റഷ്യന് ഉഭയകക്ഷി ബന്ധം ആഴത്തിലാക്കുമെന്ന് മോദി; പുടിനെ കാണാന് ട്രംപ്; പ്രധാനവാര്ത്തകള് അറിയാം..
അമേരിക്കയുടെ താരിഫ് ഭീഷണിക്ക് പിന്നാലെ റഷ്യന് പ്രസിഡന്റ് വ്ളാഡിമിര് പുടിനുമായി ചര്ച്ച നടത്തി പ്രധാനമന്ത്രി നരേന്ദ്ര മോദി. ഉഭയകക്ഷി ബന്ധത്തിലെ പുരോഗതി ഇരുവരും അവലോകനം ചെയ്തു. ഇന്ത്യ-റഷ്യ തന്ത്രപരമായ പങ്കാളിത്തം കൂടുതല് ആഴത്തിലാക്കും എന്ന് പ്രധാനമന്ത്രി പറഞ്ഞു. പുടിനെ മോദി ഇന്ത്യയിലേക്ക് സ്വാഗതം ചെയ്യുകയും ചെയ്തിട്ടുണ്ട്. ഇന്ത്യക്കെതിരെ 50 ശതമാനം തീരുവ ഏര്പ്പെടുത്തിയുള്ള ട്രംപിന്റെ വെല്ലുവിളി നേരിടാനാണ് ഇന്ത്യയുടെ തീരുമാനം.
അതേസമയം ട്രംപ്- പുടിന് കൂടിക്കാഴ്ചയ്ക്കും വേദിയൊരുങ്ങുന്നതായാണ് റിപ്പോര്ട്ട്. ആഗസ്റ്റ് 15 ന് അലാസ്കയില് വെച്ച് റഷ്യന് പ്രസിഡന്റ് വ്ളാഡിമിര് പുടിനെ കാണുമെന്ന് യുഎസ് പ്രസിഡന്റ് ഡൊണാള്ഡ് ട്രംപ് പറഞ്ഞു. ഉക്രെയ്നിലെ യുദ്ധം അവസാനിപ്പിക്കാന് മോസ്കോയും കൈവും തമ്മിലുള്ള ഒരു അന്തിമ കരാറാണ് ട്രംപിന്റെ ലക്ഷ്യം. മറ്റ് പ്രധാനവാര്ത്തകള് അറിയാം..
സുരക്ഷിതമായി തിരിച്ചിറങ്ങി ക്രൂ-10 ഡ്രാഗൺ പേടകം. അഞ്ച് മാസത്തെ ബഹിരാകാശ വാസത്തിന് ശേഷമാണ് സംഘം ഭൂമിയിൽ തിരിച്ചെത്തിയത്. പസഫിക് സമുദ്രത്തിലാണ് പേടകം തിരിച്ചിറങ്ങിയത്. ആൻ മക്ലെയിൻ, നിക്കോൾ അയേഴ്സ്, തകുയ ഒനിഷി, കിറിൽ പെസ്കോവ് എന്നിവരാണ് ദൗത്യത്തിൽ ഉണ്ടായിരുന്നത്. വെള്ളിയാഴ്ച വൈകീട്ടാണ് ഇവരുടെ പേടകം നിലയത്തിൽ നിന്ന് വേർപെട്ടത്.
ലോകകപ്പ് ജേതാക്കളായ അർജന്റീന ഫുട്ബോൾ ടീമിന്റെ കേരള സന്ദർശനവുമായി ബന്ധപ്പെട്ട് നടക്കുന്ന പ്രചാരണങ്ങൾ വസ്തുതകൾക്ക് നിരക്കാത്തതാണെന്ന് കായികമന്ത്രി. താൻ നടത്തിയ സ്പെയിൻ സന്ദർശനത്തെക്കുറിച്ചും, അർജന്റീന ടീമുമായുള്ള ചർച്ചകളെക്കുറിച്ചും വിശദീകരിക്കുകയായിരുന്നു അദ്ദേഹം. കേരളത്തിൽ സൗഹൃദമത്സരത്തിന് വരില്ലെന്ന് അർജന്റീന ഫുട്ബോൾ അസോസിയേഷൻ ഇതുവരെ അറിയിച്ചിട്ടില്ലെന്നും അദ്ദേഹം പറഞ്ഞു.
2026ലെ നിയമസഭാ തിരഞ്ഞെടുപ്പിൽ കേരള കോൺഗ്രസ് (എം) ചെയർമാൻ ജോസ് കെ. മാണി പാലാ നിയോജക മണ്ഡലത്തിൽ തന്നെ മത്സരിക്കുമെന്ന് റിപ്പോർട്ട്. ജോസ് കെ മാണി കടുത്തുരുത്തി മണ്ഡലത്തിലേക്ക് മാറിയേക്കുമെന്ന അഭ്യൂഹങ്ങൾക്കിടെയാണ് പുതിയ വിവരം. പാലാ തിരിച്ചുപിടിക്കുന്നതിനായി യുവജന സംഘടനയായ യൂത്ത് ഫ്രണ്ടിനെ ശക്തിപ്പെടുത്താനുള്ള നീക്കങ്ങൾ പാർട്ടി ആരംഭിച്ചതായും റിപ്പോർട്ടുകൾ സൂചിപ്പിക്കുന്നു.
വിവാദങ്ങളില് മാധ്യമങ്ങളെ പഴിച്ച് ആരോഗ്യമന്ത്രി. സർക്കാർ ആശുപത്രികളിൽ ഒന്നുമില്ലെന്ന് പ്രചരിപ്പിക്കുന്നത് മാധ്യമങ്ങളാണ് എന്നാണ് ആരോഗ്യമന്ത്രി ആരോപിക്കുന്നത്. മാധ്യമങ്ങള്ക്ക് നിക്ഷിപ്ത താൽപര്യങ്ങളും അജണ്ടകളുമുണ്ടെന്നും, എത്ര കള്ള പ്രചരണമുണ്ടെങ്കിലും കേരളം കൈകോർത്ത് നിന്ന് ആരോഗ്യ സംവിധാനങ്ങളെ സംരക്ഷിക്കുമെന്നും വീണാ ജോർജ് പറഞ്ഞു.
മലപ്പുറത്തെ കുറിച്ച് വീണ്ടും വിദ്വേഷ പ്രസംഗവുമായി എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. മലപ്പുറത്ത് മുസ്ലിം ആധിപത്യമുള്ള സ്ഥലത്ത് നോമ്പുകാലത്ത് ഒരു പെട്ടിക്കട പോലും പ്രവർത്തിക്കാൻ അനുവദിക്കുന്നില്ലെന്നും വോട്ട് ബാങ്ക് കാണിച്ച് മുസ്ലിങ്ങൾ സർക്കാരുകളെ ഭീഷണിപ്പെടുത്തുകയാണെന്നും വെള്ളാപ്പള്ളി ആരോപിച്ചു.
ഗാസയിൽ ഇസ്രായേല് സൈന്യത്തിന്റെ ആക്രമണത്തില് 38 പേര് കൂടി കൊല്ലപ്പെട്ടു
ഗാസയിൽ കഴിഞ്ഞ 24 മണിക്കൂറിനിടെ ഇസ്രായേല് സൈന്യത്തിന്റെ ആക്രമണത്തില് 38 പേര് കൊല്ലപ്പെട്ടതായി ഹമാസ് നിയന്ത്രണത്തിലുള്ള ആരോഗ്യമന്ത്രാലയം അറിയിച്ചു. ഇസ്രയേല് ആക്രമണത്തില് 491 പേര്ക്ക് പരിക്കേറ്റതായും മന്ത്രാലയം വ്യക്തമാക്കി. പോഷകാഹാര കുറവ് മൂലം 11 പേർ കൂടി മരണത്തിന് കീഴടങ്ങിയതായും റിപ്പോർട്ടുകൾ വ്യക്തമാക്കുന്നു.
മുംബൈ വിമാനത്താവളത്തിന്റെ പ്രവർത്തനം തടസപ്പെട്ടു
മുംബൈ ഛത്രപതി ശിവാജി മഹാരാജ് രാജ്യാന്തര വിമാനത്താവളത്തിന്റെ പ്രവർത്തനം തടസപ്പെട്ടു. ഡാറ്റ നെറ്റ്വർക്ക് തകരാർ മൂലമാണ് രാജ്യത്തെ ഏറ്റവും തിരക്കേറിയ രണ്ടാമത്തെ വിമാനത്താവളത്തിൽ നിന്നുള്ള സർവീസുകളിൽ കാലതാമസം ഉണ്ടായത്. സാങ്കേതിക തകരാർ മൂലം വിമാനത്താവളത്തിലെ ചെക്ക്-ഇൻ സംവിധാനങ്ങൾ തടസപ്പെടുകയും സർവീസുകൾ വൈകുകയും ചെയ്തെന്നും പിന്നീട് തകരാർ പരിഹരിച്ചെന്നും എയർ ഇന്ത്യ തന്നെ വ്യക്തമാക്കി.
യെമനിൽ ജയിലിൽ കഴിയുന്ന മലയാളി നഴ്സ് നിമിഷ പ്രിയയുടെ വധശിക്ഷ എത്രയും വേഗം നടപ്പിലാക്കണമെന്ന ആവശ്യത്തിൽ നിലപാട് കടുപ്പിച്ച് കൊല്ലപ്പെട്ട തലാലിന്റെ സഹോദരൻ മഹ്ദി. വധശിക്ഷയ്ക്ക് പുതിയ തീയതി നിശ്ചയിക്കണമെന്ന് ആവശ്യപ്പെട്ട് അറ്റോർണി ജനറലിനെ കണ്ടതായി സഹോദരൻ അബ്ദുൾ ഫത്താഹ് മഹ്ദി സമൂഹമാധ്യമത്തിലൂടെ അറിയിച്ചു.
മെസി ഈസ് മിസിംഗ്; സണ്ണി ജോസഫ്
ലക്ഷങ്ങള് ചെലവാക്കിയിട്ടും അര്ജന്റീനന് ഫുട്ബോള് താരം മെസി വരാത്തതിന്റെ ഉത്തരം സര്ക്കാര് പറയണമെന്ന് കെപിസിസി പ്രസിഡന്റ് സണ്ണി ജോസഫ്. മെസി ഈസ് മിസ്സിംഗ് എന്നാണ് അദ്ദേഹം പരിഹസിച്ചത്. സണ്ണി ജോസഫ് സര്ക്കാര് ഈ വിഷയത്തില് പ്രതിക്കൂട്ടിലാണെന്നും അവരുടെ അവകാശവാദങ്ങള് ഒന്നൊന്നായി പൊളിഞ്ഞെന്നും കെപിസിസി അധ്യക്ഷൻ പറയുന്നു.
ആരോഗ്യ വകുപ്പുമായി ഭിന്നതയിലുള്ള ഡോ. ഹാരിസ് ചിറക്കലിനെ പിന്തുണച്ച് എൻ പ്രശാന്ത് ഐഎഎസ്. അനുവാദമില്ലാതെ മാധ്യമങ്ങളോട് സംസാരിച്ചു എന്ന പേരിൽ ഡോ. ഹാരിസിനെതിരെ നടപടിയെടുക്കാൻ ശ്രമിക്കുന്നു എന്ന് ഉദ്യോഗസ്ഥരെ വിമർശിച്ചാണ് പ്രശാന്തിന്റെ പ്രതികരണം. ഇത് ചൂണ്ടിക്കാട്ടി ഹാരിസിനെതിരെ നടപടിയെടുക്കാൻ ശ്രമിക്കുന്നവർ ചെയ്തതും ഗുരുതര ചട്ടലംഘനമാണെന്ന് പ്രശാന്ത് ഐഎഎസ് പറയുന്നു.
തൃശൂരിലെ വോട്ടർ പട്ടിക ക്രമക്കേട് ആരോപണത്തിൽ അന്വേഷണം വേണമെന്ന് മുൻ മന്ത്രിയും സിപിഐ നേതാവുമായ വിഎസ് സുനിൽ കുമാർ. തിരഞ്ഞെടുപ്പ് കമ്മീഷന് രേഖാമൂലം പരാതി നൽകിയിട്ടും നടപടിയെടുത്തിരുന്നില്ലെന്നും അദ്ദേഹം ആരോപിച്ചു. കഴിഞ്ഞ ദിവസം കമ്മീഷന്റെ സൈറ്റിൽ കയറാൻ ശ്രമിക്കുമ്പോൾ സാങ്കേതിക പ്രശ്നം കാണിച്ചത് സംശയാസ്പദമാണെന്നും സുനിൽകുമാർ മാധ്യമങ്ങളോട് സംസാരിക്കവേ പറഞ്ഞു.
മലപ്പുറം പടിക്കൽ ദേശീയ പാതയിൽ കല്ലുമായി പോകുന്ന ലോറിയുടെ പിറകിൽ മിനിലോറി ഇടിച്ചുണ്ടായ അപകടത്തിൽ രണ്ട് പേർക്ക് ദാരുണാന്ത്യം. പടപറമ്പ് സ്വദേശി മുഹമ്മദ് ഹനീഫ, രണ്ടത്താണി സ്വദേശി അൻവർ എന്നിവരാണ് മരണപ്പെട്ടത്. ഇന്ന് രാവിലെയായിരുന്നു അപകടം നടന്നത്. അപകടത്തിൽ ഗുരുതരമായി പരിക്കേറ്റ് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു ഇവർ. പിന്നാലെ ഇന്ന് വൈകീട്ടോടെ മരണത്തിന് കീഴടങ്ങി.
മെസിയുടെയും അർജന്റീന ടീമിന്റേയും കേരള സന്ദർശനവുമായി ബന്ധപ്പെട്ട് നടക്കുന്നത് തെറ്റായ പ്രചാരണങ്ങളാണ് നടക്കുന്നതെന്ന് കായിക മന്ത്രി വി അബ്ദുറഹ്മാൻ. നടപടിക്രമങ്ങൾ എല്ലാം പൂർത്തീകരിച്ചിട്ടുണ്ടെന്നും സ്പോൺസർ പണം അടച്ചിട്ടുണ്ടെന്നും മന്ത്രി പറഞ്ഞു. ഈ വർഷം അർജന്റീന ടീം കേരളത്തിൽ കളിച്ചില്ലെങ്കിൽ പിന്നീട് കേരളത്തിന് താൽപര്യം ഇല്ലെന്നും അദ്ദേഹം വ്യക്തമാക്കുന്നു.
അമ്മ തിരഞ്ഞെടുപ്പിൽ ശ്വേത മേനോന് പിന്തുണയുമായി നടൻ റഹ്മാൻ. അമ്മ സംഘടനയുടെ പ്രസിഡന്റ് സ്ഥാനത്തേക്ക് മത്സരിക്കുന്നത് കൊണ്ടാണ് ശ്വേതയ്ക്കെതിരെ ആസൂത്രിത നീക്കം നടക്കുന്നതെന്നും റഹ്മാൻ ആരോപിച്ചു. സിനിമ മേഖലയിൽ ഇത്തരം വൃത്തികെട്ട കളികളുണ്ടാകുമെന്ന് പ്രതീക്ഷിച്ചില്ലെന്നും അദ്ദേഹം ഫേസ്ബുക്കിൽ കുറികുകയുണ്ടായി.
തൃശൂരിലും വോട്ടിങ് ക്രമക്കേട് ആരോപണവുമായി കോൺഗ്രസ്
തൃശൂരിൽ വോട്ടർ പട്ടികയിൽ ബിജെപി ക്രമക്കേട് നടത്തിയെന്ന ഗുരുതര ആരോപണവുമായി ഡിസിസി അധ്യക്ഷൻ. സുരേഷ് ഗോപി താമസിച്ചിരുന്ന നെട്ടിശ്ശേരിയിലെ വീട്ടിൽ 11 വോട്ടുകൾ ചേർത്തുവെന്നും സുരേഷ് ഗോപിയുടെയും ബന്ധുക്കളുടെയും വോട്ടുകളാണ് ചേർത്തതെന്നും ജോസഫ് ടാജറ്റ് ആരോപിച്ചു. വാർത്താസമ്മേളനം നടത്തിയാണ് ബിജെപിക്കെതിരെ ഡിസിസി അധ്യക്ഷൻ ആരോപണം ഉയർത്തിയത്.
കേരളത്തിൽ മഴ ഭീഷണി ഒഴിയുന്നു
നാളെ മുതൽ നാല് ദിവസത്തെ കാലാവസ്ഥ പ്രവചനത്തിൽ മഴ ജാഗ്രത ഇല്ലാതെ വന്നതോടെയാണ് ആശ്വാസം. എന്നാൽ ഇന്ന് 3 ജില്ലകളിൽ മഞ്ഞ അലർട്ട് പ്രഖ്യാപിച്ചിട്ടുണ്ട്. കോട്ടയം, ഇടുക്കി, എറണാകുളം എന്നീ ജില്ലകളിലാണ് കേന്ദ്ര കാലാവസ്ഥ വകുപ്പ് മഞ്ഞ അലർട്ട് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളിൽ ഉള്ളത്.
കുട്ടികള്ക്ക് എതിരായ അതിക്രമങ്ങളില് പ്രതികരിച്ച് വിദ്യാഭ്യാസ മന്ത്രി
കുട്ടികള്ക്ക് എതിരായ അതിക്രമങ്ങള് ഒരു കാരണവശാലും അനുവദിച്ചു കൊടുക്കില്ലെന്ന് വിദ്യാഭ്യാസ മന്ത്രി വി. ശിവന്കുട്ടി. നൂറനാട് ആദിക്കാട്ടുകുളങ്ങരയില് പിതാവും രണ്ടാനമ്മയും മര്ദിച്ച നാലാം ക്ലാസ് വിദ്യാര്ഥിനിയെ ബന്ധു വീട്ടിലെത്തി സന്ദര്ശിച്ച ശേഷം സംസാരിക്കുകയായിരുന്നു അദ്ദേഹം. കുട്ടിക്ക് ആവശ്യമായ എല്ലാ സംരക്ഷണവും സഹായവും സര്ക്കാര് ഉറപ്പുവരുത്തുമെന്നും മന്ത്രി പറഞ്ഞു.
ചെറിയ രാഷ്ട്രീയ പാര്ട്ടികളുടെ അംഗീകാരം റദ്ദാക്കി
രാജ്യത്തെ ചെറിയ രാഷ്ട്രീയ പാര്ട്ടികളുടെ അംഗീകാരം റദ്ദാക്കി കേന്ദ്ര തിരഞ്ഞെടുപ്പ് കമ്മീഷന്. കേരളത്തിലെ ആറ് പാര്ട്ടികളുടെ രജിസ്ട്രേഷന് റദ്ദാക്കിയത്. റദ്ദാക്കിയവരില് ആര്എസ്പി (ബി)യും. രാജ്യത്ത് ആകെ 344 പാര്ട്ടികളുടെ രജിസ്ട്രേഷനാണ് റദ്ദാക്കിയത്.
മിനിമം ബാലന്സ് 50000 രൂപയില്ലെങ്കില് പിഴ!
ആഗസ്റ്റ് ഒന്നിനോ അതിന് ശേഷമോ ആരംഭിച്ച സേവിംഗ്സ് അക്കൗണ്ടുകളില് മിനിമം ബാലന്സ് തുക 50000 രൂപയാക്കി ഐസിഐസിഐ. 50000 രൂപയില് കുറവുള്ള അക്കൗണ്ടുകളില് നിന്ന് പിഴ ഈടാക്കും. മെട്രോ, നഗര പ്രദേശങ്ങളിലെ ഉപഭോക്താക്കള്ക്കാണ് പുതിയ പരിഷ്കാരം.
കരാര് സര്ക്കാരുമായല്ല
അര്ജന്റീന ഫുട്ബോള് ടീമിനെ കേരളത്തില് കൊണ്ടുവരുന്നതില് സര്ക്കാരിന് ഉത്തരവാദിത്തമില്ലെന്ന് കായിക മന്ത്രി വി അബ്ദുറഹിമാന്. അര്ജന്റീന ഫുട്ബോള് അസോസിയേഷനുമായി കരാര് ഒപ്പിട്ടത് സ്പോണ്സറാണ്വ എന്നും അതിനുള്ള പണവും സ്പോണ്സര് അടച്ചിട്ടുണ്ട് എന്നും മന്ത്രി പറഞ്ഞു
ഡല്ഹിയില് കനത്ത മഴ
ശനിയാഴ്ച രാവിലെ പെയ്ത കനത്ത മഴ ഡല്ഹിയെ സ്തംഭിപ്പിച്ചു. പല പ്രദേശങ്ങളും വെള്ളത്തിനടിയിലായി. വാഹന ഗതാഗതവും സ്തംഭിച്ചു. പഞ്ച്കുയാന് മാര്ഗ്, മഥുര റോഡ്, ഭാരത് മണ്ഡപത്തിന് പുറത്തുള്ള റോഡ് തുടങ്ങിയ പ്രദേശങ്ങള് വെള്ളത്തിനടിയിലായി. വിമാന ട്രാക്കിംഗ് സൈറ്റായ ഫ്ലൈറ്റ്റാഡാറിന്റെ കണക്കനുസരിച്ച്, ഡല്ഹി വിമാനത്താവളത്തില് കുറഞ്ഞത് 182 വിമാനങ്ങളുടെ പുറപ്പെടലുകള് വൈകിയതായും ഡല്ഹിയില് എത്തുന്ന കുറഞ്ഞത് 30 വിമാനങ്ങളുടെ സര്വീസുകളും വൈകിയതായും പറയുന്നു.
ധര്മസ്ഥല: പൊലീസിന്റെ ഗുരുതര വീഴ്ച
ധര്മസ്ഥല കൂട്ടക്കുഴിമാട കേസില് പൊലീസിന്റെ ഗുരുതര വീഴ്ച. 2000 മുതല് 2015 വരെയുള്ള അസ്വാഭാവിക മരണങ്ങളുടെ രേഖകള് നശിപ്പിച്ചതായുള്ള വിവരാവകാശ രേഖകള് പുറത്തുവന്നു. തിരിച്ചറിയാത്ത മൃതദേഹങ്ങള് കണ്ടെത്താന് ഉപയോഗിച്ച പോസ്റ്റ്മോര്ട്ടം റിപ്പോര്ട്ടുകള്, ഫോട്ടോകള്, നോട്ടീസുകള് തുടങ്ങിയ എല്ലാ രേഖകളും നശിപ്പിക്കപ്പെട്ടുവെന്നാണ് വിവരം.
ട്രംപ് സ്വന്തം കുഴി തോണ്ടുന്നു
ലോകത്തിന്റെ മറ്റു ഭാഗങ്ങള്ക്കെതിരെ വ്യാപാര യുദ്ധം ആരംഭിച്ചുകൊണ്ട് യുഎസ് പ്രസിഡന്റ് ഡൊണാള്ഡ് ട്രംപ് സ്വന്തം കുഴി തോണ്ടുകയാണ്' എന്ന് അമേരിക്കന് സാമ്പത്തിക വിദഗ്ധനും ജോണ് ഹോപ്കിന്സ് സര്വകലാശാല പ്രൊഫസറുമായ സ്റ്റീവ് ഹാങ്കെ. ട്രംപിന്റെ താരിഫ് തീരുമാനം തികച്ചും അസംബന്ധം ആണെന്നും അദ്ദേഹത്തിന്റെ സാമ്പത്തികശാസ്ത്രം പൂര്ണ്ണമായും തെറ്റാണ് എന്നും അദ്ദേഹം കൂട്ടിച്ചേര്ത്തു.
സൈനികര്ക്ക് വീരമൃത്യു
ജമ്മു കശ്മീരിലെ കുല്ഗാമില് തീവ്രവാദികളുമായുള്ള ഏറ്റുമുട്ടലില് രണ്ട് സൈനികര്ക്ക് വീരമൃത്യു. ലാന്സ് നായിക് പ്രിത്പാല് സിംഗ്, ശിപായി ഹര്മീന്ദര് സിംഗ് എന്നിവരാണ് കൊല്ലപ്പെട്ടത്. ഓപ്പറേഷന് അഖലിന്റെ ഭാഗമായുള്ള തിരച്ചിലിനിടെയായിരുന്നു ഏറ്റുമുട്ടല്. രാത്രിയിലെ വെടിവയ്പ്പില് രണ്ട് സുരക്ഷാ ഉദ്യോഗസ്ഥര്ക്ക് കൂടി പരിക്കേറ്റു. ഇതോടെ താഴ്വരയിലെ ഏറ്റവും ദൈര്ഘ്യമേറിയ ഭീകരവിരുദ്ധ ഓപ്പറേഷനുകളില് ഒന്നായ ഇതില് പരിക്കേറ്റവരുടെ എണ്ണം 10 ആയി.
ഇസ്രായേലിന് യുഎന് മുന്നറിയിപ്പ്
ഗാസ പിടിച്ചെടുക്കാനുള്ള ഇസ്രയേല് തീരുമാനം അപകടകരമെന്ന് ഐക്യരാഷ്ട്രസഭ. മേഖലയിലെ നിലവിലുള്ള സംഘര്ഷാവസ്ഥ മൂര്ച്ഛിക്കാന് ഇസ്രയേല് അധിനിവേശം ഇടയാക്കുമെന്ന് സെക്രട്ടറി ജനറല് ആന്റണിയൊ ഗുട്ടെറെസ് പറഞ്ഞു. എന്നാല് അമേരിക്കന് പ്രസിഡന്റ് ഡൊണാള്ഡ് ട്രംപ് ഇസ്രായേല് നടപടിയെ എതിര്ത്തിട്ടില്ല
കരാര് ലംഘിച്ചത് കേരള സര്ക്കാരെന്ന് അര്ജന്റീന
അര്ജന്റീന ടീമിനെ കേരളത്തിലെത്തിക്കുന്നതില് കരാര് ലംഘനമുണ്ടായത് സംസ്ഥാന സര്ക്കാരിന്റെ ഭാഗഗത്തു നിന്നാണെന്ന് എഎഫ്എ മാര്ക്കറ്റിംഗ് വിഭാഗം മേധാവി ലിയാന്ഡ്രോ പീറ്റേഴ്സണ്. ഒരു മാധ്യമപ്രവര്ത്തകനോടാണ് ലിയാന്ഡ്രോ പീറ്റേഴ്സന് ഇക്കാര്യം അറിയിച്ചത്.
വോട്ടര് പട്ടിക ക്രമക്കേട് അന്വേഷിക്കണമെന്ന് ആവശ്യപ്പെട്ട് കോണ്ഗ്രസ്
രാഹുല് ഗാന്ധി ഉന്നയിച്ച വോട്ടര് പട്ടിക ക്രമക്കേട് അന്വേഷിക്കണമെന്ന് ആവശ്യപ്പെട്ട് കര്ണാടക കോണ്ഗ്രസ്. ഇക്കാര്യം ചൂണ്ടിക്കാട്ടി കോണ്ഗ്രസ് സംസ്ഥാന തിരഞ്ഞെടുപ്പ് കമ്മീഷനെ സമീപിച്ചു. കര്ണാടകയിലെ എല്ലാ മണ്ഡലങ്ങളിലും വോട്ടര് പട്ടികയില് ക്രമക്കേട് നടന്നിട്ടുണ്ടോ എന്ന് അന്വേഷിക്കണം എന്ന് പാര്ട്ടി ആവശ്യപ്പെട്ടു.
READ MORE
More From
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google