പ്രധാനമന്ത്രി ഏഴ് വർഷത്തിന് ശേഷം ചൈനയില്: ജലരാജാക്കന്മാരായി വീയപുരം ചുണ്ടന്
ഏഴ് വർഷത്തിന് ശേഷം പ്രധാനമന്ത്രി നരേന്ദ്രമോദി ചൈനയിലെത്തി. ഷാങ്ഹായി സഹകരണഉച്ചകോടിയിൽ മോദി പങ്കെടുക്കും. ചൈനീസ് പ്രസിഡന്റ് ഷി ചിൻപിങ്ങുമായി മോദി ചർച്ച നടത്തും. റഷ്യൻ പ്രസിഡന്റ് വ്ലാദിമീർ പുടിനും ഉച്ചകോടിയിൽ പങ്കെടുക്കുന്നുണ്ട്. അമേരിക്കയുടെ തീരുവ യുദ്ധത്തിനിടെ ഇന്ത്യയുടെയും റഷ്യയുടെയും ചൈനയുടെയും ഭരണാധികാരികൾ തമ്മിലുള്ള കൂടിക്കാഴ്ചക്ക് വലിയ നയതന്ത്ര പ്രാധാന്യമുണ്ട്. ജപ്പാൻ സന്ദർശനത്തിന് ശേഷമാണ് മോദി ചൈനയിലെത്തുന്നത്. വിമാനത്താവളത്തിൽ വൻവരവേൽപാണ് ഇന്ത്യയുടെ പ്രധാനമന്ത്രിക്ക് കിട്ടിയത്.
അതേസമയം സംസ്ഥാനത്ത് ഇന്നും മഴ തുടരും. ഇന്ന് രണ്ട് ജില്ലകളില് യെല്ലോ അലര്ട്ട് പ്രഖ്യാപിച്ചു. കണ്ണൂര്, കാസര്കോട് ജില്ലകളില് ആണ് യെല്ലോ അലര്ട്ട്. 24 മണിക്കൂറില് 64.5 മില്ലി മീറ്റര് മുതല് 115.5 മില്ലി മീറ്റര് വരെ മഴ ലഭിക്കുന്ന സാഹചര്യത്തിലാണ് യെല്ലോ അലര്ട്ട് പുറപ്പെടുവിക്കുന്നത്. മറ്റ് പ്രധാന വാര്ത്തകള് അറിയാം
യുഎസ് പ്രസിഡന്റ് ഡൊണാൾഡ് ട്രംപിന്റെ (79) ആരോഗ്യനില സംബന്ധിച്ച അഭ്യൂഹങ്ങൾ സാമൂഹിക മാധ്യമങ്ങളിൽ വൻ ചർച്ചയായി മാറുന്നു. 'ട്രംപ് മരിച്ചു' എന്ന വാദവുമായി ശനിയാഴ്ച X പ്ലാറ്റ്ഫോമിൽ പതിനായിരക്കണക്കിന് പോസ്റ്റുകൾ ട്രെൻഡിങ് ആയി. ജൂലൈ മുതൽ ട്രംപിന്റെ കൈകളിലെ ചതവുകളും കണങ്കാലുകളിലെ നീരും കാണിക്കുന്ന ചിത്രങ്ങൾ സാമൂഹിക മാധ്യമങ്ങളിൽ പ്രചരിക്കുന്നുണ്ട്.
സി.കെ. ജാനുവിന്റെ നേതൃത്വത്തിലുള്ള ജനാധിപത്യ രാഷ്ട്രീയ പാർട്ടി (ജെആർപി) എൻഡിഎ വിട്ടു. എൻഡിഎയിൽ നിന്ന് അവഗണന നേരിട്ടതായി സി.കെ. ജാനു ആരോപിച്ചു. ഇതിനെ തുടർന്ന്, ജാനുവടക്കമുള്ള ജെആർപി പ്രവർത്തകർ എൻഡിഎയിൽ തുടരേണ്ടതില്ലെന്ന് തീരുമാനിച്ചു. കോഴിക്കോട് ചേർന്ന ജെആർപി സംസ്ഥാന കമ്മിറ്റി യോഎത്തിലാണ് ഇത്തരമൊരു തീരുമാനമുണ്ടായത്.
പ്രധാനമന്ത്രി ചൈനയില്
#WATCH | Prime Minister Narendra Modi receives a warm welcome as he arrives at a hotel in Tianjin, China.
— ANI (@ANI) August 30, 2025
Chants of 'Bharat Mata ki jai' and 'Vande Mataram' raised by members of the Indian diaspora.
(Video: ANI/DD) pic.twitter.com/hiXQYFqm07
എറണാകുളത്ത് കാരിക്കാമുറിയിൽ പുതിയ കെഎസ്ആർ ടിസി ബസ്സ് സ്റ്റാൻഡിന്റെ നിർമ്മാണത്തിന് സർക്കാർ 12 കോടി രൂപ അനുവദിക്കുമെന്ന് ധന വകുപ്പ് മന്ത്രി കെ എൻ ബാലഗോപാൽ. പുതിയ കെ എസ് ആർ ടി ബസ്സ് സ്റ്റാൻഡ് നിർമ്മിക്കുന്നതിന്റെ പ്രാരംഭ നടപടികള്ക്കായി മന്ത്രി നടത്തിയ സന്ദർശനത്തിലാണ് പ്രഖ്യാപനം. നഗരവികസനം, വെള്ളക്കെട്ട് എന്നിവ മൂലം എറണാകുളം ബസ്സ് സ്റ്റാൻഡ് അതീവ ശോച്യാവസ്ഥയിലാണ്. ബസ്സ് സ്റ്റാൻഡ് നിർമ്മാണത്തിന് സി എസ് എം എല്ലുമായി കരാർ ഉണ്ടായിരുന്നെങ്കിലും കാലാവധി കഴിഞ്ഞതിനെ തുടർന്ന് സർക്കാർ നേരിട്ട് പണം അനുവദിക്കാൻ തീരുമാനിക്കുകയായിരുന്നുവെന്ന് മന്ത്രി പറഞ്ഞു.
രാഹുൽ മാങ്കൂട്ടത്തിലിനെതിരെ ഉയർന്ന ആരോപണങ്ങൾ അടിസ്ഥാനരഹിതമാണ് യുഡിഎഫ് കണ്വീനർ അടൂർ പ്രകാശ്. ആരോപണങ്ങൾ ഉയർന്ന ഉടൻ യൂത്ത് കോൺഗ്രസ് നേതൃത്വത്തിൽ നിന്ന് രാജി ആവശ്യപ്പെട്ടിരുന്നു. രാഹുൽ നിയമസഭാ സമ്മേളനത്തിൽ പങ്കെടുക്കും, അദ്ദേഹത്തിന് സംരക്ഷണം നൽകുമെന്നും അടൂർ പ്രകാശ് വ്യക്തമാക്കി.
സംസ്ഥാന സർക്കാർ സംഘടിപ്പിക്കുന്ന ആഗോള അയ്യപ്പ സംഗമമുമായി ബന്ധപ്പെട്ട നിലപാട് വ്യക്തമാക്കി എൻഎസ്എസ് ജനറൽ സെക്രട്ടറി ജി സുകുമാരൻ നായർ. ആഗോള അയ്യപ്പ സംഗമത്തിന് പരിപൂർണ പിന്തുണ നൽകിയിട്ടില്ലെന്നാണ് എൻഎസ്എസിന്റെ വിശദീകരണം. സമിതി നേതൃത്വ രാഷ്ട്രീയ മുക്തമാകണമെന്ന നിർദേശമാണ് എൻഎസ്എസ് മുന്നോട്ട് വെച്ചത്. ഉപാധികളോടെയാണ് പിന്തുണ എന്ന് അറിയിച്ച ജി സുകുമാരൻ നായർ സമിതിയിൽ അയ്യപ്പ ഭക്തർ വേണമെന്നും ആവശ്യപ്പെട്ടു.
കേരളം ഞെട്ടുന്ന വാർത്തകൾ ഇനിയും വരും; വിഡി സതീശൻ
അഴിമതി മൂടിവെക്കാൻ സർക്കാർ പൈങ്കിളി കഥകളിൽ ജനങ്ങളെ കുരുക്കിയിടുകയാണെന്ന ആരോപണവുമായി പ്രതിപക്ഷ നേതാവ് വിഡി സതീശൻ. വികസന സദസ് സർക്കാർ ചെലവിലെ പ്രചാരണ ധൂർത്താണെന്നും കേരളം ഞെട്ടുന്ന വാർത്തകൾ ഇനിയും വരാനിരിക്കുന്നുണ്ടെന്നും വിഡി സതീശൻ മാധ്യമങ്ങളോട് പറഞ്ഞു.
നെഹ്റു ട്രോഫി വള്ളംകളിക്ക് എത്തിയ ചുണ്ടൻ വള്ളം അപകടത്തിൽപ്പെട്ടു. കുമരകം ഇമ്മാനുവൽ ബോട്ട് ക്ലബ് തുഴയുന്ന നടുവിലെപറമ്പൻ വള്ളം ആണ് വേമ്പനാട് കായലിൽ കുടുങ്ങിപ്പോയത്. ശക്തമായ കാറ്റിൽ വള്ളം വലിച്ചു കൊണ്ടുവന്ന ബോട്ടിന്റെ നിയന്ത്രണം വിട്ടായിരുന്നു സംഭവം. ബോട്ടിന്റെ യന്ത്രം തകരാറിലായതോടെ വള്ളവും അതിലെ തുഴച്ചിൽകാരും വേമ്പനാട് കായലിൽ കുടുങ്ങുകയായിരുന്നു. അപകടത്തിൽ തുഴച്ചിൽക്കാർക്ക് ആർക്കും പരിക്കേറ്റിട്ടില്ല.
യുഎസിലേക്കുള്ള സേവനങ്ങള് നിര്ത്തി തപാല് വകുപ്പ്
100 ഡോളര് വരെ വിലവരുന്ന കത്തുകള്, രേഖകള്, സമ്മാനങ്ങള് എന്നിവയുള്പ്പെടെ യുഎസിലേക്കുള്ള എല്ലാ വിഭാഗത്തിലുള്ള മെയിലുകളും താല്ക്കാലികമായി നിര്ത്തിവച്ചതായി തപാല് വകുപ്പ് പ്രഖ്യാപിച്ചു. എല്ലാ രാജ്യങ്ങളില് നിന്നുമുള്ള സാധനങ്ങള്ക്കായുള്ള ''ഡി മിനിമിസ് എക്സെംപ്ഷന്'' ആഗസ്റ്റ് 29 മുതല് യുഎസ് പിന്വലിച്ചിരുന്നു.
സംസ്ഥാന സര്ക്കാരിന്റെ ഈ വര്ഷത്തെ ഓണാഘോഷ പരിപാടികള് സെപ്റ്റംബര് 3 മുതല് 9 വരെ സംഘടിപ്പിക്കും. ടൂറിസം വകുപ്പ് സംഘടിപ്പിക്കുന്ന ഓണം വാരാഘോഷത്തിന്റെ സംസ്ഥാനതല ഉദ്ഘാടനം സെപ്റ്റംബര് 3 ന് വൈകിട്ട് 6 മണിക്ക് കനകക്കുന്ന് നിശാഗന്ധിയില് മുഖ്യമന്ത്രി പിണറായി വിജയന് നിര്വഹിക്കും. സംഗീത, നൃത്ത, വാദ്യഘോഷങ്ങളോടെ സെപ്റ്റംബര് ഒമ്പത് വരെ വിപുലമായ പരിപാടികളോടെയാണ് ഓണം വാരാഘോഷം സംഘടിപ്പിക്കുന്നത്.
ടൂറിസം പൊതുമരാമത്ത് മന്ത്രി പി.എ മുഹമ്മദ് റിയാസ് ഉദ്ഘാടന സമ്മേളനത്തില് അധ്യക്ഷത വഹിക്കും. പ്രതിപക്ഷ നേതാവ് വി.ഡി. സതീശന്, പൊതുവിദ്യാഭ്യാസ തൊഴില് മന്ത്രി വി. ശിവന്കുട്ടി, ഭക്ഷ്യ പൊതു
വിതരണ മന്ത്രി ജി.ആര് അനില്, എം.പിമാര്, എം.എല്.എ.മാര്, ആര്യ രാജേന്ദ്രന്, ജില്ലാ പഞ്ചായത്ത് പ്രസിഡന്റ്
അഡ്വ. ഡി. സുരേഷ് കുമാര്, ടൂറിസം സെക്രട്ടറി .കെ. ബിജു, ടൂറിസം ഡയറക്ടര് ശിഖ സുരേന്ദ്രന് തുടങ്ങിയവര്
പങ്കെടുക്കും.
സംവിധായകനും നടനുമായ ബേസില് ജോസഫ്, തമിഴ് നടന് രവി മോഹന് (ജയം രവി) എന്നിവര് മുഖ്യാതിഥികളാകും.
ഉദ്ഘാടന ചടങ്ങിനു ശേഷം നിശാഗന്ധിയില്മ്യൂസിക്ക് നൈറ്റ് അരങ്ങേറും. വൈവിധ്യപൂര്ണമായ ഓണാഘോഷ പരിപാടികളാണ് ഇത്തവണ സംഘടിപ്പിക്കുന്നത്. ദീപാലങ്കാരവും ഘോഷയാത്രയും കലാപരിപാടികളും ഉള്പ്പെടെ മുന്വര്ഷങ്ങളേക്കാള് വിപുലമായി നടത്തും.
പ്രധാനമന്ത്രി നരേന്ദ്ര മോദി ഇന്ന് വടക്കന് ചൈനയിലെ ടിയാന്ജിനിലേക്ക് പറക്കും. ഷാങ്ഹായ് സഹകരണ സംഘടനയുടെ ഉച്ചകോടിയില് പങ്കെടുക്കുന്നതിന് മുമ്പ് ഞായറാഴ്ച ചൈനീസ് പ്രസിഡന്റ് ഷി ജിന്പിങ്ങുമായി ഒരു ഉഭയകക്ഷി കൂടിക്കാഴ്ച നടത്തും. തിങ്കളാഴ്ച ന്യൂഡല്ഹിയിലേക്ക് മടങ്ങുന്നതിന് മുമ്പ് അദ്ദേഹം റഷ്യന് പ്രസിഡന്റ് വ്ളാഡിമിര് പുടിനുമായി ഒരു ഉഭയകക്ഷി കൂടിക്കാഴ്ചയും നടത്തിയേക്കാം.
രണ്ടാം ലോക മഹായുദ്ധത്തില് ജപ്പാന് കീഴടങ്ങിയതിന്റെ 80-ാം വാര്ഷികത്തോടനുബന്ധിച്ച് സെപ്റ്റംബര് 3 ന് ചൈന നടത്താനിരിക്കുന്ന നിര്ദ്ദിഷ്ട 'വിജയ ദിന' പരേഡിനെച്ചൊല്ലി ടോക്കിയോയും ബീജിംഗും തമ്മില് അസ്വാരസ്യങ്ങള് നിലനില്
ക്കെയാണ് നരേന്ദ്ര മോദി രണ്ട് കിഴക്കന് ഏഷ്യന് രാജ്യങ്ങളും സന്ദര്ശിക്കാന് പുറപ്പെട്ടിരിക്കുന്നത്. എന്നാല് ബീജിംഗില് നടക്കുന്ന 'വിജയ ദിന' പരേഡില് പ്രധാനമന്ത്രി പങ്കെടുക്കില്ല
ഇന്ത്യയുമായി ചര്ച്ചയ്ക്ക് യാചിക്കില്ലെന്നും ആക്രമണത്തിന് പൂര്ണ്ണ ശക്തിയോടെ മറുപടി നല്കാന് ഇസ്ലാമാബാദ് തയ്യാറാണെന്നും പാകിസ്ഥാന് വിദേശകാര്യ മന്ത്രി ഇഷാഖ് ദാര്. കശ്മീര് ഉള്പ്പെടെ എല്ലാ പരിഹരിക്കപ്പെടാത്ത വിഷയങ്ങളിലും മാന്യവും ആദരണീയവുമായ രീതിയില് ഇന്ത്യയുമായി ഒരു സംയുക്ത സംഭാഷണത്തിന് പാകിസ്ഥാന് തയ്യാറാണെന്നും അദ്ദേഹം വ്യക്തമാക്കി
തന്റെ മിക്ക താരിഫുകളും നിയമപരമല്ലെന്ന് കണ്ടെത്തിയ യുഎസ് അപ്പീല് കോടതി വിധിയെ വിമര്ശിച്ച് യുഎസ് പ്രസിഡന്റ് ഡൊണാള്ഡ് ട്രംപ്. എല്ലാ താരിഫുകളും ഇപ്പോഴും പ്രാബല്യത്തില് ഉണ്ട്! ഇന്ന് ഒരു ഹൈലി പാര്ട്ടിസന് അപ്പീല് കോടതി നമ്മുടെ താരിഫുകള് നീക്കം ചെയ്യണമെന്ന് തെറ്റായി പറഞ്ഞു, പക്ഷേ ഒടുവില് അമേരിക്ക വിജയിക്കുമെന്ന് അവര്ക്കറിയാം,' ട്രംപ് ട്രൂത്ത് സോഷ്യലില് കുറിച്ചു
തുടര്ച്ചയായ മഴയെ തുടര്ന്ന് ജമ്മു കാശ്മീരിന്റെ പല ഭാഗങ്ങളിലും വെള്ളപ്പൊക്കം. റിയാസി ജില്ലയിലെ മാഹോര് മേഖലയില് ഉണ്ടായ മണ്ണിടിച്ചിലില് ഏഴ് പേര് മരിച്ചു. അവശിഷ്ടങ്ങള്ക്കിടയില് നിന്ന് ഇതുവരെ അഞ്ച് മൃതദേഹങ്ങള് രക്ഷാപ്രവര്ത്തകര് കണ്ടെടുത്തിട്ടുണ്ട്, നിരവധി പേര് കുടുങ്ങിക്കിടക്കുന്നുണ്ടെന്ന് ഭയപ്പെടുന്നു. തിരച്ചില് ഇപ്പോഴും തുടരുകയാണ്.
കണ്ണൂര് കീഴറയിലെ സ്ഫോടനവുമായി ബന്ധപ്പെട്ട് വീട് വാടകയ്ക്കെടുത്ത അനൂപ് മാലിക്കിനെതിരെ പൊലീസ് കേസെടുത്തു. സ്ഫോടകവസ്തു നിയമപ്രകാരമാണ് കേസെടുത്തിരിക്കുന്നത്. ഉത്സവങ്ങള്ക്ക് വലിയതോതില് പടക്കം എത്തിച്ചു നല്കുന്നയാളാണ് അനൂപ്. മരിച്ചത് ഇയാളുടെ തൊഴിലാളിയാണെന്നാണ് വിവരം. 2016 ല് കണ്ണൂര് പൊടികുണ്ടിലെ വീട്ടില് സ്ഫോടക വസ്തു പൊട്ടിത്തെറിച്ചുണ്ടായ കേസിലെ പ്രതിയാണ് അനൂപ് മാലിക്.
ഇന്ന് നെഹ്റു ട്രോഫി വള്ളംകളി. 71-ാമത് നെഹ്റു ട്രോഫി വള്ളംകളിക്ക് ഒരുങ്ങിയിരിക്കുകയാണ് പുന്നമട കായല്. വള്ളം കളിയില് 21 ചുണ്ടന് വള്ളങ്ങള് അടക്കം 75 വള്ളങ്ങള് മത്സരിക്കും. ഉച്ചയ്ക്ക് രണ്ടുമണിക്ക് മുഖ്യമന്ത്രി പിണറായി വിജയനാണ് വള്ളം കളി ഉദ്ഘാടനം ചെയ്യുന്നത്. മന്ത്രി പി.എ.മുഹമ്മദ് റിയാസ് അധ്യക്ഷത വഹിക്കും. സിംബാബ്വെ ഡെപ്യൂട്ടി മന്ത്രി രാജേഷ് കുമാര് ഇന്ദുകാന്ത് മോദി പങ്കെടുക്കും.
രാജീവ് ചന്ദ്രശേഖറിന്റെ പിതാവ് അന്തരിച്ചു
ബംഗളൂരു : ബിജെപി സംസ്ഥാന അധ്യക്ഷനും മുന് കേന്ദ്രമന്ത്രിയുമായ രാജീവ് ചന്ദ്രശേഖറിന്റെ പിതാവ് എയര് കമ്മഡോര് മാങ്ങാട്ടില് കാരക്കാട് (എം.കെ.) ചന്ദ്രശേഖര് അന്തരിച്ചു 92 വയസായിരുന്നു. ബെംഗളൂരുവിലെ സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം. 1954 ല് ഇന്ത്യന് വ്യോമസേനയില് പ്രവേശിച്ച ചന്ദ്രശേഖര് 11000 മണിക്കൂറിലധികം വിമാനം പറപ്പിച്ച വൈമാനികനാണ്. വിശിഷ്ട സേവാ മെഡല് അടക്കം നിരവധി ബഹുമതികള് നേടിയിട്ടുണ്ട്.
Click it and Unblock the Notifications
Sign in with Google