മണിയുടെ ശരീരത്തില്‍ മെഥനോള്‍ എങ്ങനെ എത്തിയെന്ന് കണ്ടെത്തി, ഇനി കുടുങ്ങുന്നത്...

തൃശൂര്‍: നടന്‍ കലാഭവന്‍ മണിയുടെ ശരീരത്തില്‍ കണ്ടെത്തിയ മെഥനോളിന്റെ സാന്നിധ്യത്തെപ്പറ്റി പുതിയ നിഗമനത്തില്‍ എത്തി അന്വേഷണ സംഘം. ഏറെ നിര്‍ണായകമായേക്കാവുന്ന കണ്ടെത്തലിലാണ് പൊലീസ് എത്തി നില്‍ക്കുന്നത്. വ്യാജ മദ്യം കഴിയ്ക്കുമ്പോഴാണ് മെഥനോളിന്റെ സാന്നിധ്യം ഉണ്ടാകാറുണ്ട്.

അതിനാല്‍ തന്നെ മണി വ്യാജമദ്യം കഴിച്ചോ എന്നതിനെപ്പറ്റിയായിരുന്നു പൊലീസിന്റെ അന്വേഷണം. എന്നാല്‍ പുതിയ നിഗമനം മറ്റൊരു വഴിയ്ക്കാണ് അന്വേഷണത്തെ നയിക്കുന്നത്. മണിയുടെ ശരീരത്തില്‍ മെഥനോള്‍ എങ്ങനെ എത്തി എന്നതിനെപ്പറ്റിയുള്ള അന്വേഷണ സംഘത്തിന്റെ നിഗമനം അറിയാം.

കൂടിയാലോചന

മണിയുടെ മരണകാരണം കണ്ടെത്താന്‍ മെഡിക്കല്‍ ബോര്‍ഡ് രൂപീകരിയ്ക്കുന്നതിന് മുന്നോടിയായി നടന്ന കൂടിയാലോചനകള്‍ക്കിടെയാണ് മെഥനോള്‍ സാന്നിധ്യം ഉണ്ടാകുന്നതിനെപ്പറ്റി സൂചന പൊലീസിന് ലഭിയ്ക്കുന്നത്

ബിയറില്‍

ബിയറിലും മെഥനോള്‍ ഉണ്ടാകാമെന്നാണ് പുതിയ നിഗമനം. മണി കഴിച്ചത് ബിയര്‍ ആണെന്നായിരുന്നു ഒപ്പമുണ്ടായിരുന്നവരുടെ മൊഴിയും.

വ്യാജമദ്യമല്ല

വ്യാജചാരായം കഴിച്ചത് കൊണ്ടാകാം മെഥനോള്‍ ശരീരത്തില്‍ എത്തിയതെന്നായിരുന്നു പൊലീസ് ആദ്യം കരുതിയത്. ഇതിനെചുറ്റിപ്പറ്റിയായിരുന്നു അന്വേഷണവും.

കീടനാശിനി

മണിയുടെ ശരീരത്തില്‍ കീടനാശിനിയുടെ അംശവും കണ്ടെത്തിയിരുന്നു

ഗതി മാറുമോ

മണിയുടെ മരണവുമായി ബന്ധപ്പെട്ട അന്വേഷണത്തിന്റെ ഗതിമാറുമോ എന്ന് കാത്തിരുന്ന് കാണാം.

English summary

Mani may drink methanol laced beer; Police