ജിഎസ്ടി സേവിംഗ്സ് ഉത്സവത്തിന് നാളെ തുടക്കമാകുമെന്ന് മോദി; എച്ച്1 ബി വിസയിൽ ആശങ്ക തുടരുന്നു
ജിഎസ്ടി പരിഷ്കാരം നിലവിൽ വരുന്നതിന് മുന്നോടിയായി രാജ്യത്തെ ജനങ്ങളെ അഭിസംബോധന ചെയ്തിരിക്കുകയാണ് പ്രധാനമന്ത്രി നരേന്ദ്ര മോദി. ജിഎസ്ടി സേവിംഗ്സ് ഉത്സവത്തിന് നാളെ തുടക്കമാവുമെന്നാണ് അദ്ദേഹം പറഞ്ഞത്. രാജ്യത്തിന്റെ വളർച്ചയെ ഇത് മുന്നോട്ട് നയിക്കുമെന്നും എല്ലാ വിഭാഗത്തിനും പ്രയോജനകരമാവുമെന്നും അദ്ദേഹം പറഞ്ഞു.
അതിനിടെ, എച്ച്1 ബി വിസ ഫീസ് വർധനവിൽ വ്യക്തത വരുത്തി യുഎസ്. നിലവിലുള്ള വിസ ഉടമകൾക്ക് ഒരു ലക്ഷം ഡോളർ പിഴ ബാധകമല്ലെന്നും പുതിയ അപേക്ഷകർക്ക് മാത്രമാണ് ഈ നിയമം ബാധകമെന്നും യുഎസ് അധികൃതർ അറിയിച്ചു. പുതുതായി വിദേശത്തുനിന്ന് വരുന്നവർ, യുഎസ് വിട്ടുപോയ ശേഷം വീസ പുതുക്കുന്നവര്, പുതിയ തൊഴിലുടമയ്ക്കായി യുഎസിലേക്ക് വരുന്ന എച്ച്1 ബി ജീവനക്കാർ എന്നിവരെല്ലാം സപ്റ്റംബർ 21 മുതൽ വിസ ഫീസ് 88 ലക്ഷം നൽകണമെന്നായിരുന്നു ആദ്യം വന്ന റിപ്പോർട്ടുകൾ.
ഇതോടെ വലിയ പരിഭ്രാന്തിയാണ് ഇന്ത്യൻ ടെക്കികൾക്കിടയിൽ ഉണ്ടായത്. പലരും അവധി റദ്ദാക്കി യുഎസിലേക്ക് മടങ്ങാൻ ശ്രമങ്ങൾ തുടങ്ങിയിരുന്നു. മാത്രമല്ല നാട്ടിലേക്ക് മടങ്ങാൻ വിമാനങ്ങളിൽ കയറിയവർ പോലും യാത്ര റദ്ദാക്കി. ഈ സാഹചര്യത്തിലാണ് ഇപ്പോൾ ഇക്കാര്യത്തിൽ യുഎസ് വ്യക്തത വരുത്തിയത്. രാജ്യം സന്ദർശിക്കുന്നവരോ, രാജ്യം വിട്ടുപോകുന്നവരോ, ഇന്ത്യയിലേക്ക് അവധിക്ക് പോയവർക്കോ ഈ നിയമം തത്കാലം ബാധകമല്ലെന്ന് യുഎസ് വ്യക്തമാക്കി.
അതിനിടെ അമിത് ഷായുടെ വസതിയിൽ ചേർന്ന നിർണായക യോഗത്തിൽ ജമ്മു കശ്മീരിൽ നിന്നുള്ള മിഥുൻ മൻഹാസിനെ ബി സി സി ഐ പ്രസിഡന്റാക്കാൻ തീരുമാനം കൈക്കൊണ്ടതായി റിപ്പോർട്ട്. ജമ്മു കശ്മീർ ക്രിക്കറ്റ് അസോസിയേഷൻ ഭാരവാഹിയായ ഇദ്ദേഹം ഇന്ത്യൻ ടീമിൽ കളിച്ചിട്ടില്ല. എന്നാൽ ഐപിഎല്ലിൽ വിവിധ ടീമുകൾക്കായും രഞ്ജി ട്രോഫിയിൽ ജമ്മു കശ്മീരിന് വേണ്ടി മത്സരിച്ചിട്ടുണ്ട്.ഇന്ന് മൻഹാസ് പത്രിക നൽകിയേക്കും. മറ്റ് പ്രധാന വാർത്തകൾ കൂടി അറിയാം
പാകിസ്ഥാനെതിരെ വീണ്ടും അനായാസ ജയവുമായി ഇന്ത്യ. സൂപ്പർ ഫോറിലും പാകിസ്ഥാനെ സൂര്യകുമാറും സംഘവും തകർത്തെറിയുക ആയിരുന്നു. ആറു വിക്കറ്റിനാണ് ഇന്ത്യയുടെ ജയം. പാകിസ്ഥാൻ ഉയർത്തിയ 172 റൺസ് വിജയലക്ഷ്യം നാല് വിക്കറ്റ് നഷ്ടത്തിൽ ഇന്ത്യ മറികടന്നു. അർധസെഞ്ചുറി തികച്ച അഭിഷേക് ശർമ്മയാണ് ഇന്ത്യയെ മുന്നോട്ട് നയിച്ചത്.
കെജിഎംസിടിഎ പ്രക്ഷോഭത്തിലേക്ക് നീങ്ങുന്നു. അധ്യാപകരുടെ കുറവ്, ശമ്പളത്തിലെ അപാകതകൾ തുടങ്ങിയ വിഷയങ്ങൾ ഉന്നയിച്ചാണ് സമരം. നാളെയും മറ്റന്നാളുമാണ് മെഡിക്കൽ കോളേജുകളിലെ അധ്യാപകർ പ്രതിഷേധിക്കുക. പ്രതിഷേധത്തിന്റെ ഭാഗമായി കരിദിനം ആചരിക്കും എന്ന് കെജിഎംസിടിഎ അറിയിച്ചു. മെഡിക്കൽ കോളേജുകളിൽ ധർണയും ഡിഎംഇ ഓഫീസിലേക്ക് മാർച്ചും നടത്താനും ധാരണയായിട്ടുണ്ട്.
പാലുൽപ്പന്നങ്ങൾക്കും ഇളവ് ലഭിച്ചതോടെ മിൽമയുടെ പാലുൽപ്പന്നങ്ങൾക്കും വില കുറയും. നെയ്യ്, വെണ്ണ, പനീര്, ഐസ്ക്രീം തുടങ്ങി നൂറിലധികം ഉത്പന്നങ്ങളുടെ വിലയാണ് കുറയുന്നത്. മില്മ നെയ്യ് ഒരു ലിറ്ററിന് 45 രൂപ കുറയും. നിലവിൽ 720 രൂപയാണ് ഒരു ലിറ്റർ നെയ്യുടെ വില. നാളെ മുതൽ ഇത് 675 രൂപയ്ക്ക് ലഭിക്കും. 240 രൂപയുണ്ടായിരുന്ന 400 ഗ്രാം വെണ്ണ 15 രൂപ കുറഞ്ഞ് 225 രൂപയ്ക്ക് ലഭിക്കുമെന്നും അറിയിച്ചിട്ടുണ്ട്.
ജിഎസ്ടി കുറച്ചതിന്റെ ഗുണം ജനങ്ങള്ക്ക് ലഭിക്കുമോയെന്നതില് ആശങ്കയുണ്ടെന്ന് സംസ്ഥാന ധനമന്ത്രി കെഎന് ബാലഗോപാല് പറഞ്ഞു. സംസ്ഥാനങ്ങള്ക്ക് ഉണ്ടാകുന്ന നഷ്ടം വലുതാണെന്നും ഇത് എങ്ങനെ പരിഹരിക്കുമെന്നതില് വ്യക്തയില്ലെന്നും മന്ത്രി ചൂണ്ടിക്കാട്ടി. പുതിയ നികുതി പരിഷ്കാരങ്ങൾ നാളെ മുതൽ നിലവിൽ വരാനിരിക്കെയാണ് അദ്ദേഹത്തിന്റെ പരാമർശം.
ജിഎസ്ടി കൂടി എങ്കിലും ലോട്ടറി ടിക്കറ്റ് വില കൂട്ടില്ലെന്ന് വിവരം. സമ്മാനത്തുകയിലും ഏജന്റുമാരുടെ കമ്മീഷനിലും മാറ്റം വരുത്താനാണ് നീക്കം. ജിഎസ്ടി 28 ശതമാനത്തിൽ നിന്ന് 40 ശതമാനം ആയി കൂടും. വില കൂട്ടിയാൽ വിൽപന കുറയുമെന്നാണ് ലോട്ടറി വകുപ്പിന്റെ വിലയിരുത്തൽ. അതിനാൽ തന്നെ ഏജന്റുമാരുടെ കമ്മീഷനിൽ അവരുമായി ആലോചിച്ച് ചെറിയ കുറവ് വരുത്താനാണ് നീക്കം.
അയ്യപ്പസംഗമം ചീറ്റിപ്പോയെന്ന കോണ്ഗ്രസ് വിമര്ശനം സ്വയം സംതൃപ്തി അടയാനുള്ള പാഴ്ശ്രമത്തിന്റെ ഭാഗമെന്ന് ദേവസ്വം മന്ത്രി വിഎന് വാസവന്. അതിന്റെ അര്ത്ഥം ആഗോള അയ്യപ്പ സംഗമം വിജയിച്ചുവെന്നതാണെന്നും മന്ത്രി പറയുന്നു. സംഗമം തുടങ്ങും മുമ്പ് എടുത്ത വിഷ്വല് ചില മാധ്യമങ്ങള് ബോധപൂര്വ്വം പ്രചരിപ്പിച്ചുവെന്നും വിമര്ശനങ്ങള്ക്ക് അടിസ്ഥാനമില്ലെന്നും വാസവൻ പറയുന്നു.
ആഗോള അയ്യപ്പസംഗമത്തിന് ആളുകള് കുറവായിരുന്നുവെന്ന വാദത്തെ തള്ളി സിപിഎം സംസ്ഥാന സെക്രട്ടറി എംവി ഗോവിന്ദന് മാസ്റ്റർ. 4600 ആളുകള് പങ്കെടുത്താല് പോരെയെന്ന് അദ്ദേഹം ചോദിച്ചു.
കളവ് പ്രചരിപ്പിക്കുന്നതിനും അടിസ്ഥാനം വേണം. കള്ളപ്രചരണം നടത്തുന്ന മാധ്യമങ്ങളുണ്ട്. ശുദ്ധ അസംബന്ധമാണ്. നാണവും മാനവും ഇല്ലാതെ പച്ചക്കള്ളം പ്രചരിപ്പിക്കുന്നുവെന്നും അദ്ദേഹം ആരോപിച്ചു.
സൗദി അറേബ്യയിലെ ദമാമിൽ മലയാളി യുവാവ് മരണപ്പെട്ടു. തിരുവനന്തപുരം ആറാല്ലുമ്മൂട് സ്വദേശി അഖിൽ അശോക് കുമാറാണ് മരിച്ചത്. സ്വദേശി യുവാവുമായി ഉണ്ടായ തര്ക്കത്തില് വീണു മരിച്ചെന്നാണ് ലഭിച്ച വിവരം. ദമാം ബാദിയയിൽ നിന്നാണ് മൃതദേഹം കണ്ടെത്തിയത്. വെള്ളിയാഴ്ചയാണ് കൊലപാതകത്തിനിടയായ സംഭവം നടന്നത്. സംഭവത്തിൽ ഒരു സ്വദേശി പൗരനെ പോലീസ് അറസ്റ്റ് ചെയ്തിട്ടുണ്ട്.
സമസ്ത അധ്യക്ഷൻ ജിഫ്രി മുത്തുക്കോയ തങ്ങളുമായി കൂടിക്കാഴ്ച നടത്തി പ്രിയങ്ക ഗാന്ധി എംപി. മലപ്പുറം കിഴിശേരിയിലെ വീട്ടിലെത്തിയാണ് പ്രിയങ്ക ജിഫ്രി മുത്തുക്കോയ തങ്ങളെ കണ്ടത്. അര മണിക്കൂര് നീണ്ട കൂടിക്കാഴ്ച്ച പ്രതീക്ഷ നൽകുന്നതാണെന്ന് ജിഫ്രി തങ്ങൾ പറഞ്ഞു. മതേതരത്വം കാത്ത് സൂക്ഷിക്കാനുള്ള നടപടികൾ കോൺഗ്രസിന്റെ ഭാഗത്ത് നിന്ന് ഉണ്ടാകണമെന്ന് ആവശ്യപ്പെട്ടുവെന്നും അദ്ദേഹം മാധ്യമങ്ങളോട് പറഞ്ഞു.
ശബരിമലയിലെ വികസനപ്രവർത്തനങ്ങൾ തിരഞ്ഞെടുപ്പിന് മുന്നോടിയായുള്ള തട്ടിക്കൂട്ട് പരിപാടിയാണെന്ന് മുതിർന്ന കോൺഗ്രസ് നേതാവും എംപിയുമായ കെസി വേണുഗോപാൽ. അയ്യപ്പനെ വെച്ചുള്ള രാഷ്ട്രീയ കളി ഇനിയെങ്കിലും അവസാനിപ്പിക്കണം. അയ്യപ്പ സംഗമത്തിലെ കള്ളക്കളി യഥാർത്ഥ വിശ്വാസികൾക്ക് മനസ്സിലാക്കാൻ സാധിച്ചുവെന്നും കെസി പറഞ്ഞു.
ആഗോള അയ്യപ്പ സംഗമം നാടകമാണെന്ന ആരോപണവുമായി പിവി അന്വര്. ശബരിമലയിലെ അയ്യപ്പ ഭക്തന്മാരെ എല്ലാവരും ആദരവോടെയാണ് കാണുന്നത്. എന്നാൽ മുഖ്യമന്ത്രിയുടെയും സിപിഎമ്മിന്റെയും വിഷയത്തിലെ നിലപാട് മൂന്നുവര്ഷം മുന്പ് നമ്മള് കണ്ടതാണ്. സ്ത്രീ സാന്നിദ്ധ്യം ശബരിമലയില് ഉറപ്പാക്കാന് വലിയ ശ്രമമാണ് അന്ന് സര്ക്കാര് നടത്തിയതെന്നും അയ്യപ്പനുമായി ഒരു ആത്മാര്ത്ഥതയും ഇല്ലാത്ത ആളുകളുടെ സംഗമമാണ് നടക്കുന്നതെന്നും അദ്ദേഹം ആരോപിച്ചു.
പാലക്കാട് അധ്യാപകനെ വീട്ടിൽ മരിച്ച നിലയിൽ കണ്ടെത്തി. തച്ഛനാട്ടുകര പട്ടിശേരി സ്വദേശി സലീം (40) ആണ് മരിച്ചത്. മാണിക്കപറമ്പ് സർക്കാർ സ്കൂളിലെ അധ്യാപകനായിരുന്നു. വൈകിട്ട് അഞ്ചോടെ വീടിനകത്ത് മരിച്ച നിലയിൽ കണ്ടെത്തുകയായിരുന്നു. തൂങ്ങി മരിച്ച നിലയിലാണ് കണ്ടെത്തിയത്. സലീമിന്റെ മകന് 12 വര്ഷമായി കിടപ്പുരോഗിയാണ്, അതിന്റെ മാനസിക പ്രയാസത്തിലാണ് ആത്മഹത്യയെന്നാണ് കരുതുന്നത്.
എറണാകുളം കളമശ്ശേരിയിൽ ആറ് വയസുകാരിയെ പീഡിപ്പിച്ച കേസിൽ ഒളിവിലായിരുന്ന പ്രതി പിടിയിലായി. മൂന്നാർ കാന്തല്ലൂരിൽ നിന്നാണ് പ്രതി മറയൂർ പോലീസിന്റെ പിടിയിലായത്. ഇതര സംസ്ഥാനത്തൊഴിലാളികളുടെ മകളെയാണ് ആക്രമിച്ചത്. ഇന്നലെ രാത്രിയാണ് കളമശ്ശേരി പോലീസിന് പരാതി ലഭിക്കുന്നത്. തൊട്ടടുത്ത വീട്ടിലെ യുവാവാണ് കുട്ടിയെ ഉപദ്രവിച്ചത്.
ജിഎസ്ടി 2.0 പ്രകാരം മധ്യവർഗം കൂടുതലായി ഉപയോഗിക്കുന്ന 99 ശതമാനം വസ്തുക്കളുടെയും വിലകുറഞ്ഞതായി പ്രധാനമന്ത്രി നരേന്ദ്ര മോദി. വികസിത ഇന്ത്യയ്ക്ക്, നാം ആത്മനിർഭരരാകണമെന്നും രാഷ്ട്രത്തെ അഭിസംബോധന ചെയ്തുകൊണ്ട് പ്രധാനമന്ത്രി മോദി പറഞ്ഞു. എംഎസ്എംഇകൾ മുന്നോട്ട് വരണം, അവർക്ക് ഇതിൽ നിന്ന് ധാരാളം പ്രയോജനം ലഭിക്കുമെന്ന് അദ്ദേഹം കൂട്ടിച്ചേർത്തു.
ആദായ നികുതിയെ പുകഴ്ത്തി മോദി. 12 ലക്ഷം രൂപ വാർഷിക വരുമാന നികുതിയില്ലാത്ത സ്ലാബ് മധ്യവർഗത്തിനാണ് ഏറ്റവും കൂടുതൽ ഗുണം ചെയ്തതെന്ന് പ്രധാനമന്ത്രി മോദി പറഞ്ഞു. കഴിഞ്ഞ 11 വർഷത്തിനിടെ തന്റെ സർക്കാരിന്റെ കീഴിൽ ഏകദേശം 25 കോടി ആളുകളെ ദാരിദ്ര്യത്തിൽ നിന്ന് മോചിപ്പിച്ചതായും പ്രധാനമന്ത്രി പറഞ്ഞു.
ജിഎസ്ടി സേവിംഗ്സ് ഉത്സവത്തിന് നാളെ തുടക്കമാകുമെന്ന് നരേന്ദ്ര മോദി
രാജ്യത്തെ അഭിസംബോധന ചെയ്ത് പ്രധാനമന്ത്രി. ജിഎസ്ടി സേവിംഗ്സ് ഉത്സവത്തിന് നാളെ തുടക്കമാകുമെന്ന് നരേന്ദ്ര മോദി പറഞ്ഞു. ഈ പരിഷ്കാരം ഇന്ത്യയുടെ വികാസത്തെ ത്വരിതപ്പെടുത്തുമെന്നും പ്രധാനമന്ത്രി. മധ്യവർഗം, യുവാക്കൾ, കർഷകർ എന്നിവർക്ക് എല്ലാം ഇത് പ്രയോജനകരമാവുമെന്നും അദ്ദേഹം പറഞ്ഞു.
കോഴിക്കോട് ട്രെയിനിൽ നിന്നും വീണ് പെൺകുട്ടിക്ക് ഗുരുതര പരിക്ക്. വടകര സ്വദേശിനിയായ റീഹയാണ് ട്രെയിനിൽ നിന്ന് വീണത്. കണ്ണൂർ-കോയമ്പത്തൂർ എക്സ്പ്രസ് ട്രെയിനിൽ വെച്ചാണ് അപകടം നടന്നത്. തലചുറ്റി വീഴുകയായിരുന്നുവെന്നാണ് കൂടെ ഉണ്ടായിരുന്നവർ പറയുന്നത്. പുതിയങ്ങാടിക്ക് സമീപത്താണ് അപകടം ഉണ്ടായത്. ഗുരുതരമായി പരിക്കേറ്റ പെൺകുട്ടിയെ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചു.
പമ്പയിൽ സംഘടിപ്പിച്ച ആഗോള അയ്യപ്പ സംഗമം യാതൊരു ആത്മാർത്ഥതയും ഇല്ലാതെ നടത്തിയ പരിപാടിയെന്നും അത് പരാജയമാണെന്നും കെപിസിസി പ്രസിഡന്റ് സണ്ണി ജോസഫ്. അത് ദൃശ്യങ്ങൾ തെളിയിച്ചു. യുവതികളെ പ്രവേശിപ്പിക്കാൻ നടത്തിയതിന്റെ പാപക്കറ അവരുടെ കയ്യിലുണ്ട്. ആചാരങ്ങൾ ലംഘിക്കാനാണ് സിപിഎമ്മും സർക്കാരും ശ്രമിച്ചതെന്നും അയ്യപ്പ സംഗമം തിരഞ്ഞെടുപ്പ് മുന്നിൽക്കണ്ടുള്ള പരിപാടി മാത്രമാണെന്നും അദ്ദേഹം പറഞ്ഞു.
മഹാരാഷ്ട്ര ഉപമുഖ്യമന്ത്രി ഏക്നാഥ് ഷിന്ഡെയുടെ എക്സ് അക്കൗണ്ട് ഹാക്ക് ചെയ്തു. അക്കൗണ്ട് ഹാക്ക് ചെയ്ത ഹാക്കര്മാര് പാകിസ്താന്റെയും തുര്ക്കിയുടെയും പതാകകള് പോസ്റ്റ് ചെയ്തു. സൈബര് ടീം ഉടന് തന്നെ ഉപമുഖ്യമന്ത്രിയുടെ എക്സ് അക്കൗണ്ട് വീണ്ടെടുത്തു നല്കുകയും ചെയ്തു. ഷിന്ഡെയുടെ അക്കൗണ്ട് പൂര്വസ്ഥിതിയിലാകാന് ഏതാണ്ട് 45 മിനിറ്റ് എടുത്തു
രാജ്യത്തെ അഭിസംബോധന ചെയ്യാനിരിക്കുന്ന പ്രധാനമന്ത്രി നരേന്ദ്ര മോദിയോട് ചോദ്യങ്ങളുമായി കോണ്ഗ്രസ്. എല്ലാവര്ക്കും അറിയാവുന്ന ജി എസ് ടി നിരക്ക് മാറ്റത്തെ കുറിച്ച് പറയാനാണോ മോദി രാജ്യത്തെ അഭിസംബോധന ചെയ്യുന്നതെന്ന് കോണ്ഗ്രസ് ചോദിച്ചു. അമേരിക്ക എച്ച് വണ് ബി വീസ ഫീസ് ഉയര്ത്തിയതിന് ശേഷമുള്ള പ്രതിസനിധിയിലെ ആശങ്കയെ പ്രധാനമന്ത്രി അഭിസംബോധന ചെയ്യുമോയെന്നും ട്രംപിന്റെ താരിഫ് വര്ധന മൂലം വെട്ടിലായ കര്ഷകര്ക്ക് ആശ്വാസം നല്കുന്ന ഉറപ്പുകള് നല്കുമോ എന്നും കോണ്ഗ്രസ് ചോദിച്ചു.
അയ്യപ്പ സംഗമം പൂര്ണ പരാജയമെന്ന് എഐസിസി ജനറല് സെക്രട്ടറി കെസി വേണുഗോപാല്. ഇനി എഐ എന്നൊക്കെ പറഞ്ഞ് രക്ഷപ്പെടുകയല്ലാതെ മാര്ഗമില്ലെന്നും വിശ്വാസം അഭിനയിക്കുന്നവരെ നാട് ഭയക്കണമെന്നും അദ്ദേഹം പറഞ്ഞു. സംഗമം കൊണ്ടുണ്ടായ ഏക ഗുണം ദേവസ്വം മന്ത്രിക്ക് യുപി മുഖ്യമന്ത്രിയുടെ ആശംസ വായിക്കാനായി എന്നത് മാത്രമാണ് എന്നും കെസി പരിഹസിച്ചു. അയ്യപ്പ സ്വാമിയെ രാഷ്ട്രീയ നേട്ടത്തിന്റെ വേദി ആക്കരുതെന്നും അദ്ദേഹം പറഞ്ഞു. അതേസമയം ആഗോള അയ്യപ്പ സംഗമം നടത്തിയത് ജോത്സ്യരുടെ നിര്ദേശപ്രകാരമാണെന്നും അയ്യപ്പകോപം മാറ്റാന് പരിഹാരം തേടിയാണ് ഗോവിന്ദന് മാസ്റ്റര് ജ്യോത്സ്യരെ കണ്ടതെന്നും എംകെ രാഘവന് എംപി ആരോപിച്ചു.
പ്രധാനമന്ത്രി സെപ്റ്റംബർ 22ന് അരുണാചൽ പ്രദേശും ത്രിപുരയും സന്ദർശിക്കും
ഇറ്റാനഗറിൽ 5100 കോടിയിലധികം രൂപയുടെ വിവിധ വികസന പദ്ധതികൾക്ക് അദ്ദേഹം തറക്കല്ലിടുകയും പൊതുചടങ്ങിൽ പ്രസംഗിക്കുകയും ചെയ്യും. തുടർന്ന്, അദ്ദേഹം ത്രിപുര സന്ദർശിക്കുകയും മാതാബാരിയിലെ 'മാതാ ത്രിപുരസുന്ദരി ക്ഷേത്രസമുച്ചയ'ത്തിൽ പൂജയും ദർശനവും നടത്തുകയും ചെയ്യും. വികസന പ്രവർത്തനങ്ങളും അദ്ദേഹം ഉദ്ഘാടനം ചെയ്യും.
ഒന്നാം ക്ലാസുകാരിയെ പീഡിപ്പിച്ചു; യുവാവിനായി തിരച്ചിൽ
കളമശേരിയിൽ ഒന്നാം ക്ലാസുകാരിയെ പലതവണ പീഡിപ്പിച്ചെന്ന പരാതിയിൽ അയൽവാസിയായ യുവാവിനായി തിരച്ചിൽ ഊർജിതമാക്കി പോലീസ്. 4 മാസത്തിൽ പല തവണ കുട്ടിയെ പീഡനത്തിന് ഇരയാക്കിയെന്നാണ് പരാതിയിൽ പറയുന്നത്. ശാരീരിക അസ്വസ്ഥതകൾ പ്രകടിപ്പിച്ച കുട്ടിയെ ഡോക്ടറെ കാണിച്ചപ്പോഴാണ് പീഡന വിവരം പുറത്തറിഞ്ഞത്.
സ്വർണ്ണപ്പാളികൾ തിരികെ സന്നിധാനത്ത് എത്തിച്ചു
ശബരിമല ദ്വാരപാലക ശില്പങ്ങളുടെ സ്വർണ്ണപ്പാളികൾ തിരികെ സന്നിധാനത്ത് എത്തിച്ചു. കോടതിയുടെ അനുമതി ലഭിക്കുന്നത് വരെ ഇത് സ്ട്രോങ് റൂമിൽ സൂക്ഷിക്കും. സ്വർണപ്പാളി ചെന്നൈയിലേകക് കൊണ്ട് പോയത് വിവാദമാകുകയും കോടതി അന്വേഷണം പ്രഖ്യാപിക്കുകയും ചെയ്തിരുന്നു.
നാളെ രണ്ട് ജില്ലകളിൽ യെല്ലോ അലർട്ട്
കണ്ണൂർ, കാസറഗോഡ്
എന്നീ ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.
മോദിയുടെ അമ്മയെ ആർജെഡി അധിക്ഷേപിച്ചെന്ന് ബിജെപി; ബിഹാറിൽ വീണ്ടും വിവാദം
തേജസ്വി യാദവിന്റെ റാലിയിൽ വെച്ച് മോദിയുടെ മാതാവായ അന്തരിച്ച ഹീര ബെന്നിനെ അധിക്ഷേപിച്ചുവെന്നാണ് ബിജെപി ആരോപണം. തിരഞ്ഞെടുപ്പ് റാലിയിലെ ഹീര ബെന്നിനെതിരെ അധിക്ഷേപ മുദ്രാവാക്യം വിളിച്ചുവെന്നാണ് ബിജെപി ആരോപിച്ചത്. ആർജെഡി പ്രവർത്തകന്റെ വീഡിയോയും ബിജെപി പങ്കുവെച്ചു. എന്നാൽ വീഡിയോ കൃത്രിമമാണെന്നും ആർജെഡിയെ അപമാനിക്കാനുള്ള ബിജെപിയുടെ ശ്രമത്തിന്റെ ഭാഗമാണ് ആരോപണമെന്നും ആർജെഡി പറഞ്ഞു.
READ MORE
More From
-
പാചകവാതക വിലയിൽ വൻ വർധനവ്; സാധാരണക്കാർക്ക് ഇരുട്ടടി! പുതുക്കിയ നിരക്കുകൾ ഇങ്ങനെ -
കേരളത്തിൽ ഭരണമാറ്റം വരുന്നു? തെക്കൻ കേരളത്തിലും യുഡിഎഫ് മുന്നേറ്റം, ബിജെപിക്ക് സീറ്റ് കിട്ടും, പ്രവചനം -
'രഞ്ജിത്ത് തന്റെ സിനിമയിലെ സ്ത്രീ വിരുദ്ധത നിത്യ ജീവിതത്തിലും പ്രായോഗികവൽക്കരിക്കുന്നു'; ഡോ. ബിജു -
സ്വര്ണവില കുതിച്ചുകയറി; ഇനി വന് മുന്നേറ്റം, ഒരു പവന് ആഭരണത്തിന് 1.20 ലക്ഷം രൂപ, ഗ്രാം വില അറിയാം -
എൽഡിഎഫും യുഡിഎഫും ഞെട്ടും, ബിജെപി കേരളത്തിൽ കുതിക്കും? സർവ്വേ ഫലം ഇങ്ങനെ -
സ്വര്ണം പിടിവിടുന്നു; വൈകീട്ട് വന് വില വര്ധന, ഇന്ന് 2 തവണ ഉയര്ന്നു, പുതിയ പവന് വില അറിയാം -
ഇറാനെതിരായ യുദ്ധത്തില് യുഎസ് പിന്മാറുകയാണെന്ന് ട്രംപ്; 'ആവശ്യമെങ്കില് മടങ്ങിയെത്തും' -
ഇറാനിൽ പ്രസിഡന്റ് വെറും ഡമ്മി? അധികാരം റെവല്യൂഷണറി ഗാർഡ് പിടിച്ചെടുത്തു, മൊജ്തബയും ഇരുട്ടിൽ -
സുരേഷ് ഗോപി വിചാരണ നേരിടണം; തൃശൂര് എംപി സ്ഥാനം തെറിക്കുമോ? പരാതി ഇങ്ങനെ -
മാളവ്യ രാജയോഗം ചിലരുടെ ജീവിതം മാറ്റി മറിക്കും; ഈ രാശിക്കാരുടെ വിവാഹം നടക്കും, സമ്പത്തിൽ ആറാടും..! -
ശത്രുക്കള് വര്ദ്ധിക്കും, ഗൂഢതന്ത്രങ്ങള് മുഖേന കേസിൽപ്പെടാം, നിലവിലുള്ള ജോലിയില് തുടരാനാകില്ല, നാൾഫലം -
ജോലി പോയത് 30000 പേര്ക്ക്; കൂട്ടപ്പിരിച്ചുവിടലുമായി ഒറാക്കിള്, മെയില് വന്നത് അതിരാവിലെ
Click it and Unblock the Notifications
Sign in with Google