ട്രെയിനില്‍ യുവതിയെ പീഡിപ്പിക്കാന്‍ ശ്രമം, കോഴിക്കോട് സ്വദേശി അറസ്റ്റില്‍

കോട്ടയം; ചെന്നൈ മെയില്‍ എക്‌സ്പ്രസില്‍ യുവാവ് യാത്രകാരിയെ കടന്ന്പിടിക്കാന്‍ ശ്രമിച്ചു. ചെന്നൈയില്‍ നിന്ന് തിരുവന്തപുരത്ത് വരികയായിരുന്ന മെയില്‍ എക്‌സ്പ്രസില്‍ രാവിലെയായിരുന്നു ശ്രമം.

സംഭവത്തെ തുടര്‍ന്ന് കോഴിക്കോട് സ്വദേശിയായ റെമീസിനെ പോലീസ് കസ്റ്റഡിയിലെടുത്തു. കോട്ടയത്ത് എത്തിയപ്പോഴാണ് യുവതി റെയില്‍വേ പോലീസില്‍ വിവരമറിയിച്ചത്. തുടര്‍ന്ന് പോലീസും യാത്രക്കാരും ചേര്‍ന്ന് യുവാവിനെ പിടികൂടുകയായിരുന്നു. പിടിക്കൂടാന്‍ ശ്രമിക്കവേ പോലീസിനെയും യുവാവ് മര്‍ദ്ദിച്ചു.

ഇതുവരെ രാത്രികാലങ്ങളില്‍ യാത്രയ്ക്കിടയിലായിരുന്നു സ്ത്രികള്‍ ഭയക്കേണ്ടിയിരുന്നത്. ഇപ്പോഴിതാ രാത്രിയിലെന്ന പോലെ തന്നെ പകലും, കറുത്ത കൈകള്‍ സ്ത്രികളുടെ മേല്‍ പതിക്കുന്നു.

ട്രെയിനില്‍ കൂടുതല്‍ സംരംക്ഷണം ഒരുക്കുമ്പോഴും സ്ത്രികള്‍ക്ക് മേലുള്ള അതിക്രമം അവസാനിക്കുന്നില്ല, എന്നതിന്റെ മറ്റൊരു തെളിവ് കൂടിയാണ് രാവിലെ ചെന്നൈ എക്‌സ്പ്രസില്‍ യുവതിയ്ക്ക് നേരെയുണ്ടായ സംഭവം.

English summary

man tried to rape women in train.