ഹമാസിന് അന്ത്യശാസനവുമായി ട്രംപ്, സമാധാനകരാറിലെത്താനുള്ള അവസാന അവസരം

കരൂര്‍ ദുരന്തത്തില്‍ സിബിഐ അന്വേഷണം വേണമെന്ന ആവശ്യം തള്ളി കോടതി. ദേശീയ മക്കള്‍ ശക്തി കക്ഷി നല്‍കിയ ഹര്‍ജിയാണ് മദ്രാസ് ഹൈക്കോടതി തള്ളിയത്. പൊലീസിന്റെ അന്വേഷണം പ്രാരംഭ ഘട്ടത്തിലാണ്. ഈ സാഹചര്യത്തില്‍ അന്വേഷണം എങ്ങനെ സിബിഐക്ക് വിടാനാകുമെന്ന് ഹൈക്കോടതി ചോദിച്ചു. നിലവില്‍ സിബിഐ അന്വേഷണ ആവശ്യം നിലനില്‍ക്കില്ലെന്നും ഹൈക്കോടതി പറഞ്ഞു

കരൂര്‍ ദുരന്തം ഹർജി നല്‍കിയ ഡിഎംഎസ്‌കെയെ ബാധിച്ചിട്ടില്ലല്ലോയെന്നും ഹർജി പരിഗണിച്ചുകൊണ്ട് കോടതി ചോദിച്ചു. അതോടൊപ്പം തന്നെ ദുരന്തബാധിതരുടെ നഷ്ടപരിഹാരം വർധിപ്പിക്കണമെന്ന ആവശ്യത്തില്‍ കോടതി സർക്കാറിന്റെ മറുപടിയും തേടി. അതേസമയം വിജയ് കരൂരിലേക്ക് എത്തുമെന്ന വാർത്തകളും പുറത്ത് വരുന്നുണ്ട്.ഇതിനായുള്ള മുന്നൊരുക്കങ്ങള്‍ക്ക് പാർട്ടി പ്രവർത്തകർക്ക് ടി വി കെ നിർദേശം നല്‍കി.

അതേസമയം, ഗാസയിലേക്ക് സഹായങ്ങളുമായി എത്തിയ ഗ്ലോബല്‍ സുമുദ് ഫ്ലോട്ടില ബോട്ടുകള്‍ പിടിച്ചെടുത്ത ഇസ്രായേല്‍ നടപടിക്കെതിരെ ലോകമെമ്പാടും പ്രതിഷേധം ശക്തമാകുന്നു. അന്താരാഷ്ട്ര സമുദ്രത്തില്‍ നിന്നും സഹായവുമായെത്തിയ ബോട്ടുകള്‍ പിടിച്ചെടുത്തത് നിയമവിരുദ്ധമാണെന്ന് ഐക്യരാഷ്ട്ര സഭ വ്യക്തമാക്കി. ആക്ടിവിസ്റ്റുകളെ തടവിലാക്കിയ ഇസ്രയേല്‍ നടപടി നിയമവിരുദ്ധമാണെന്നും ഇസ്രയേല്‍ വംശഹത്യ നടത്തുകയാണെന്ന് ആംനസ്റ്റി ഇന്റര്‍നാഷണലും പറഞ്ഞു.

'ഗ്ലോബല്‍ സുമുദ് ഫ്‌ളോട്ടില ബോട്ടുകള്‍ തടഞ്ഞതും ഗാസന്‍ തീരത്ത് നിന്ന് അംഗങ്ങളെ തടവിലാക്കിയതും സമാധാനപൂര്‍വമായ മാനുഷിക ദൗത്യത്തിന് നേരെയുള്ള ലജ്ജാകരമായ ആക്രമണമാണ്. ഫ്‌ളോട്ടിലയ്ക്കും അതിലെ അംഗങ്ങള്‍ക്കുമെതിരായ ആഴ്ചകള്‍ നീണ്ട ഭീഷണികള്‍ക്ക് ശേഷമാണ് ഇന്നത്തെ നടപടി' ആംനസ്റ്റി സെക്രട്ടറി ജനറല്‍ ആഗ്നസ് കള്ളാമാര്‍ഡ് എക്സില്‍ കുറിച്ചു. ഫ്‌ളോട്ടില പിടിച്ചെടുത്തതിന് ബെല്‍ജിയം ഇസ്രയേല്‍ അംബാസഡറെ വിളിച്ചുവരുത്തിയപ്പോള്‍ ഫ്‌ളോട്ടിലയ്ക്ക് ഐക്യദാര്‍ഢ്യം പ്രഖ്യാപിച്ച് ഇറ്റലിയില്‍ ഇറ്റാലിയന്‍ യൂണിയനുകള്‍ പൊതു പണിമുടക്ക് പ്രഖ്യാപിച്ചു.