Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മലയാളി പെൺകുട്ടികളെ മനുഷ്യബോംബായി പോലും ഉപയോഗിക്കുന്നു! മതംമാറ്റത്തിന് പിന്നിൽ മനുഷ്യക്കടത്തെന്ന്..
തിരുവനന്തപുരം: കേരളത്തില്‍ നിര്‍ബന്ധിത മതപരിവര്‍ത്തനവും ലൗജിഹാദും നടക്കുന്നുണ്ട് എന്ന് സംഘപരിവാര്‍ ദേശീയ തലത്തില്‍ വ്യാപകമായി പ്രചരിപ്പിക്കുന്നുണ്ട്. ഹാദിയ കേസില്‍ സുപ്രീം കോടതി വിധി വരാന്‍ കാത്തുനില്‍ക്കാതെ തന്നെ അത് നിര്‍ബന്ധിത മതപരിവര്‍ത്തനമാണെന്ന് ദേശീയ വനിതാ കമ്മീഷന്‍ വരെ ഉറപ്പിച്ചുകഴിഞ്ഞു. കേരളസന്ദര്‍ശനത്തിനിടെ സംസ്ഥാനത്തെ കടന്നാക്രമിക്കുന്ന വനിതാ കമ്മീഷന്റെ നിലപാടുകള്‍ സംഘപരിവാറില്‍ നിന്നും ഒട്ടും വ്യത്യസ്തമല്ല.
മനുഷ്യ ബോംബായി പോലും ഉപയോഗിക്കുന്നു
കേരളത്തിലെ പെണ്‍കുട്ടികളെ മനുഷ്യ ബോംബായി പോലും ഉപയോഗിക്കുന്നുണ്ട് എന്നാണ് ദേശീയ വനിതാ കമ്മീഷന്‍ ആരോപിച്ചിരിക്കുന്നത്. മലയാളി പെണ്‍കുട്ടികളെ ഇത്തരത്തില്‍ ദുരുപയോഗം ചെയ്യുന്നതിനെ കുറിച്ച് തനിക്ക് ആശങ്കയുണ്ടെന്നും ദേശീയ വനിതാ കമ്മീഷന്‍ അദ്ധ്യക്ഷ രേഖാ ശര്‍മ്മ തിരുവനന്തപുരത്ത് പറഞ്ഞു.
മനുഷ്യക്കടത്തും നടക്കുന്നുണ്ട്
പെണ്‍കുട്ടികളെ നിര്‍ബന്ധിച്ച് മതംമാറ്റുക മാത്രമല്ല കേരളത്തില്‍ നടക്കുന്നത്. മറിച്ച് കേരളത്തില്‍ മനുഷ്യക്കടത്തും നടക്കുന്നുണ്ട് എന്നാണ് ദേശീയ വനിതാ കമ്മീഷന്‍ അദ്ധ്യക്ഷയുടെ ആരോപണം. മതംമാറ്റവുമായി ബന്ധപ്പെട്ട് ലഭിച്ച 11 പരാതികള്‍ ഡിജിപിക്ക് കൈമാറിയിട്ടുണ്ട് എന്നും രേഖാ ശര്‍മ്മ മാധ്യമങ്ങളോട് പറഞ്ഞു.
നീതി ലഭിക്കണം
നേരത്തെ തിരുവനന്തപുരത്ത് നിന്നും കാണാതായ നിമിഷ ഫാത്തിമയുടെ അമ്മ ബിന്ദുവിനെ രേഖാ ശര്‍മ്മ സന്ദര്‍ശിച്ചിരുന്നു. നിമിഷ ഫാത്തിമയെ കണ്ടെത്തുന്നതിന് ഒരു നടപടിയും ഉണ്ടായിട്ടില്ലെന്ന് ബിന്ദു വനിതാ കമ്മീഷനെ അറിയിച്ചു. തനിക്ക് നീതി ലഭിക്കണമെന്നും ബിന്ദു വനിതാ കമ്മീഷനോട് ആവശ്യപ്പെട്ടു.
ഹാദിയയുടെ വീട്ടില്‍
വൈക്കത്തെ ഹാദിയയുടെ വീട്ടില്‍ നേരത്തെ ദേശീയ വനിതാ കമ്മീഷന്‍ സന്ദര്‍ശനം നടത്തിയിരുന്നു. ഹാദിയയുടേത് ലൗ ജിഹാദ് അല്ലെന്നും നിര്‍ബന്ധിത മതപരിവര്‍ത്തനമാണ് എന്നുമാണ് രേഖാ ശര്‍മ്മ പിന്നീട് പ്രതികരിച്ചത്. ഹാദിയയുമായി നടത്തിയ കൂടിക്കാഴ്ചയുടെ റിപ്പോര്‍ട്ട് തിങ്കളാഴ്ച സമര്‍പ്പിക്കുമെന്നും രേഖാ ശര്‍മ്മ വ്യക്തമാക്കിയിരുന്നു.
നിർബന്ധിത മതപരിവർത്തനം
കേരളത്തിൽ നിർബന്ധിത മതപരിവർത്തനം നടക്കുന്നുണ്ട് എന്ന ആരോപണം നിഷേധിച്ച് സംസ്ഥാന വനിതാ കമ്മീഷൻ അദ്ധ്യക്ഷ എംസി ജോസഫൈന്‍ രംഗത്തെത്തി. കേരളത്തെക്കുറിച്ച് വ്യക്തമായി മനസ്സിലാക്കാതെയാണ് ദേശീയ വനിതാ കമ്മീഷന്‍ അധ്യക്ഷയുടെ പരാമര്‍ശം എന്ന് എംസി ജോസഫൈന്‍ വിമര്‍ശനം ഉന്നയിച്ചു. ദേശീയ തലത്തില്‍ കേരളത്തെ താഴ്ത്തിക്കെട്ടാനാണ് വനിതാ കമ്മീഷന്‍ അധ്യക്ഷ ശ്രമിക്കുന്നതെന്നും ജോസഫൈന്‍ പറഞ്ഞു.
പിന്നില്‍ തീവ്രവാദ ഗ്രൂപ്പുകള്‍
എംസി ജോസഫൈന്റെ പരാമര്‍ശത്തിന് മറുപടിയായി സംസ്ഥാനത്ത് നിര്‍ബന്ധിത മതപരിവര്‍ത്തനം നടക്കുന്നുണ്ട് എന്ന് ആവര്‍ത്തിച്ച് പറയുകയുണ്ടായി ദേശീയ വനിതാ കമ്മീഷന്‍ . മതം മാറ്റത്തിന് പിന്നില്‍ തീവ്രവാദ ഗ്രൂപ്പുകള്‍ പ്രവര്‍ത്തിക്കുന്നുണ്ട് എന്നും രേഖ ശര്‍മ്മ കോഴിക്കോട് വാര്‍ത്താ സമ്മേളനത്തില്‍ ആരോപിച്ചിരുന്നു. പല മതംമാറ്റങ്ങളും നടക്കുന്നത് മറ്റൊരു മതത്തോടുള്ള സ്‌നേഹം കൊണ്ടല്ല. നിര്‍ബന്ധിത മതപരിവര്‍ത്തനത്തിന് എതിരെ കേരളത്തിലെ സര്‍ക്കാര്‍ നടപടിയെടുക്കണമെന്നും ദേശീയ വനിതാ കമ്മീഷന്‍ ആവശ്യപ്പെട്ടു.
സന്ദര്‍ശിച്ചതിന് പിന്നില്‍ രാഷ്ട്രീയം
അതേസമയം രേഖാ ശര്‍മ്മ തിടുക്കപ്പെട്ട് ഹാദിയയെ സന്ദര്‍ശിച്ചതിന് പിന്നില്‍ രാഷ്ട്രീയമുണ്ടെന്ന് എംസി ജോസഫൈന്‍ ആരോപിച്ചു. നവംബര്‍ 27ന് സുപ്രീം കോടതിയില്‍ ഹാജരാക്കുമ്പോള്‍ ഹാദിയ എന്ത് പറയുമെന്നുള്ള അങ്കലാപ്പിലാണ് ദേശീയ വനിതാ കമ്മീഷന്റെ ധൃതി പിടിച്ചുള്ള സന്ദര്‍ശനമെന്ന് എംസി ജോസഫൈന്‍ വിമര്‍ശിച്ചു.
