മമ്മൂട്ടി ക്ലീന് കാമ്പസ് സേവ് കാമ്പസ് അംബാസിഡര്
തിരുവനന്തപുരം: കോളേജുകള് ലഹരിമുക്തമാക്കുന്നതിന് സംസ്ഥാന സര്ക്കാര് തുടങ്ങിയ ക്ലീന് കാമ്പസ് സേവ് കാമ്പസ് പദ്ധതിയ്ക്ക് മെഗാസ്റ്റാര് മമ്മൂട്ടി ബ്രാന്റ് അംബാസിഡര്. ആഭ്യന്തരമന്ത്രി രമേശ് ചെന്നിത്തലയാണ് ഇത് സംബന്ധിച്ച വിവരം നല്കിയത്.
യാതൊരു പ്രതിഫലവും വാങ്ങാതെ തന്നെ മമ്മൂട്ടി പദ്ധതിയുടെ ബ്രാന്റഡ് അംബാസിഡറാവാം എന്ന് സമ്മതിച്ചുവെന്നും മന്ത്രി അറയിച്ചു. സമൂഹ്യ പ്രവര്ത്തനങ്ങളില് ഒരു മെഗാസ്റ്റാര് എന്നതിലുപരി വ്യക്തിയായി മമ്മൂട്ടി നിരന്തരം ഇടപടാറുണ്ട്.
മമ്മൂട്ടിയെന്ന മെഗാസ്റ്റാര്
മൂന്ന് ദേശീയ പുരസ്കാരം, അഞ്ച് സംസ്ഥാന സര്ക്കാറിന്റെ പുരസ്കാരങ്ങള്, 11 ഫിലിം ഫെയര് പുരസ്കാരങ്ങള്, 11 കേരള ഫിലിം ക്രിട്ടിക്കള് പുരസ്കാരങ്ങള്, 5 ഏഷ്യനെറ്റ് ഫിലിം അവാര്ഡുകള്, പത്മശ്രീ ഭരത് ഡോക്ടര് മമ്മൂട്ടി. മെഗാസ്റ്റാര് എന്ന പദവി അലങ്കരിക്കാന് ഇതില് കൂടുതല് എന്ത് വേണം.
സിനിമയ്ക്കപ്പുറം
നടനെന്നതിലുപരി മമ്മൂട്ടി ഒരു വക്കീലുമാണ്. അദ്ദേഹത്തിന്റെ നടപടികളില് പലപ്പോഴും അറിവിന്റെ ആ ഒരു തെളിച്ചമുണ്ടാവും.
സാമൂപ്യപ്രവര്ത്തനങ്ങളില്
കോഴിക്കോടുള്ള പാലിയേറ്റീവ് കെയറിന്റെ രക്ഷാധികാരിയാണ് മമ്മൂട്ടി.
ബ്രാന്റ് അംബാസിഡര്
തൃശ്ശൂര് അടിസ്ഥാനമാക്കിയ സൗത്ത് ഇന്ത്യന് ബാങ്കിന്റെ ബ്രാന്റ് അംബാസിഡറാണ് മമ്മൂട്ടി. കൂടാതെ കേരള വോളിബോള് ലീഗിന്റെയും.
മമ്മൂട്ടിയ്ക്ക് രാഷ്ട്രീയമുണ്ട്
മോഹന്ലാല് തന്റെ രാഷ്ട്രീയത്തെ കുറിച്ച് പരസ്യമായി അധികം പറയാറില്ല. എങ്കിലും മമ്മൂട്ടിയുടെ കാര്യത്തില് പറഞ്ഞില്ലെങ്കിലും അത് പരസ്യമാണ്
സിനിമ വിട്ട് സമൂഹത്തിലേക്ക്
അടുത്തിടെ മമ്മൂട്ടി അഭിനയം നിര്ത്തുന്നെന്നും രാഷ്ട്രീയത്തിലൂടെ സാമൂഹ്യ പ്രവര്ത്തനത്തിലേക്കിറങ്ങുന്നുവെന്നും വാര്ത്തയുണ്ടായിരുന്നു.
ക്ലീന് കാമ്പസ് സേവ് കാമ്പസ്
കോളേജുകള് ലഹരിമുക്തമാക്കുന്നതിന് സംസ്ഥാന സര്ക്കാര് തുടങ്ങിയ ക്ലീന് കാമ്പസ് സേവ് കാമ്പസ് പദ്ധതിയിലൂടെയാണ് മമ്മൂട്ടി ഇപ്പോള് സമൂഹ്യവിഷയത്തില് ഇടപെടുന്നത്. പദ്ധതിയുടെ ബ്രാന്റ് അംബാസിഡറാണ് മമ്മൂട്ടി.