ക്യാപ്റ്റന്റെ ലൊക്കേഷനില്‍ ജയസൂര്യക്ക് പരിക്ക്, ഷൂട്ടിങ് നീട്ടി വെച്ചു

പുതിയ ചിത്രം ക്യാപ്റ്റന്റെ ലൊക്കേഷനില്‍ വെച്ച് നടന്‍ ജയസൂര്യക്ക് പരിക്കേറ്റു.

കോഴിക്കോട്: പുതിയ ചിത്രം ക്യാപ്റ്റന്റെ ലൊക്കേഷനില്‍ വെച്ച് നടന്‍ ജയസൂര്യക്ക് പരിക്കേറ്റു. തേഞ്ഞിപ്പാലത്ത് കാലിക്കറ്റ് യൂണിവേഴ്‌സിറ്റി സ്റ്റേഡിയത്തില്‍ സന്തോഷ് ട്രോഫി മത്സരങ്ങള്‍ ചിത്രീകരിക്കുന്നതിനിടെയാണ് പരിക്കേറ്റത്. ഒരു ടാക്ലിങിനിടെ വലത് കാലിനാണ് പരിക്കേറ്റത്.

ഡോക്ടര്‍ ലൊക്കേഷനില്‍ എത്തി പ്രാഥമി ചികിത്സ നല്‍കി. ഒരാഴ്ച വിശ്രമം വേണമെന്ന് നിര്‍ദ്ദേശിച്ചിട്ടുണ്ട്. ചിത്രീകരണം ഒരാഴ്ചത്തേക്ക് നീട്ടി വച്ചിരിക്കുകയാണ്. ജയസൂര്യയുടെ പരിക്ക് ഗുരുതരമല്ലെന്നും ഒരാഴ്ചയ്ക്കുള്ളില്‍ ചിത്രീകരണം ആരംഭിക്കുമെന്നും സംവിധായകന്‍ പറഞ്ഞു.

സംവിധാനം

സിദ്ധിഖിന്റെ സംവിധാന സഹായിയായ പ്രജേഷ് സെന്നാണ് ചിത്രം സംവിധാനം ചെയ്യുന്നത്. ഫുഡ്‌ബോള്‍ കളിയിലെ ലെജന്റായിരുന്ന വിപി സത്യന്റെ കഥ പറയുന്ന ക്യാംപ്റ്റന്‍ ഒരു ബിഗ് ബജറ്റ് ചിത്രം കൂടിയാണ്.

വിപി സത്യനാകും

വിപി സത്യന്‍ എന്ന കഥാപാത്രത്തെയാണ് ചിത്രത്തില്‍ ജയസൂര്യ അവതരിപ്പിക്കുന്നത്. പത്ത് കോടി ബജറ്റിലാണ് ചിത്രം ഒരുക്കുന്നതെന്നാണ് റിപ്പോര്‍ട്ടുകള്‍ പറയുന്നത്.

നിര്‍മ്മാണം

ഗുഡ് വില്‍ എന്റര്‍ടെയിന്‍മെന്റിന്റെ ബാനറില്‍ ടിഎല്‍ ജോര്‍ജാണ് ചിത്രം നിര്‍മ്മിക്കുന്നത്. കസബ, ആന്‍ മരിയ എന്നീ ചിത്രങ്ങള്‍ക്ക് ശേഷം ടിഎല്‍ ജോര്‍ജ് സംവിധാനം ചെയ്യുന്ന ചിത്രം കൂടിയാണിത്.

ചിത്രീകരണം

കോഴിക്കോടും പരിസര പ്രദേശങ്ങളിലുമാണ് ചിത്രത്തിന്റെ ഷൂട്ടിങ് നടക്കുന്നത്.

English summary

Malayalam movie captain.