നവവധുവിന്റെ ഫോട്ടോ എഫ്ബിയില്:ഡോക്ടര് അറസ്റ്റില്
കൊച്ചി:നവവധുവിന്റെ ഫോട്ടോ ഫേസ്ബുക്കില് പോസ്റ്റ് ചെയ്ത മുന് കാമുകന് അറസ്റ്റില്. ഇടപ്പള്ളി പുതിയറോഡല് താമസിക്കുന്ന ചങ്ങനാശ്ശേരി സ്വദേശി ശെല്വരാജാണ് അറസ്റ്റിലായത്. ഇയാള് ദന്തഡോക്ടറാണ്.
സഹപാഠിയും സുഹൃത്തുമായ പെണ്കുട്ടിയുടെ ഫോട്ടോയാണ് ശെല്വരാജന് തന്റെ മുന്കാമുകിയെന്ന് പരിചയപ്പെടുത്തി ഫേസ്ബുക്കിലിട്ടത്. ഒരുമാസം മുമ്പാണ് ദന്ത ഡോക്ടറായ പെണ്കുട്ടിയുടെ വിവാഹം കഴിഞ്ഞത്.
വിവാഹത്തിന് മുമ്പ് പ്രണയവും പ്രശ്നവുമെല്ലാം ഉണ്ടായിരുന്നെങ്കിലും രണ്ടുപേരെയും പൊലീസ് സ്റ്റേഷനില് വിളിച്ചുവരുത്തി കേസ് ഒത്തു തീര്പ്പാക്കിയിരുന്നു. അതിന ശേഷം വിവാഹിതയായ പെണ്കുട്ടിയുടെ ഫട്ടോ ഫേസ്ബുക്കില് പോസ്റ്റ് ചെയ്തതിനാണ് അറസ്റ്റ്.
പെണ്കുട്ടിയുടെ അച്ഛന്റെ പരാതി ലഭിച്ചതിനെ തുടര്ന്ന് ഐടി ആക്ട് പ്രകാരമാണ് അറസ്റ്റ് ചെയ്തത്. തങ്ങള് തമ്മില് പ്രണയത്തിലായിരുന്നു എന്ന് ശെല്വരാജ് പറയുന്നുണ്ടെങ്കിലും പെണ്കുട്ടി അത് നിഷേധിച്ചു. തങ്ങള് നല്ല സുഹൃത്തുക്കള് മാത്രമായിരുന്നു എന്നാണ് പെണ്കുട്ടിയുടെ മൊഴി. കോടതിയില് ഹാജരാക്കിയ പ്രതിയെ റിമാന്റ് ചെയ്തു.