ലഡാക്കിലും 'ജെൻ സി' പ്രക്ഷോഭം; അതീവ ജാഗ്രത..ഡി രാജ തന്നെ സിപിഐയെ നയിക്കും..പ്രധാന വാർത്തകൾ
സംസ്ഥാന പദവിയും സ്വയംഭരണവും അവകാശപ്പെട്ടുകൊണ്ടുളള പ്രതിഷേധം അക്രമാസക്തമായ സാഹചര്യത്തിൽ ലഡാക്കിൽ അതീവ ജാഗ്രത. പോലീസ് വെടിവെയ്പ്പിൽ ഇന്നലെ 4 പേർ കൊല്ലപ്പെട്ടിരുന്നു. ആത്മരക്ഷാർഥമാണ് പോലിസ് വെടിവെച്ചതെന്നാണ് ആഭ്യന്തര ലഡാക് വിഷയത്തിൽ ഒക്ടോബർ ആറ് കേന്ദ്രം ചർച്ച നടത്താനിരിക്കെയാണ് പ്രതിഷേധം ആളിക്കത്തിയത്. . അറബ് വസന്തവും നേപ്പാളിലെ ജെൻ സി പ്രതിഷേധവും ഉയർത്തി വാങ്ങ് ചുക് നടത്തിയ പരാമർശങ്ങളാണ് സംഘർഷത്തിന് കാരണമെന്നാണ് കേന്ദ്രത്തിന്റെ നിലപാട്. എന്നാൽ അസ്വസ്ഥരും നിരാശരുമായ ജെൻ സികളാണ് പ്രക്ഷോഭം നടത്തിയതെന്നാണ് വാർത്താസമ്മേളനത്തിൽ വാങ് ചുക് പ്രതികരിച്ചത്.
അതിനിടെ സിപിഐ ജനറൽ സെക്രട്ടറിയായി ഡി രാജ തന്നെ തുടരാൻ ധാരണയായി. കേന്ദ്ര സെക്രട്ടേറിയറ്റിൽ ഡി രാജയ്ക്ക് മാത്രം പ്രായ പരിധിയിൽ ഇളവ് നൽകാൻ തീരുമാനിച്ചതായി കേന്ദ്ര സെക്രട്ടേറിയറ്റ് അംഗം ഡോ. കെ നാരായണ പറഞ്ഞു.ഔദ്യോഗിക പ്രഖ്യാപനം ഇന്ന് ഉണ്ടാകും. മറ്റ് പ്രധാന വാർത്തകൾ കൂടി അറിയാം
ഐപിഎസ് തലപ്പത്ത് വൻ അഴിച്ചുപണി. യോഗേഷ് ഗുപ്തയെ ഫയർഫോഴ്സിൽ നിന്ന് മാറ്റി. റോഡ് സേഫ്റ്റി കമ്മീഷണറായിട്ടാണ് പുതിയ നിയമനം. നിധിൻ അഗർവാളാണ് പുതിയ ഫയർഫോഴ്സ് മേധാവി. വനിത എസ്ഐമാരോട് മോശമായി പെരുമാറിയെന്ന ആരോപണത്തിൽ ഉൾപ്പെട്ട എസ്പി വി ജി വിനോദ് കുമാറിനും മാറ്റമുണ്ട്. ക്രമസമാധാന ചുമതലയുള്ള എഡിജിപിയുടെ ഓഫീസിൽ എഐജി സ്ഥാനത്ത് നിന്നും ഇൻഫോർമേഷൻ കമ്മ്യൂണിക്കേഷൻ വിഭാഗത്തിലേക്കാണ് വിനോദ് കുമാറിനെ മാറ്റിയിരിക്കുന്നത്.
കെഎം ഷാജഹാനെ അറസ്റ്റ് ചെയ്ത് പൊലീസ്. സിപിഎം നേതാവ് കെ ജെ ഷൈനെതിരായ സൈബര് ആക്രമണം സംബന്ധിച്ച പരാതിയിലാണ് അറസ്റ്റ്. ഷൈൻ നൽകിയ കേസിനെ കുറിച്ച് ഷാജഹാന് അധിക്ഷേ പരാമർശം നടത്തിയിരുന്നു. പുതിയ വീഡിയോയുടെ പേരിലാണ് ഷാജഹാന്റെ അറസ്റ്റ്. കെ ജെ ഷൈനിന്റെ പേര് പറഞ്ഞ് ഷാജഹാൻ വീണ്ടും അധിക്ഷേ പരാമർശം നടത്തുകയായിരുന്നു.
ലഡാക് സംഘർഷത്തിന് പിന്നാലെ പരിസ്ഥിതി പ്രവർത്തകൻ സോനം വാങ്ചുക്കിന്റെ സ്ഥാപനത്തിന് എതിരെ അന്വേഷണം തുടങ്ങി സിബിഐ. എച്ച് ഐ എ എൽ അഥവാ ഹിമാലയൻ ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് ലേണിങ് അഥവാ HIAL വിദേശസംഭാവനനിയന്ത്രണനിയമം തെറ്റിച്ചെന്ന ആരോപണത്തിലാണ് അന്വേഷണം. കഴിഞ്ഞ മാസം സ്ഥാപനത്തിന് ഭൂമി നൽകിയ നടപടി ലഡാക്ക് ഭരണകൂടം റദ്ദാക്കിയിരുന്നു.
വാങ്ചുക്കിന്റെ പാകിസ്ഥാൻ സന്ദർശനവും അന്വേഷണവിഷയമാണ്. ഇക്കഴിഞ്ഞ ഫെബ്രുവരിയിലാണ് വാങ്ചുക്ക് പാകിസ്ഥാൻ സന്ദർശിച്ചത്. അതോടൊപ്പം തന്നെ എൻജിഒയുടെ FCRA ലൈസൻസ് ആഭ്യന്തരമന്ത്രാലയം റദ്ദാക്കിയിട്ടുമുട്ട്
മുവാറ്റുപുഴ ഒളിമ്പ്യൻ ചന്ദ്രശേഖരൻ നായർ ഇൻഡോർ സ്റ്റേഡിയം നിർമ്മാണം പൂർത്തിയായി മൂന്ന് മാസത്തിനുള്ളിൽ നാടിനു സമർപ്പിക്കുമെന്ന് കായിക വകുപ്പ് മന്ത്രി വി അബ്ദുറഹിമാൻ . 42 കോടി രൂപ മുതൽമുടക്കിൽ നിർമ്മാണം പുരോഗമിക്കുന്ന സ്റ്റേഡിയത്തിന്റെ നിർമ്മാണ പ്രവർത്തനങ്ങൾ അവസാന ഘട്ടത്തിലാണെന്നും അദ്ദേഹം പറഞ്ഞു.
വീണ്ടും ബാബറി മസ്ജിദ്
ബാബറി മസ്ജിദ് വിഷയത്തില് വിവാദ പരാമർശവുമായി മുന് ചീഫ് ജസ്റ്റിസ് ഡിവൈ ചന്ദ്രചൂഡ്. ബാബറി മസ്ജിദിന്റെ നിര്മാണം ക്ഷേത്രം പൊളിച്ചാണ് എന്നതിന് തെളിവുണ്ട്. ഹിന്ദുക്കൾ അവിടെ ആരാധന നടത്തിയിരുന്നു എന്നതിന് പുരാവസ്തു വകുപ്പിന്റെ തെളിവുകൾ ഉണ്ടെന്നും ചന്ദ്രചൂഡ് അഭിപ്രായപ്പെട്ടു.
തിരുവനന്തപുരത്ത് രണ്ടേ മുക്കാൽ വയസുള്ള കുഞ്ഞിന്റെ മുഖത്ത് കൈവീശി അടിച്ച് അങ്കണവാടി ടീച്ചർ. മൊട്ടമൂട് പറമ്പുക്കോണത്ത് പ്രവർത്തിക്കുന്ന അങ്കണവാടിയിലെ ടീച്ചർ പുഷ്പകല ആണ് കുഞ്ഞിനെ മർദിച്ചത്. ഇന്നലെ വൈകീട്ട് കുഞ്ഞിനെ കുളിപ്പിക്കുമ്പോഴായിരുന്നു മുഖത്ത് മർദനമേറ്റ പാടുകൾ അമ്മ കണ്ടത്. ഇതോടെയാണ് ക്രൂരത പുറത്ത് വന്നത്. അങ്കണവാടി ടീച്ചർക്കെതിരെ പൊലീസ് കേസ് എടുത്തിട്ടുണ്ട്.
ഇക്കഴിഞ്ഞ മഹാരാഷ്ട്ര നിയമസഭാ തിരഞ്ഞെടുപ്പിൽ നടന്ന ക്രമക്കേടുകൾ സംബന്ധിച്ച് തിരഞ്ഞെടുപ്പ് കമ്മീഷന്റെ പ്രവർത്തനത്തിലെ പോരായ്മകൾ പുറത്തുകൊണ്ടുവരാൻ രാഹുൽ ഗാന്ധിയെപ്പോലെ വെളിപ്പെടുത്തൽ നടത്തുമെന്ന് ഉദ്ധവ് സേന എംപി ആദിത്യ താക്കറെ. സർജിക്കൽ സ്ട്രൈക്കുകളുടെ സമയം ഞങ്ങൾക്ക് വെളിപ്പെടുത്താൻ കഴിയില്ല എന്നായിരുന്നു എപ്പോഴാണ് ഈ വെളിപ്പെടുത്തലിന്റെ സമയം എന്ന ചോദ്യത്തിന് അദ്ദേഹം നൽകിയ മറുപടി.
'കഴിഞ്ഞ വർഷത്തെ തിരഞ്ഞെടുപ്പിന് മുമ്പ് തന്നെ വോട്ടർമാരുടെ എണ്ണത്തിൽ ഉണ്ടായ പെട്ടെന്നുള്ള വർധനവ്, വോട്ടർമാരെ കാണാതായത്, ബൂത്തുകൾ തെറ്റായി കൈകാര്യം ചെയ്തത് എന്നിവയെക്കുറിച്ച് ഞങ്ങൾ തിരഞ്ഞെടുപ്പ് കമ്മീഷന് കത്തെഴുതിയിരുന്നു. ഞങ്ങൾ ഉടനെ ഒരു പത്രസമ്മേളനം നടത്തും' ആദിത്യ താക്കറെ അറിയിച്ചു.
ഈ വർഷത്തെ വയോസേവന അവാർഡുകൾ ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ ആർ ബിന്ദു പ്രഖ്യാപിച്ചു. മലയാളത്തിന്റെ ആദ്യകാല ലേഡി സൂപ്പർ സ്റ്റാറും നിത്യഹരിത നായികയുമായ ഷീലയെയും പ്രശസ്ത ഗായിക പി കെ മേദിനിയെയും ആജീവനാന്ത സംഭാവനയ്ക്കുള്ള പുരസ്ക്കാരങ്ങൾക്ക് തിരഞ്ഞെടുത്തു. ഒരു ലക്ഷം രൂപ വീതമാണ് ആജീവനാന്ത സംഭാവനയ്ക്കുള്ള പുരസ്കാരത്തുക. വയോജനക്ഷേമ പ്രവർത്തനങ്ങളിലെ ഈടുറ്റ സംഭാവനകൾക്ക് വയോജന കമ്മീഷൻ അംഗം കൂടിയായ ശ്രീ. അമരവിള രാമകൃഷ്ണനെ പ്രത്യേകാദരത്തിന് തിരഞ്ഞെടുത്തതായും മന്ത്രി ഡോ. ബിന്ദു പറഞ്ഞു.
തെക്കന് കൊല്ക്കത്തയിലെ നാല് നില കെട്ടിടത്തില് തീപിടിത്തം. മുകളിലത്തെ നിലയിലുള്ള ബ്ലൂ ചെറി ഗസ്റ്റ് ഹൗസില് നിന്നാണ് തീ പടര്ന്നത്. ഉച്ചയ്ക്ക് 1 മണിയോടെയാണ് തീപിടുത്തം ആദ്യം റിപ്പോര്ട്ട് ചെയ്തത്. മൂന്ന് അഗ്നിരക്ഷാസമന സേനാ യൂണിറ്റുകള് സംഭവസ്ഥലത്തെത്തി തീ അണയ്ക്കാന് ശ്രമിച്ച് കൊണ്ടിരിക്കുകയാണ്. ആളപായമൊന്നും റിപ്പോര്ട്ട് ചെയ്തിട്ടില്ല.
രാജിവെച്ച് നാസര് ഫൈസി കൂടത്തായി
സമസ്ത ജംഇയ്യത്തുല് ഖുത്വബ ജനറല് സെക്രട്ടറി സ്ഥാനത്ത് നിന്നും നാസര് ഫൈസി കൂടത്തായി രാജി വെച്ചുസമസ്ത ജംഇയ്യത്തുല് ഖുത്വബ ജനറല് സെക്രട്ടറി സ്ഥാനത്ത് നിന്നും നാസര് ഫൈസി കൂടത്തായി രാജി വെച്ചു.സമസ്ത നേതാക്കളെ അപമാനിച്ച് നാസര് ഫൈസി പ്രസ്താവന നടത്തുന്നുവെന്ന് സമസ്ത ജംഇയ്യത്തുല് ഖുത്വബ സംസ്ഥാന പ്രവര്ത്തക സമതിയില് അവിശ്വാസ പ്രമേയം കൊണ്ടുവന്നിരുന്നു. ഇത് സംബന്ധിച്ച് യോഗത്തിൽ ചർച്ച നടന്നതിന് പിന്നാലെയാണ് രാജി.
സിപിഎമ്മിന് മറുപടിയുമായി ഷാഫി പറമ്പിൽ
തനിക്കെതിരെ പാലക്കാട് സിപിഎം ജില്ലാ സെക്രട്ടറി സുരേഷ് ബാബു നടത്തിയത് ആരോപണമല്ല മറിച്ച് അധിക്ഷേപമാണെന്ന് ഷാഫി പറമ്പിൽ. ഈ ആരോപണങ്ങൾക്കൊന്നും മറുപടി പോലും അർഹിക്കുന്നില്ല. ഇതാണോ സിപിഎമ്മിൻ്റെ 2026ലെ തെരഞ്ഞെടുപ്പ് തന്ത്രമെന്ന് അവരുടെ നേതാക്കൻമാർ വ്യക്തമാക്കണം. ഇതാണോ സിപിഎമ്മിൻ്റെ രാഷ്ട്രീയം. ഒരു ജില്ലാ സെക്രട്ടറിയെക്കൊണ്ട് ഇങ്ങനെയൊക്കെ സംസാരിപ്പിക്കലാണോ തെരഞ്ഞെടുപ്പിലേക്ക് സിപിഎം ഒരുക്കിവെയ്ക്കുന്ന മാനിഫെസ്റ്റോ, സിപിഎം നേതൃത്വമാണ് ഇതിന് മറുപടി പറയേണ്ടത്. ജനങ്ങളുടെ മുന്നിൽ മറ്റൊന്നും പറഞ്ഞ് പിടിച്ച് നിൽക്കാൻ പറ്റാത്തതിനാലാണോ ഇങ്ങനെ വ്യക്തിഹത്യ നടത്തിയും അധിക്ഷേപിച്ചും പ്രതികരിക്കുന്നത്. തിരഞ്ഞെടുപ്പ് അടുക്കുമ്പോൾ ഇത്തരം ചർച്ചകളിലേക്ക് കാര്യങ്ങൾ മാറ്റണമെന്നായിരിക്കും അവർ ആഗ്രഹിക്കുന്നത്', ഷാഫി പറമ്പിൽ പറഞ്ഞു.
ഷാഫി പറമ്പിലിനെതിരെ ആരോപണവുമായി സിപിഎം
ഷാഫി പറമ്പിൽ എംപിയ്ക്കെതിരേ ഗുരുതര ആരോപണവുമായി സിപിഎം പാലക്കാട് ജില്ലാ സെക്രട്ടറി ഇഎൻ സുരേഷ് ബാബു.നല്ലൊരാളെ കണ്ടാൽ ബെംഗളൂരു ട്രിപ്പ് അടിക്കാമോ എന്നാണ് രാഹുൽ മാങ്കൂട്ടത്തിലിന്റെ ‘ഹെഡ്മാസ്റ്റർ’ ആയ ആൾ ചോദിക്കുന്നതെന്നാണ് സുരേഷ് ബാബു ആരോപിച്ചത്. രാഹുലിനെ പത്തനംതിട്ടയിൽ നിന്ന് ക്ഷണിച്ചു കൊണ്ടുവന്ന ഷാഫി പറമ്പിൽ ആണ് ഇയാളുടെ ഹെഡ്മാഷെന്നും സുരേഷ് ബാബു പറഞ്ഞു. രാഹുലിന് സാധാരണ കാണാത്ത ആവേശകരമായ സ്വീകരണം കൊടുക്കുന്ന കാഴ്ചയാണ് പാലക്കാട് കണ്ടത്.വനിതകളെ ഇത്രത്തോളം അതിക്രൂരമായി ലൈംഗികാതിക്രമം നടത്തിയ ഒരാൾക്ക് എങ്ങനെയാണ് മണ്ഡലത്തിലെ ജനങ്ങളെ അഭിമുഖീകരിക്കാനാകുകയെന്നും സുരേഷ് ബാബു ചോദിച്ചു.
വയനാട് ഡിസിസി പ്രസിഡന്റ് രാജിവെച്ചു
വയനാട് ഡിസിസി പ്രസിഡന്റ് എൻ ഡി അപ്പച്ചൻ രാജിവെച്ചു. ജില്ലാ ഘടകത്തിലെ കടുത്ത വിഭാഗീയതക്കിടെയാണ് രാജി. ട്രഷറർ ആയിരുന്ന എൻഎം വിജയൻ്റെ മരണം, പ്രിയങ്കഗാന്ധിയുടെ സന്ദർശനവുമായി ബന്ധപ്പെട്ട് നടത്തിയ പരാമർശം തുടങ്ങി നിരവധി വിവാദങ്ങളാണ് വയനാട് കോൺഗ്രസ് ഘടകത്തിൽ ഉണ്ടായത്. അതിനെല്ലാം പിന്നാലെയാണ് അപ്പച്ചന്റെ രാജി. രാജി സ്വീകരിച്ചെന്ന് കെപിസിസി അധ്യക്ഷൻ സണ്ണി ജോസഫ് അറിയിച്ചിട്ടുണ്ട്.
മോദി-ട്രംപ് കൂടിക്കാഴ്ച ഉടൻ?
പ്രധാനമന്ത്രി നരേന്ദ്ര മോദിയും യുഎസ് പ്രസിഡന്റ് ഡൊണാൾഡ് ട്രംപും തമ്മിൽ കൂടിക്കാഴ്ച നടത്തിയേക്കുമെന്ന് സൂചന. യുഎസ് ഉദ്യോഗസ്ഥനെ ഉദ്ധരിച്ചാണ് റിപ്പോർട്ട്. ഇരുവരും നല്ല ബന്ധം കാത്ത് സൂക്ഷിക്കുന്നവരാണെന്നും ഉടൻ കൂടിക്കാഴ്ച നടത്തുന്നത് കാണാൻ സാധിക്കുമെന്നും അദ്ദേഹം പറഞ്ഞു. ഇന്ത്യയുമായുള്ള വ്യാപാര, വിസ വിഷയങ്ങളിലെ ചില പ്രശ്നങ്ങൾക്കിടയിലും, പ്രധാനമന്ത്രി മോദിയെ ട്രംപ് 'നല്ല സുഹൃത്ത്' എന്നാണ് വിശേഷിപ്പിച്ചത്. ന്യൂഡൽഹിയുമായുള്ള ബന്ധം 'വളരെ സവിശേഷമാണെന്നും' ട്രംപ് അഭിപ്രായപ്പെട്ടിരുന്നു. പ്രധാനമന്ത്രി മോദിയുടെ 75-ാം ജന്മദിനത്തിൽ ട്രംപ് അദ്ദേഹത്തെ വിളിച്ച് ആശംസകൾ അറിയിച്ചിരുന്നു. "അദ്ദേഹം മികച്ച രീതിയിലാണ് കാര്യങ്ങൾ ചെയ്യുന്നത്" എന്നായിരുന്നു ട്രംപിന്റെ അഭിനന്ദനം.
കേരളം കടമെടുപ്പിൽ അപകടകരമായ അവസ്ഥയിലല്ല; ധനമന്ത്രി
കേരളം കടമെടുപ്പിൽ അപകടകരമായ അവസ്ഥയിലല്ലെന്ന് ധനമന്ത്രി കെ എൻ ബാലഗോപാൽ. കടവും മൊത്ത ആഭ്യന്തര ഉത്പാദനവുമായുള്ള അനുപാത (Debt to GSDP ratio) ത്തിൻ്റെ അടിസ്ഥാനത്തിലുള്ള റാങ്കിങിൽ രാജ്യത്ത് പതിനഞ്ചാമത് മാത്രമാണ് കേരളം. എന്നുമാത്രവുമല്ല വരുമാനക്കമ്മി കുറച്ചു കൊണ്ടുവരുന്ന സംസ്ഥാനങ്ങളുടെ മുൻനിരയിലും കേരളമുണ്ട്. ചുരുക്കിപ്പറഞ്ഞാൽ സംസ്ഥാനത്തിന്റെ കടം കുറയുകയാണ്.
കേരളം വലിയ കടക്കെണിയിലാണെന്ന തരത്തിലുള്ള വ്യാപകമായ വ്യാജ പ്രചാരണങ്ങൾക്കുള്ള മറുപടിയാണ് ഇപ്പോൾ പുറത്ത് വന്നിരിക്കുന്ന സി& എജി റിപ്പോർട്ട്.
ചാനൽ ചർച്ചകൾ മുതൽ വാട്സാപ്പ് ഗ്രൂപ്പുകളിൽ വരെ പ്രത്യക്ഷപ്പെടുന്ന വിദഗ്ദാഭിപ്രായങ്ങൾക്ക് വിരുദ്ധമായ ഈ വാർത്ത ഇന്നത്തെ മലയാള മനോരമ ദിനപ്പത്രത്തിലും പ്രസിദ്ധീകരിച്ചിട്ടുണ്ട്. കുറച്ചു മാസങ്ങൾ മുൻപ് "നവകേരള കടം" എന്ന് തലക്കെട്ടെഴുതിയ മലയാള മനോരമ തന്നെ ശരിയായ കണക്കുകൾ സഹിതം വാർത്ത കൊടുത്തത് സ്വാഗതാർഹമാണെന്നും.
മന്ത്രി പറഞ്ഞു.
എംഎസ്സി എൽസ-3 കപ്പൽ അപകടം; 1262.6 കോടിയുടെ നഷ്ടപരിഹാരം നൽകണമെന്ന് ഹൈക്കോടതി
എംഎസ്സി എൽസ-3 കപ്പൽ മുങ്ങിയതുമായി ബന്ധപ്പെട്ട പരിസ്ഥിതിനാശത്തിന് 1262.6 കോടിയുടെ നഷ്ടപരിഹാരം നൽകാൻ ഉത്തരവിട്ട് ഹൈക്കോടതി. മുങ്ങിയ കപ്പലിൽനിന്ന് എണ്ണ ചോരുകയും കണ്ടെയ്നറുകളിലെ രാസ വസ്തുക്കളടക്കം സമുദ്രത്തിൽ കലരുകയും ചെയ്തിരുന്നു. തുടർന്ന് കപ്പൽ കമ്പനിയിൽ നിന്നും 9531 കോടി രൂപയുടെ നഷ്ടപരിഹാരമാണ് സർക്കാർ ആവശ്യപ്പെട്ടത്.എന്നാൽ, സർക്കാർ ആവശ്യപ്പെടുന്ന തുക യാഥാർത്ഥ്യത്തിന് നിരക്കുന്നതല്ലെന്നായിരുന്നു കപ്പൽ കമ്പനിയുടെ വാദം.
അഗ്നി-പ്രൈം മിസൈൽ പരീക്ഷണം വിജയകരം
അഗ്നി-പ്രൈം മിസൈൽ പരീക്ഷിച്ച് ഇന്ത്യ.പ്രതിരോധ മന്ത്രി രാജ്നാഥ് സിംഗ് ആണ് ഇക്കാര്യം അറിയിച്ചത്.പ്രത്യേകമായി രൂപകൽപ്പന ചെയ്ത റെയിൽ അധിഷ്ഠിത മൊബൈൽ ലോഞ്ചറിൽ നിന്നാണ് മിസൈൽ വിക്ഷേപിച്ചത്. പുതിയ സാങ്കേതിക വിദ്യകളാൽ സമ്പന്നമായ ഈ മിസൈലിന് 2,000 കിലോമീറ്റർ ദൂരപരിധിയുണ്ട്. നിരവധി നൂതന സവിശേഷതകളോടുകൂടിയാണ് ഈ മിസൈൽ രൂപകൽപ്പന ചെയ്തിരിക്കുന്നത്.
യാതൊരു മുന്നൊരുക്കങ്ങളുമില്ലാതെ റെയിൽ ശൃംഖലയിലൂടെ സഞ്ചരിക്കാൻ ഈ ലോഞ്ചറിന് കഴിയും.
ലഡാക് സംഘർഷം; കോൺഗ്രസ് കൗൺസിലർക്കെതിരെ കേസെടുത്ത് പോലീസ്
ലഡാക്കിൽ ഇന്നലെ നടന്ന അക്രമാസക്തമായ സംഭവങ്ങളിൽ കോൺഗ്രസ് കൗൺസിലർ ഫുൻസോഗ് സ്റ്റാൻസിൻ സെപാഗിനെതിരെ കേസെടുത്ത് പോലീസ്. ലഡാക്കിലെ സംഘർഷങ്ങളിൽ കോൺഗ്രസിനെതിരെ ബിജെപി ആരോപണം ഉയർത്തിയിരുന്നു. ഇതിന് പിന്നാലെയാണ് നടപടി. അതേസമയം സംഘർഷങ്ങൾക്ക് പിന്നാലെ ലേ ലേ ജില്ലയിൽ കർഫ്യൂ പ്രഖ്യാപിച്ചിരിക്കുകയാണ്. ക്രമസമാധാനം ഉറപ്പാക്കാൻ ഇൻഡോ-ടിബറ്റൻ ബോർഡർ പോലീസ്, സിആർപിഎഫ്, പ്രാദേശിക പോലീസ് എന്നിവരെ വിന്യസിച്ചു.
ലഡാക്കിന് സംസ്ഥാന പദവിയും ഭരണഘടനാപരമായ സംരക്ഷണവും ആവശ്യപ്പെട്ടാണ് പ്രതിഷേധം നടന്നത്.
കാലാവസ്ഥാ പ്രവർത്തകൻ സോനം വാങ്ചുക്കിന്റെ പ്രകോപനപരമായ പ്രസംഗങ്ങളാണ് അക്രമണങ്ങളിലേക്ക് നയിച്ചതെന്നാണ് കേന്ദ്രസർക്കാർ ആരോപിക്കുന്നത്. ഈ അക്രമങ്ങളിൽ കുറഞ്ഞത് നാല് പ്രതിഷേധക്കാർ മരണപ്പെടുകയും 90 പേർക്ക് പരിക്കേൽക്കുകയും ചെയ്തിരുന്നു.
ലഡാകിലെ സംഘർഷത്തിന് കാരണം ബിജെപി വാഗ്ദാനങ്ങളിൽ നിന്നും പിൻമാറിയത്; വാങ് ചുക്
ലാഡാക്കിലെ സംഘർഷങ്ങൾക്ക് കാരണം ബി.ജെ.പി 2020-ൽ നൽകിയ വാഗ്ദാനങ്ങളിൽ നിന്ന് പിന്നോട്ട് പോയതാണെന്ന് പരിസ്ഥിതി പ്രവർത്തകനും അവാർഡ് ജേതാവുമായ സോനം വാങ്ചുക്.വർഷങ്ങളായി പ്രദേശത്തെ യുവജനങ്ങൾക്കിടയിലുള്ള തൊഴിലില്ലായ്മയും അക്രമങ്ങൾക്ക് കാരണമായെന്ന് അദ്ദേഹം ചൂണ്ടിക്കാട്ടി.കഴിഞ്ഞ അഞ്ച് വർഷമായി തങ്ങൾ സമാധാനപരമായ നിലപാടുകൾ മാത്രമാണ് സ്വീകരിച്ചിരുന്നതെന്ന് അദ്ദേഹം വ്യക്തമാക്കി
പഹൽഗാം ഭീകരാക്രമണം; സഹായിയെ പിടികൂടി പോലീസ്
ഏപ്രിൽ 22-ന് പഹൽഗാമിലുണ്ടായ ഭീകരാക്രമണത്തിന് സഹായം നൽകിയ വ്യക്തിയെ അറസ്റ്റ് ചെയ്ത് ജമ്മു പോലീസ്. മുഹമ്മദ് കടാരിയ എന്നയാളെയാണ് അറസ്റ്റ് ചെയ്തത്. ജൂലൈയിൽ നടന്ന ഓപ്പറേഷൻ മഹാദേവ് എന്ന സൈനിക നീക്കത്തിൽ കണ്ടെടുത്ത ആയുധങ്ങളുടെയും ഉപകരണങ്ങളുടെയും ഫോറൻസിക് പരിശോധനയ്ക്ക് ശേഷമാണ് കടാരിയെ പിടികൂടിയത്. കടാരിയെ കോടതിയിൽ ഹാജരാക്കി ജുഡീഷ്യൽ കസ്റ്റഡിയിൽ വിടുമെന്ന് വൃത്തങ്ങൾ അറിയിച്ചു. ഓപ്പറേഷൻ മഹാദേവിൽ, പഹൽഗാമിന് സമീപമുള്ള ബൈസാരൻ താഴ്വരയിൽ 26 പേരെ കൊലപ്പെടുത്തിയ രണ്ട് ഭീകരരെ സുരക്ഷാ സേന കണ്ടെത്തി വധിച്ചിരുന്നു.
ഇന്ന് ഏഴ് ജില്ലകളിൽ യെല്ലോ അലർട്ട്
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് അലർട്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.
More From
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google