മന്‍സൂർ വധം പ്രത്യേക സംഘം അന്വേഷിക്കണം ; ഡിജിപിക്ക് രമേശ് ചെന്നിത്തലയുടെ കത്ത്

Updated: Saturday, April 10, 2021, 17:41 [IST]

കണ്ണൂർ; പാനൂരിലെ യൂത്ത് ലീഗ് പ്രവര്‍ത്തകനായിരുന്ന മന്‍സൂറിന്റെ കൊലപാതകം ഡയറക്ട് ഐ പി എസ് ഉദ്യോഗസ്ഥന്റെ നേതൃത്വത്തിലുള്ള പ്രത്യേക ടീം അന്വേഷിക്കണമെന്നാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല ഡിജിപി ലോക് നാഥ് ബെഹ്‌റക്ക് കത്ത് നല്‍കി.

ഇപ്പോള്‍ നടക്കുന്ന ക്രൈംബ്രാഞ്ച് അന്വേഷണത്തില്‍ വിശ്വാസമില്ല. തെളിവ് നശിപ്പിക്കാനും അത് വഴി കേസന്വേഷണം അട്ടിമറിക്കാനും ശക്തമായ ശ്രമങ്ങളാണ് ഭരണകക്ഷിയായ സി പി എമ്മിന്റെ നേതൃത്വത്തില്‍ നടക്കുന്നത് .കൊലപാതകത്തിൽ നേരിട്ട് പങ്കെടുത്ത ഭൂരിഭാഗം പ്രതികളും ഇതുവരെ അറസ്റ്റിലായിട്ടില്ല. ‌

ഇപ്പോള്‍ നടക്കുന്ന അന്വേഷണത്തിലൂടെ യഥാര്‍ത്ഥ പ്രതികളെ നിയമത്തിന് മുന്നില്‍ കൊണ്ടുവരാനോ, കൊലക്ക് പിന്നിലെ ഗൂഡാലോചന വെളിച്ചത്ത് കൊണ്ടുവരാനോ കഴിയില്ല. ഇത് മുന്‍ നിര്‍ത്തിയാണ് ഐ പി എസ് ഉദ്യോഗസ്ഥന്റെ നേതൃത്വത്തിലുള്ള പ്രത്യേക ടീം കേസന്വേഷിക്കണമെന്നാവശ്യപ്പെടുന്നതെന്നും സംസ്ഥാന പോലീസ് മേധാവിക്ക് നൽകിയ കത്തിൽ ചെന്നിത്തല വ്യക്തമാക്കി.

ബംഗാളിൽ വീട് കയറി പ്രചാരണം നടത്തി അമിത് ഷാ- ചിത്രങ്ങൾ

കേസിന്റെ അന്വേഷണം വഴി തിരിച്ചുവിടാനാണ് സർക്കാർ ശ്രമിക്കുന്നതെന്ന് രമേശ് ചെന്നിത്തല നേരത്തേ ആരോപിച്ചിരുന്നു. ക്രൈംബ്രാഞ്ചിനെ കേസന്വേഷണം ഏല്പിച്ചത് കേസ് വൈകിപ്പിക്കുന്നതിനും അന്വേഷണം വഴി തിരിച്ചു വിടുന്നതിനുമാണെന്നും ചെന്നിത്തല കുറ്റപ്പെടുത്തിയിരുന്നു.

പ്രിയ നായിക ശ്രദ്ധ കപൂർ, ബീച്ച് ചിത്രങ്ങൾ കാണാം