ഐഎസിൽ ചേർന്ന മലയാളി യുവാവ് യുഎസ് ഡ്രോൺ ആക്രമണത്തിൽ കൊല്ലപ്പെട്ടു; അഫ്ഗാനിസ്ഥാനിൽ നിന്നും സന്ദേശം
മലപ്പുറം: തീവ്രവാദ സംഘടനയായ ഐഎസിൽ ചേർന്ന ഒരു മലയാളി യുവാവ് കൂടി കൊല്ലപ്പെട്ടു. മലപ്പുറം എടപ്പാൾ സ്വദേശി മുഹമ്മദ് മുഹ്സിൻ അഫ്ഗാനിസ്ഥാനിൽ കൊല്ലപ്പെട്ടതായാണ് റിപ്പോർട്ട്. ഇതോടെ ഐഎസിൽ ചേർന്ന് കൊല്ലപ്പെട്ട മലയാളികളുടെ എണ്ണം 39 ആയി.
ബിജെപി വിയര്ക്കും!! ബംഗാളില് മമതയും പണി തുടങ്ങി.. നേതാക്കള് വീണ്ടും പഴയ തട്ടകത്തിലേക്ക്
മുഹമ്മദ് മുഹ്സിൻ അഫ്ഗാനിസ്ഥാനിൽ വെച്ച് യുഎസ് ഡ്രോൺ ആക്രമണത്തിൽ കൊല്ലപ്പെട്ടുവെന്നാണ് വിവരം. 2017 ഏപ്രിലിലാണ് മുഹ്സിൻ ഐഎസിൽ ചേർന്നത്. ഈ മാസം പതിനെട്ടിനുണ്ടായ ആക്രണണത്തിൽ ഇയാൾ കൊല്ലപ്പെട്ടുവെന്നാണ് വിവരം. മുഹ്സിന്റെ മരണം സംബന്ധിച്ച് മലപ്പുറത്തുള്ള ബന്ധുക്കൾക്ക് വാട്സാപ്പ് സന്ദേശം ലഭിച്ചു.
''നിങ്ങളുടെ സഹോദരൻ ആഗ്രഹിച്ച സ്ഥാനം പൂകി'' എന്നായിരുന്നു സന്ദേശം. അഫ്ഗാൻ നമ്പറിൽ നിന്നും മലയാളത്തിലായിരുന്നു സന്ദേശം, ഈ വിവരം പോലീസിനെ അറിയിക്കരുതെന്നും അറിയിച്ചാൽ അവർ നിങ്ങളെ ബുദ്ധിമുട്ടിക്കുമെന്നും സന്ദേശത്തിൽ പറഞ്ഞിരുന്നു. രഹസ്യ വിവരത്തെ തുടർന്ന് ദേശീയ അന്വേഷണ ഏജൻസി മലപ്പുറത്തെത്തി അന്വേഷണം നടത്തിയിരുന്നെന്നും എന്നാൽ ബന്ധുക്കൾ ഈ വിവരം മറച്ചുവെച്ചതായും മാതൃഭൂമി റിപ്പോർട്ട് ചെയ്യുന്നു.
മുഹമ്മദ് മുഹ്സിനൊപ്പമുണ്ടായിരുന്ന ഐഎസ് കമാൻഡറും ആക്രമണത്തിൽ കൊല്ലപ്പെട്ടുവെന്നാണ് വിവരം. കണ്ണൂർ, കോഴിക്കോട്, മലപ്പുറം, തൃശൂർ, എറണാകുളം ജില്ലകളിൽ നിന്നായി നിരവധി പേർ ഭീകര സംഘടനയിൽ പ്രവർത്തിക്കുന്നുണ്ടെന്നാണ് അന്വേഷണ ഏജൻസികൾ നൽകുന്ന സൂചന.