Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മന്ത്രിസഭാ വാര്‍ഷികം: വയനാട്ടില്‍ വിപുലമായ പരിപാടികള്‍; ഒരുക്കങ്ങള്‍ വിലയിരുത്തി
കല്‍പ്പറ്റ: മന്ത്രിസഭാ വാര്‍ഷികത്തിന്റെ ഭാഗമായി ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പിന്റെ നേതൃത്വത്തില്‍ കല്‍പ്പറ്റ എസ്‌കെഎംജെ സ്‌കൂള്‍ ഗ്രൗണ്ടില്‍ മെയ് ഏഴിന് നടക്കുന്ന പൊലിക 2018 പ്രദര്‍ശന മേളയുടെ ഒരുക്കങ്ങള്‍ ജില്ലാ വികസന സമിതി യോഗം വിലയിരുത്തി. ഉദ്ഘാടനം ഏഴിനു രാവിലെ 10ന് ജില്ലയുടെ ചുമതലയുള്ള തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രന്‍ നിര്‍വഹിക്കും. 91 സ്റ്റാളുകളാണ് പ്രദര്‍ശന മേളയില്‍ ഒരുക്കിയിരിക്കുന്നത്. സ്റ്റാളുകള്‍ ഞായറാഴ്ച്ചകകം പൂര്‍ണ സജ്ജമാക്കാന്‍ ബന്ധപ്പെട്ട വകുപ്പുകള്‍ ശ്രദ്ധിക്കണമെന്ന് യോഗം നിര്‍ദ്ദേശിച്ചു. എക്‌സിബിഷന്‍ ഗ്രൗണ്ടില്‍ ഗ്രീന്‍പ്രോട്ടോകോള്‍ പാലിക്കാന്‍ എല്ലാ വകുപ്പുകളും ശ്രദ്ധിക്കണമെന്ന് യോഗം നിര്‍ദ്ദേശിച്ചു.
പൊലിക 2018 എക്‌സിബിഷനോടനുബന്ധിച്ച് എസ്.കെ.എം.ജെ യില്‍ ഹോമിയോപ്പതി വകുപ്പിന്റെ ആയുഷ് യോഗാ പരിശീലനം നടത്തും മെയ് 8 ന് രാവിലെ 8.30 മുതല്‍ 10 വരെയാണ് പരിശീലനം. പൊതുജനങ്ങള്‍ക്കും സൗജന്യ യോഗ പരിശീലനത്തില്‍ പങ്കെടുക്കാം. പ്രധാന പവലിയിനിലെ സമ്മേളന ഹാളിലാണ് യോഗ നടക്കുക. 8ന് രോഗ പ്രതിരോധത്തിന് യോഗ മെയ് 9 ന് രക്താതിസമ്മര്‍ദ്ധം, പ്രതിരോധം, ചികിത്സ 10ന് പ്രമേഹം , 11ന് അമിതവണ്ണം കുറയ്ക്കുന്നതിന്, 12, 13 തീയ്യതികളില്‍ ജനറല്‍ യോഗ പരിശീലനവും നടക്കും.പരിശീലനത്തില്‍ പങ്കെടുക്കുന്നവര്‍ രജിസ്റ്റര്‍ ചെയ്യണം. ഡോ.പ്രേമചന്ദ്രന്‍, 9447760640, ഡോ.സുനില്‍കുമാര്‍ 9447020830, ഗിരീഷ് കുമാര്‍ 9946058646.
പൊലിക 2018 പ്രദര്‍ശന മേളയുടെ പ്രചാരണാര്‍ഥം ജില്ലാ സ്‌പോര്‍ട്‌സ് കൗണ്‍സിലിന്റെ സഹകരണത്തോടെ മിനി മാരത്തണ്‍ മല്‍സരം നടത്തി. പുരുഷ-വനിതാ വിഭാഗങ്ങളില്‍ നടന്ന മാരത്തണില്‍ 33 പേര് പങ്കെടുത്തു. കാക്കവയലില്‍ തുടങ്ങി കല്‍പ്പറ്റയില്‍ സമാപിച്ച പുരുഷ വിഭാഗം മാരത്തണില്‍ കൈതക്കല്‍ കുണ്ടന്‍കേണി കെ വിഷ്ണു ഒന്നാം സ്ഥാനം നേടി. മീനങ്ങാടി ഒളിംപിയ സ്‌പോര്‍ട്‌സ് അക്കാദമിയിലെ ബേസില്‍ എം റെജി രണ്ടും താളൂര്‍ നെടുവീട്ടില്‍ അരുണ്‍കുമാര്‍ മൂന്നും സ്ഥാനങ്ങള്‍ നേടി.
മുട്ടിലില്‍ തുടങ്ങി കല്‍പ്പറ്റ വിജയ പമ്പ് പരിസരത്ത് സമീപിച്ച വനിതാവി'ാഗം മാരത്തണില്‍ കെ ബി രഷ്മിത ഒന്നാം സ്ഥാനവും ഷാലു ഷാജി രണ്ടാം സ്ഥാനവും നേടി. ഐറിന്‍ തോമസിനാണ് മൂന്നാം സ്ഥാനം. പുരുഷവിഭാഗത്തില്‍ ആറുപേരൊഴികെയുള്ളവര്‍ മല്‍സരം പൂര്‍ത്തിയാക്കി. പുരുഷവിഭാഗം മല്‍സരം കാക്കവയലില്‍ സി കെ ശശീന്ദ്രന്‍ എംഎല്‍എ ഫ്‌ളാഗ് ഓഫ് ചെയ്തു. വനിതാ മാരത്തണ്‍ മുട്ടില്‍ ഗ്രാമപ്പഞ്ചായത്ത് പ്രസിഡന്റ് നജീബ് ഉദ്ഘാടനം ചെയ്തു. വിജയികള്‍ക്ക് സമ്മാനം നല്‍കും.
ക്യാപ്ഷന്‍
മന്ത്രിസഭാ വാര്‍ഷികത്തിന്റെ ഭാഗമായി നടത്തിയ മിനി മാരത്തണ്‍ മത്സരം കല്‍പ്പറ്റ എം എല്‍ എ സി കെ ശശീന്ദ്രന്‍ ഫ്‌ളാഗ് ഓഫ് ചെയ്യുന്നു
