• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മന്‍സൂര്‍ കൊലപാതകം: കുടുംബത്തിന് നീതി ഉറപ്പ് വരുത്തണമെന്ന് മുനവറലി ശിഹാബ് തങ്ങള്‍

കോഴിക്കോട്: പാനൂരില്‍ കൊല്ലപ്പെട്ട മുസ്ലീം ലീഗ് പ്രവര്‍ത്തകന്‍ മന്‍സൂറിന്‍റെ കുടുംബത്തിന് നീതി ഉറപ്പ് വരുത്തണമെന്ന് മുനവറലി ശിഹാബ് തങ്ങള്‍. അതിനായി ജാഗ്രതയോടെ യുഡിഎഫ് നില കൊള്ളുമെന്നും അദ്ദേഹം പറഞ്ഞു. ഈ അറുംകൊല രാഷ്ട്രീയം മാപ്പർഹിക്കാത്തതാണ്.ആശയങ്ങളോട് ഏറ്റുമുട്ടാൻ കഴിവില്ലാത്തവർ ആളുകളെ ഇല്ലാതാക്കുന്ന രാഷ്ട്രീയം സ്വീകരിക്കുകയാണ്. ഒരാൾ മരിക്കുമ്പോൾ കൂടെ മരിക്കുന്നത് അദ്ദേഹത്തിൻറെ കുടുംബം കൂടിയാണെന്ന് എന്ത് കൊണ്ടാണ് അക്രമം രാഷ്ട്രീയ മാർഗമായി കൊണ്ടുനടക്കുന്നവർ മറന്നു പോവുന്നതെന്നും അദ്ദേഹം പറഞ്ഞു.

ഇനിയും ഇതാവർത്തിക്കില്ല എന്ന് നിലപാടെടുക്കാൻ എന്ത് കൊണ്ടാണ് സിപിഎം പോലൊരു കക്ഷിക്ക് കഴിയാതെ പോകുന്നത്.ജീവിക്കാനുള്ള മനുഷ്യരുടെ അവകാശം നിഷേധിച്ചു കൊണ്ടാണോ മനുഷ്യരാവണം എന്ന മുദ്രാവാക്യം പ്രയോഗത്തിൽ വരുത്തേണ്ടത്. കേസിലെ രണ്ടാം പ്രതിയുടെ ആത്മഹത്യ ഉൾപ്പെടെ ദുരൂഹതകൾ വർധിക്കുമ്പോൾ ഉന്നത തല അന്വേഷണം നടക്കണമെന്നും അദ്ദേഹം ആവശ്യപ്പെട്ടു.

ലോക്ക്ഡൗണില്‍ മഹാരാഷ്ട്ര, ചിത്രങ്ങള്‍

അതിനിടെ കേസിലെ നിലവിലെ അന്വേഷണ സംഘത്തെ സര്‍ക്കാര്‍ മാറ്റി. സംഭവം ക്രൈംബ്രാഞ്ച് അന്വേഷിക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. എറണാകുളം ക്രൈംബ്രാഞ്ച് ഐ.ജി ഗോപേഷ് അഗര്‍വാള്‍ അന്വേഷണത്തിന് നേതൃത്വം നല്‍കും. കേരളത്തിനു പുറത്ത് തിരഞ്ഞെടുപ്പ് ഡ്യൂട്ടിയിലുളള അദ്ദേഹം തിരിച്ചെത്തുന്നതുവരെ തിരുവനന്തപുരം ക്രൈം ബ്രാഞ്ച് ഐ.ജി ജി.സ്പര്‍ജന്‍കുമാര്‍ അന്വേഷണം ഏകോപിപ്പിക്കും. കണ്ണൂര്‍ ക്രൈംബ്രാഞ്ച് ഡിവൈ.എസ്.പി പി.വിക്രമനാണ് അന്വേഷണച്ചുമതല.

ആത്മികയുടെ ഏറ്റവും പുതിയ ചിത്രങ്ങൾ കാണാം

English summary
Mansoor murder: Munawarli Shihab Thangal wants justice for family
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X