ശുഭാന്‍ഷുവിന്റെ മടക്കയാത്ര തുടങ്ങി.. നിമിഷ പ്രിയയുടെ വിധിയെന്ത്?

യമനില്‍ വധശിക്ഷയ്ക്ക് വിധിക്കപ്പെട്ട് ജയിലില്‍ കഴിയുന്ന നിമിഷ പ്രിയയുടെ മോചനവുമായി ബന്ധപ്പെട്ട് ഇടപെടുന്നതിന് പരിധിയുണ്ടെന്ന് കേന്ദ്രസർക്കാർ സുപ്രീം കോടതിയിൽ. സാധ്യമായതെല്ലാം ചെയ്യുന്നുണ്ട്. യെമെനിൽ സ്വാധീനമുള്ള ഒരു ഷേഖിന്റെ സഹായം ഉപയോഗിക്കുന്നുണ്ടെന്നും കേന്ദ്ര സർക്കാരിന് വേണ്ടി അറ്റോർണി ജനറൽ കോടതിയെ അറിയിച്ചു.

ജസ്റ്റിസ് വിക്രം നാഥ് അധ്യക്ഷനായ ബെഞ്ചാണ് ഹർജി പരിഗണിച്ചത്. നിമിഷ പ്രിയയുടെ വധശിക്ഷ ഈ മാസം 16ന് നടപ്പാക്കും എന്നാണ് വിവരം. ഇത് മരവിപ്പിക്കാനും നിമിഷപ് പ്രിയയെ മോചിപ്പിക്കാനും കേന്ദ്രസർക്കാർ ഇടപെടൽ തേടി സേവ് നിമിഷ പ്രിയ ഇന്‍റര്‍നാഷണല്‍ ആക്ഷന്‍ കൗണ്‍സില്‍ ആണ് കോടതിയെ സമീപിച്ചത്.

മടക്കയാത്രക്ക് ഒരുങ്ങി ആക്സിയം ദൗത്യസംഘം

അന്താരാഷ്ട്ര ബഹിരാകാശ നിലയത്തിലേക്ക്‌ പോയ (ഐഎസ്എസ്) വ്യോമസേനാ ഗ്രൂപ് ക്യാപ്റ്റൻ ശുഭാംശു ശുക്ല ഇന്ന് ഭൂമിയിലേക്ക് തിരിക്കും. 18 ദിവസത്തെ ശൂന്യാകാശ വാസത്തിന് ശേഷമാണ് മടക്കം. 26 മണിക്കൂർ യാത്രയ്ക്കുശേഷം ചൊവ്വാഴ്ച പുലർച്ചെ മൂന്നോടെയാണ് ആക്സിയം സംഘം എത്തുന്ന പേടകം ശാന്തസമുദ്രത്തിൽ സ്‌പ്ലാഷ് ഡൗൺ ചെയ്യുക. ഇന്നത്തെ മറ്റ് പ്രധാന വാർത്തകൾ കൂടി അറിയാം