ്ദുള്ള ഫവാസിനെ മര്ദിക്കുന്നത് മൊബൈല് ഫോണില് പകര്ത്തിയതിലുള്ള വിരോധത്തിലാണ് ആര്.എസ്.എസുകാര് പ്രസ്ക്ലബില് കയറി മാധ്യമപ്രവര്ത്തകരെ മര്ദിച്ചതും ഭീകരാന്തരീക്ഷം സൃഷ്ടിച്ചതും.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം -
ഇറാന്റെ പുതിയ പരമോന്നത നേതാവായി മൊജ്തബ ഖാംനഇ അധികാരമേറ്റു; ഉറ്റുനോക്കി ലോകം
Click it and Unblock the Notifications
Sign in with Google