മല്ലു ട്രാവലര് കോടതിയെ സമീപിച്ചു; പോലീസ് ലുക്ക് ഔട്ട് നോട്ടീസ് ഇറക്കിയ പിന്നാലെ
കൊച്ചി: സൗദി അറേബ്യന് യുവതിയെ ലൈംഗികമായി ആക്രമിച്ചുവെന്ന പരാതിയില് പോലീസ് ലുക്ക് ഔട്ട് നോട്ടീസ് ഇറക്കിയ പിന്നാലെ വ്ളോഗര് മല്ലു ട്രാവലര് എന്ന ഷാക്കിര് സുബ്ഹാന് മുന്കൂര് ജാമ്യാപേക്ഷ സമര്പ്പിച്ചു. യുവതിയുടെ പരാതിയില് എറണാകുളം സെന്ട്രല് പോലീസ് കേസെടുത്തെങ്കിലും നടപടികള് മുന്നോട്ട് കൊണ്ടുപോകാനായിട്ടില്ല. മല്ലു ട്രാവലര് വിദേശത്ത് നിന്ന് തിരിച്ചുവരാത്തതാണ് കാരണം.
വേഗം നാട്ടിലെത്തി ചോദ്യം ചെയ്യലിന് ഹാജരാകണം എന്നാണ് പോലീസ് മല്ലു ട്രാവലറിനോട് ആവശ്യപ്പെട്ടിരിക്കുന്നത്. കേസിന് ആസ്പദമായ സംഭവം നടന്ന പിന്നാലെ കാനഡയിലേക്ക് പോയ മല്ലു ട്രാവലര് ഇപ്പോള് എവിടെയാണ് എന്ന് പോലീസിനും വ്യക്തതയില്ല. തുടര്ന്നാണ് ഇന്ന് രാവിലെ ലുക്ക് ഔട്ട് നോട്ടീസ് പുറപ്പെടുവിച്ചത്.
ഇതോടെ നാട്ടിലെത്തിയാല് അറസ്റ്റ് ഉണ്ടാകുമെന്ന് ഉറപ്പായ സാഹചര്യത്തിലാണ് പ്രതി ജില്ലാ കോടതിയില് മുന്കൂര് ജാമ്യാപേക്ഷ സമര്പ്പിച്ചിരിക്കുന്നത്. ലൈംഗിക പീഡന കേസായതിനാല് ജാമ്യം ലഭിക്കാന് സാധ്യത കുറവാണെന്ന് നിയമ വിദഗ്ധര് പറയുന്നു. അതേസമയം, ജില്ലാ കോടതി ഹര്ജി തള്ളിയാല് പ്രതി ഹൈക്കോടതിയെ സമീപിച്ചേക്കുമെന്നാണ് വിവരം.
അഭിഭാഷകന് മുഖേനയാണ് പ്രതി മുന്കൂര് ജാമ്യാപേക്ഷ സമര്പ്പിച്ചത്. ഈ മാസം 13ന് കൊച്ചിയിലെ ഹോട്ടലിലാണ് കേസിന് ആസ്പദമായ സംഭവം നടന്നത്. ഇന്റര്വ്യൂവിനെന്ന പേരില് വിളിച്ചുവരുത്തിയ സൗദി യുവതിയെ മല്ലു ട്രാവലര് പീഡിപ്പിക്കാന് ശ്രമിച്ചുവെന്നാണ് പരാതി. യുവതിയുടെ പ്രതിശ്രുത വരന് മുറിയില് നിന്ന് പുറത്തേക്ക് പോയ ഘട്ടത്തിലായിരുന്നു ലൈംഗിക ആക്രമണം എന്നാണ് പരാതി.
മല്ലു ട്രാവലര് ക്ഷണിച്ചത് പ്രകാരമാണ് സൗദി യുവതിയും അവരുടെ മലയാളിയായ പ്രതിശ്രുത വരനും കൊച്ചിയിലെ ഹോട്ടലില് എത്തിയതത്രെ. അവിടെ വച്ച് ഇരുവരോടും സംസാരിക്കുന്നതിനിടെ കൂടെയുണ്ടായിരുന്ന യുവാവ് പുറത്തേക്ക് പോയ വേളയില് സൗദി യുവതിയെ സ്വകാര്യ ഭാഗങ്ങളില് പിടിച്ചുവെന്നാണ് ആരോപണം. എന്നാല് മല്ലു ട്രാവലര് പറയുന്നത് മറ്റൊന്നാണ്.
സൗദി യുവതിയും അവരുടെ കൂടെ വന്ന യുവാവും തന്നോട് ബന്ധപ്പെട്ട് കാണണം എന്ന് ആവശ്യപ്പെടുകയായിരുന്നു. ഇതുപ്രകാരമാണ് കൊച്ചിയില് വന്ന വേളയില് കാണാം എന്ന് അറിയിച്ചത്. ഇരുവരും തമ്മില് ഒത്തുപോകില്ലെന്ന് തന്നോട് പറഞ്ഞുവെന്ന് മല്ലു ട്രാവലര് വീഡിയോയില് വിശദീകരിച്ചിരുന്നു. ഇവര്ക്കിടയില് തര്ക്കമുണ്ടെന്നും ഷാക്കിര് പറഞ്ഞു.
ഇവരുടെ തര്ക്കം പരിഹരിക്കാന് താന് ശ്രമിച്ചു. അന്ന് രാത്രി തന്റെ കാറില് മൂന്നു പേരും ഡ്രൈവിന് പോയി. തിരിച്ച് ഹോട്ടലില് എത്തിയ ശേഷം അവര് മടങ്ങി. യുവാവ് കൂടെയില്ലാതെ തനിക്കൊപ്പം സൗദി യുവതി ഏതാനും നിമിഷങ്ങള് മാത്രമാണ് മുറിയിലുണ്ടായിരുന്നത്. പീഡിപ്പിക്കാന് ശ്രമിച്ചാല് യുവതി ബഹളം വയ്ക്കില്ലേ. എന്തൊക്കെ നടന്നുവെന്ന് ഹോട്ടലിലെ സിസിടിവി ക്യാമറയില് കാണില്ലേ. തന്റെ നിരപരാധിത്വം തെളിയിക്കുമെന്നും മല്ലു ട്രാവലര് പറഞ്ഞു.
-
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ...
Click it and Unblock the Notifications
Sign in with Google