ജൂനിയറെ പീഡിപ്പിച്ച മലയാളി ഇരട്ടകള്‍ പിടിയില്‍

കോയമ്പത്തൂര്‍:മലയാളിക്ക് അന്യനാട്ടില്‍ പാര പണിയുന്നതും ചീത്തപ്പേരുണ്ടാക്കുന്നതും മലയാളികള്‍ മാത്രമാണ്. ഇപ്പോഴിതാ സ്ത്രീ പീഡനത്തില്‍ ചീത്തപ്പേരുണ്ടാക്കിയ മലയാളി ഇരട്ട സഹോദരങ്ങള്‍ പോലീസിന്റെ പിടിയിലായി.

കോളേജിലെ ജൂനിയറും മലയാളിയും ആയ പെണ്‍കുട്ടിയെ മയക്കുമരുന്ന് നല്‍കി പീഡിപ്പിച്ച സംഭവത്തിലാണ് എന്‍ജിനീയറിങ് വിദ്യാര്‍ത്ഥികളായ ഇരട്ട സഹോദരങ്ങള്‍ പോലീസിന്റെ പിടിയിലാത്. പെണ്‍കുട്ടി നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്.

എന്‍ജിനീയറിങ് വിദ്യാര്‍ത്ഥികളാണെങ്കിലും ഇരുവരും സ്വന്തം ഫ്‌ലാറ്റില്‍ ആയിരുന്നു താമസം. ഈ വീട്ടിലേക്ക് പെണ്‍കുട്ടിയെ സൗഹൃദം നടിച്ച് കൂട്ടിക്കൊണ്ടുവരികയായിരുന്നുവത്രെ. മയക്ക് മരുന്ന് നല്‍കി ഉറക്കി കfടത്തിയ പെണ്‍കുട്ടിയ രണ്ട് പേരും ലൈംഗികമായി ഉപയോഗിച്ചു. ഇതിന്റെ ദൃശ്യങ്ങള്‍ മൊബൈല്‍ ക്യാമറയില്‍ പകര്‍ത്തുകയും ചെയ്തുവത്രെ.

പിന്നീട് ഈ ദൃശ്യങ്ങളുടെ പേര് പറഞ്ഞ് പെണ്‍കുട്ടിയെ ഭീഷണിപ്പെടുത്തുകയും ചെയ്തു. നിവൃത്തിയില്ലാതെ പെണ്‍കുട്ടി വിവരം അമ്മയോട് പറയുകയായിരുന്നു. തുടര്‍ന്ന് പോലീസിലും പരാതി നല്‍കി.

ഫെബ്രുവരി 23 നാണ് സംഭവം നടന്നത്. ഫെബ്രുവരി 28 ന് പോലീസ് നടത്തിയ പരിശോധനയില്‍ ഇരട്ടകളില്‍ ഒരാള്‍ പിടിയിലാിരുന്നു. മാര്‍ച്ച് രണ്ടിനാണ് രണ്ടാമനെ പിടികൂടിയത്. കോടതിയില്‍ ഹാജരാക്കിയ പ്രതികളെ റിമാണ്ട് ചെയ്തു.

English summary

Malayali twins arrested for sexually abusing junior girl.