Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഇരുപതോളം പേരുമായുള്ള ലൈംഗികബന്ധം ഇന്റര്‍നെറ്റില്‍; പ്രതി അറസ്റ്റില്‍
കഴക്കൂട്ടം: ഇരുപതോളം പെണ്‍കുട്ടികളുമായുള്ള ലൈംഗികബന്ധം പകര്‍ത്തി ഇന്റര്‍നെറ്റില്‍ വില്‍പ്പന നടത്തിയ പ്രതി അറസ്റ്റില്‍. കരാട്ടെ ജോണി അഥവാ പൂവാര്‍ ജോണി എന്നറിയപ്പെടുന്ന പൂവാര്‍ തിരുപുറം എരിക്കല്‍ വിളയില്‍ ജോണ്‍സണ്‍ (35) ആണ് അറസ്റ്റിലായത്. അന്വേഷണ സംഘം നടത്തിയ തന്ത്രപൂര്‍വമായ ഇടപെടലിലൂടെ ചെന്നൈയില്‍ വച്ചാണ് ഇയാളെ പിടികൂടിയത്.
പരിചയപ്പെടുന്ന പെണ്‍കുട്ടികളെ പലതരത്തിലുള്ള വാഗ്ദാനം നല്‍കി വശീകരിച്ചശേഷം ലൈംഗിക ബന്ധത്തിലേര്‍പ്പെടുകയും ഈ ദൃശ്യങ്ങള്‍ പകര്‍ത്തി ഇന്റര്‍നെറ്റില്‍ വില്‍പ്പന നടത്തുകയുമാണ് ജോണ്‍സണ്‍ ചെയ്തു വന്നിരുന്നത്. ഒരോ പുതിയ ദൃശ്യങ്ങള്‍ക്കും ആയിരക്കണക്കിന് രൂപ ഇയാള്‍ക്ക് ഇതുവഴി ലഭിച്ചിരുന്നുവെന്ന് അന്വേഷണ സംഘം കണ്ടെത്തി.
പെണ്‍കുട്ടികളുമായി ലൈംഗിക ബന്ധത്തില്‍ ഏര്‍പ്പെടുന്നതിന്റെ ദൃശ്യങ്ങള്‍ ഇയാളുടെ പെന്‍ഡ്രൈവില്‍ നിന്നും കണ്ടെടുത്തിട്ടുണ്ട്. മേനംകുളത്തെ അശ്വതി ഗാര്‍ഡനില്‍ ഒരു വില്ല വാടകയ്‌ക്കെടുത്ത് അവിടെ വച്ചായിരുന്നു പ്രതി പെണ്‍കുട്ടികളെ പീഡിപ്പിച്ചിരുന്നത്. റെക്കോര്‍ഡ് ചെയ്ത ദൃശ്യങ്ങള്‍ കാട്ടി പല പെണ്‍കുട്ടികളെയും ഭീഷണിപ്പെടുത്തിയിരുന്നതുമൂലം അപമാനം ഭയന്ന് പെണ്‍കുട്ടികള്‍ പോലീസില്‍ പരാതി നല്‍കിയിരുന്നില്ല.
കഴിഞ്ഞമാസം തുമ്പയിലെ ഒരു പെണ്‍കുട്ടിയുടെ പരാതി പ്രകാരമാണ് പ്രതിയെ കുറിച്ചുള്ള സൂചന ലഭിക്കുന്നത്. വിവാഹ വാഗ്ദാനം നല്‍കി പലയിടങ്ങളില്‍ വെച്ച് പ്രതി പീഡിപ്പിച്ചിരുന്നതായാണ് പരാതി. പ്രതി വിവാഹിതനാണെന്നറിഞ്ഞപ്പോള്‍ പോലീസിനെ സമീപിക്കുകയായിരുന്നു. ജോണ്‍സണ്‍ ചെന്നൈയില്‍ ഉണ്ടെന്നറിഞ്ഞ് റൂറല്‍ എസ്.പി. രാജ്പാല്‍ മീണയുടെ നേതൃത്വത്തിലുള്ള പ്രത്യേക സംഘമാണ് ഒടുവില്‍ ഇയാളെ വലയിലാക്കിയത്. നിരവധി സ്റ്റേഷനുകളിലായി പതിനാറോളം കേസുകളില്‍ ഇയാള്‍ പ്രതിയാണെന്ന് പോലീസ് പറഞ്ഞു.
