ബജറ്റ് സ്വാഗതം ചെയ്ത് മമ്മൂട്ടിയും മോഹന്ലാലും പൃഥ്വിരാജും ടൊവിനോയും; വിഡി സതീശന് കൈയ്യടി
കൊച്ചി: യുഡിഎഫ് സര്ക്കാരിന്റെ ആദ്യ ബജറ്റ് സ്വാഗതം ചെയ്ത് സിനിമാ താരങ്ങള്. സിനിമാ മേഖലയ്ക്കും കലാ രംഗത്തിനും ഒട്ടേറെ വാഗ്ദാനങ്ങള് ബജറ്റിലുണ്ട്. എംടി വാസുദേവന് നായര്, ജോണ്സണ് മാസ്റ്റര്, ഉമ്പായി, സലിം കുമാര് എന്നിവര്ക്കുള്ള ആദരവും ബജറ്റിലുണ്ട്. 'മലയാള ചലച്ചിത്ര വേദിക്ക് വാഗ്ദാനം ചെയ്ത ആനുകൂല്യങ്ങള്ക്ക് പുതിയ സര്ക്കാരിന് നന്ദി... എല്ലാം വേഗത്തില് നടപ്പാകട്ടെ' എന്നാണ് മമ്മൂട്ടി പ്രതികരിച്ചത്.
സിനിമയ്ക്ക് വ്യവസായ പദവി നല്കുമെന്ന പ്രഖ്യാപനത്തിനാണ് സിനിമാ മേഖലയില് നിന്ന് കൈയ്യടി ലഭിച്ചത്. സിനിമാ മേഖലയ്ക്ക് വളര്ച്ച പ്രദാനം ചെയ്യുന്ന തീരുമാനമാണിത് എന്ന് മോഹന്ലാല് പറഞ്ഞു. ആന്റി പൈറസി സെല് രൂപീകരിക്കുമെന്ന പ്രഖ്യാപനത്തിന് പൃഥ്വിരാജ് നന്ദി അറിയിച്ചു. അത് സിനിമാ മേഖലയ്ക്ക് ഒരു രക്ഷാകവചം ആകുമെന്ന് പ്രതീക്ഷിക്കാമെന്ന് പൃഥ്വിരാജ് സോഷ്യല് മീഡിയയില് കുറിച്ചു. മുഖ്യമന്ത്രിക്ക് നന്ദി അറിയിച്ച് ടൊവിനോയും രംഗത്തെത്തി.
സിനിമയ്ക്ക് വ്യവസായ പദവി നല്കും, കൊച്ചിയില് ഫിലിം സിറ്റി സ്ഥാപിക്കും, ആന്റി പൈറസി സെല് രൂപീകരിക്കും, അന്താരാഷ്ട്ര ചലച്ചിത്രോല്സത്തിന് സ്ഥിരം വേദി തുടങ്ങിയ പ്രഖ്യാപനങ്ങളെല്ലാം ബജറ്റിലുണ്ട്. സിനമാ പ്രവര്ത്തകര് ഏറെ കാലമായി ആവശ്യപ്പെടുന്ന പ്രഖ്യാപനങ്ങളാണ് പലതും.
കൂടാതെ, കേരളത്തിന്റെ തനത് കലാ-സാംസ്കാരിക രൂപങ്ങള് സംരക്ഷിക്കുന്നതിന് എംടി വാസുദേവന് നായരുടെ പേരില് കോഴിക്കോട് ഒരു കള്ച്ചറല് പാര്ക്ക് സ്ഥാപിക്കുമെന്ന് ബജറ്റ് പ്രസംഗത്തില് മുഖ്യമന്ത്രി പ്രഖ്യാപിച്ചു. തൃശ്ശൂരില് ജോണ്സണ് മാസ്റ്റര് മ്യൂസിക് അക്കാദമി സ്ഥാപിക്കും. ഇതിനായി ബജറ്റില് 5 കോടി രൂപ മാറ്റിവെച്ചു.
നടന് സലിംകുമാറിന് എറണാകുളത്ത് സ്മാരകം നിര്മ്മിക്കാന് ഒരുകോടി രൂപ വകയിരുത്തി. ഗസല് ഗായകനായിരുന്ന ഉമ്പായിയുടെ നാമധേയത്തില് മ്യൂസിക് അക്കാദമി സ്ഥാപിക്കുന്നതിനുള്ള പ്രാരംഭ ചെലവുകള്ക്കായി ഒരു കോടി രൂപയും വകയിരുത്തി. തൃശ്ശൂര് ജില്ലയിലെ ചരിത്ര പ്രസിദ്ധമായ തേക്കിന്കാട് മൈതാനം നവീകരിക്കുന്നതിന് നടപടി കൈക്കൊള്ളും. ഇതിനായി 10 കോടി രൂപ വകയിരുത്തി.
ശിവഗിരി ശ്രീനാരായണ ധര്മ സംഘം ട്രസ്റ്റിന്റെ കീഴില് അന്താരാഷ്ട്ര നിലവാരത്തോടെ ശിവഗിരി തീര്ത്ഥാടന പ്ലാറ്റിനം ജൂബിലി സ്മാരക കണ്വെന്ഷന് സെന്ന്ററിന്റെ നിര്മ്മാണം പുരോഗമിച്ചു വരികയാണ്. മഠത്തിന്റെ ചരിത്ര പ്രാധാന്യവും സ്വതന്ത്ര മാനവികതയും സാമൂഹ്യ പ്രതിബദ്ധതയും പരിഗണിച്ച് സെന്ററിന്റെ നിര്മ്മാണത്തിനുള്ള ധനസഹായമായി 5 കോടി രൂപയും വകയിരുത്തി.
കേരളത്തിലെ സാംസ്കാരിക സ്ഥാപനങ്ങളെ കാലാനുസൃതമായ മാറ്റങ്ങളോടെ പുനരുജ്ജീവിപ്പിക്കാനും തനത് കലകളെ സംരക്ഷിക്കാനും സാംസ്കാരിക ടൂറിസം പരിപോഷിപ്പിക്കാനും സര്ക്കാര് പ്രതിജ്ഞാബദ്ധമാണെന്ന് വകുപ്പ് മന്ത്രി പി.സി വിഷ്ണുനാഥ് അറിയിച്ചു.
Click it and Unblock the Notifications
Sign in with Google