ബംഗാളിലെയും ത്രിപുരയിലെയും അവസ്ഥ കേരളത്തിലും വരും: സിപിഎമ്മിന് മുന്നറിയിപ്പുമായി കൂറിലോസ്
പത്തനംതിട്ട: ലോക്സഭ തിരഞ്ഞെടുപ്പില് എല് ഡി എഫിനേറ്റ തിരിച്ചടിയുടെ പശ്ചാത്തലത്തില് സംസ്ഥാന സർക്കാറിനേയും സി പി എമ്മിനേയും രൂക്ഷമായ ഭാഷയില് വിമർശിച്ച് യാക്കോബായ സഭ നിരണം മുന് ഭദ്രാസനാധിപന് ഡോ. ഗീവര്ഗീസ് മാര് കൂറിലോസ്. തിരഞ്ഞെടുപ്പുകളില് ജനങ്ങള് തുടർച്ചയായി നല്കുന്ന ഈ ആഘാതത്തില് നിന്നും പാഠം പഠിച്ചില്ലെങ്കില് ബംഗാളിലെയും ത്രിപുരയിലെയും അവസ്ഥവരുമെന്നും അദ്ദേഹം ചൂണ്ടിക്കാണിക്കുന്നു.
ഇടതുപക്ഷത്തിന് ഉണ്ടായ തകര്ച്ചയുടെ പ്രധാന കാരണങ്ങളില് ഒന്ന് നിലവിലുള്ള അതിശക്തമായ ഭരണവിരുദ്ധ വികാരമാണ്. സിപിഎം എത്ര നിഷേധിക്കുവാന് ശ്രമിച്ചാലും അത് യാഥാർത്ഥ്യമാണെന്നും അദ്ദേഹം ഫേസ്ബുക്കില് പങ്കുവെച്ച കുറിപ്പില് വ്യക്തമാകുന്നുണ്ട്.
ഡോ. ഗീവര്ഗീസ് മാര് കൂറിലോസിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ..
ജനങ്ങള് നല്കുന്ന തുടര്ച്ചയായ ആഘാത ചികിത്സയില്നിന്ന് ഇനിയും പാഠം പഠിക്കുവാന് തയ്യാറായില്ലെങ്കില് കേരളത്തിലെ ഇടതുപക്ഷത്തിന് ബംഗാളിലെയും ത്രിപുരയിലെയും അവസ്ഥവരും. ലോക്സഭാ തിരഞ്ഞെടുപ്പില് കേരളത്തില് ഇടതുപക്ഷത്തിന് ഉണ്ടായ തകര്ച്ചയുടെ പ്രധാന കാരണങ്ങളില് ഒന്ന് നിലവിലുള്ള അതിശക്തമായ ഭരണവിരുദ്ധ വികാരമാണ്.
സിപിഎം എത്ര നിഷേധിക്കുവാന് ശ്രമിച്ചാലും അത് ഒരു യാഥാര്ത്ഥ്യമാണ്. സാമ്പത്തിക നയങ്ങളിലെ പരാജയം, അച്ചടക്കം ഇല്ലായ്മ, ധൂര്ത്ത്, വളരെ മോശമായ പോലീസ് നയങ്ങള്, മാധ്യമ വേട്ട, സഹകരണ ബാങ്കുകളില് ഉള്പ്പെടെ നടന്ന അഴിമതികള്, പെന്ഷന് മുടങ്ങിയത് അടക്കം പാവപ്പെട്ടവരെ അവഗണിച്ചുള്ള നീക്കങ്ങള്, എസ് എഫ് ഐയുടെ അക്രമാസക്ത രാഷ്ട്രീയം, വിമര്ശനങ്ങളോടുള്ള അസഹിഷ്ണുത, മത -സാമുദായിക സംഘടനകളെ അതിരുവിട്ട് പ്രീണിപ്പിക്കുവാനുള്ള ശ്രമങ്ങള്, വലതുവല്ക്കരണ നയങ്ങള്, തുടങ്ങിയ നിരവധി കാരണങ്ങള് ഈ തോല്വിക്ക് നിദാനമാണ്.
ബിജെപിയെക്കാള് ഉപരി കോണ്ഗ്രസിനെയും ഫാഷിസത്തിനെതിരെ ധീരമായി പോരാടിയ രാഹുല് ഗാന്ധിയെയും 'ടാര്ഗറ്റ് ' ചെയ്തുകൊണ്ടുള്ള ഇടതുപക്ഷ പ്രചാരണം മതേതര വിശ്വാസികളില് സംശയമുണ്ടാക്കി. ഒന്നാം പിണറായി സര്ക്കാരിനെ അപേക്ഷിച്ച് രണ്ടാം സര്ക്കാരിന്റെ നിലവാര തകര്ച്ച മറ്റൊരു പ്രധാന കാരണമാണ്. ഭൂരിപക്ഷം മന്ത്രിമാരുടെയും പ്രകടനം ദയനീയമാണ്. ധാര്ഷ്ട്യവും ധൂര്ത്തും ഇനിയും തുടര്ന്നാല് ഇതിലും വലിയ തിരിച്ചടികള് ആയിരിക്കും ഇടതുപക്ഷത്തെ കാത്തിരിക്കുക.
എപ്പോഴും പ്രളയവും മഹാമാരികളും രക്ഷയ്ക്ക് എത്തണമെന്നില്ല.'കിറ്റ് രാഷ്ട്രീയത്തില്' ഒന്നിലധികം പ്രാവശ്യം ജനങ്ങള് വീഴില്ല, പ്രത്യേകിച്ച് കേരളത്തില്. തിരുത്തുമെന്ന് നേതൃത്വം പറയുന്നത് സ്വാഗതാര്ഹമാണ്. അത് പക്ഷേ തൊലിപ്പുറത്തുള്ള തിരുത്തല് ആവരുത്. രോഗം ആഴത്തിലുള്ളതാണ്. ചികിത്സയും ആഴത്തില് തന്നെ ഇറങ്ങണം. ഇടതുപക്ഷം 'ഇടത്ത് ' തന്നെ നില്ക്കണം. ഇടത്തോട്ട് ഇന്ഡിക്കേറ്റര് ഇട്ടിട്ട് വലത്തോട്ട് വണ്ടിയോടിച്ചാല് അപകടം ഉണ്ടാകും. ലക്ഷ്യസ്ഥാനത്ത് എത്തുകയുമില്ല.
-
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത്
Click it and Unblock the Notifications
Sign in with Google