മലയാള ചിത്രങ്ങളില് അഭിനയിക്കുന്നതില് നിന്നും കലാഭവന് മണിയ്ക്ക് വിലക്ക്
കൊച്ചി: നടന് കലാഭവന് മണിയ്ക്ക് നിര്മാതാക്കളുടെ വിലക്ക്. ദൈവം സാക്ഷി എന്ന ചിത്രത്തില് അഭിനയിക്കാമെന്നേറ്റ ശേഷം പിന്മാറിയതിനാണ് വിലക്ക്. ചിത്രത്തില് അഭിനയിക്കാമെന്നേറ്റ് നിര്മാതാവില് നിന്ന് പണം വാങ്ങിയ ശേഷം പിന്മാറിയതിനാണ് കലാഭവന് മണിയ്ക്ക് വിലക്ക് ഏര്പ്പെടുത്തിയത് .
ചിത്രത്തിന്റെ നിര്മാതാവ് സ്നേഹജിത്ത് നല്കിയ പരാതിയിലാണ് പ്രൊഡ്യൂസേഴ്സ് അസോസിയേഷന് തീരുമാനം എടുത്തത് . നിര്മ്മാതാവിന് നഷ്ടപരിഹാരം നല്കിയ ശേഷ കലാഭവന് മണിയെ സിനിമകളില് അഭിനയിപ്പിച്ചാല് മതിയെന്നാണ് നിര്മാതാക്കളുടെ തീരുമാനം .
ജനവരി 16ന് ഷൂട്ടിംഗിനായി മറ്റ് താരങ്ങളും അണിയറ പ്രവര്ത്തകരും തൊടുപുഴയില് എത്തിയെങ്കിലും കലാഭവന് മണി എത്തിയില് ല. നാല് ദിവസത്തോളം ഇത്തേഹത്തെ കാത്തിരുന്നെങ്കിലും അഭിനയിക്കാന് എത്തിയില്ല. തുടര്ന്ന് താര സംഘടനയായ അമ്മയുടെ പ്രസിഡന്റ് ഇന്നസെന്റിന് പരാതി നല്കി .
ഇന്നസെന്റ് കലാഭവന് മണിയോട് ചിത്രത്തില് അഭിനയിക്കണമെന്ന് ആവശ്യപ്പെട്ടു . എന്നാല് അമ്മയുടെ പ്രസിഡന്റിനോട് പരാതി പറഞ്ഞതല്ലേ ഇനി ഏതായാലും ഈ ചിത്രത്തില് അഭിനയിക്കില്ലെന്നാണ് മണിയുടെ നിലപാട് .
Click it and Unblock the Notifications
Sign in with Google