മരക്കാറും മാലിക്കും തീയേറ്റര് കാണില്ലേ? റിലീസ് മാറ്റിവയ്ക്കാന് സാധ്യത... എത്ര തീയേറ്ററുകൾ തുറക്കും
കൊച്ചി: കൊവിഡ് വ്യാപനം സിനിമ മേഖലയെ വലിയ രീതിയില് ബാധിച്ചേക്കും. കേരളത്തില് രാത്രി കര്ഫ്യു ഏര്പ്പെടുത്തിയതോടെ സെക്കന്ഡ് ഷോകള് പ്രതിസന്ധിയില് ആയിക്കഴിഞ്ഞു. ഇതേ തുടര്ന്ന് തീയേറ്റര് ഉടമകളുടെ സംഘടന യോഗം ചേര്ന്നു.
കൊവിഡ് ആദ്യ തരംഗത്തെ തുടര്ന്ന് സിനിമ വ്യവസായം അടിമുടി തകര്ന്നിരിക്കുകയായിരുന്നു. അതില് നിന്ന് പതിയെ കരകയറുന്നതിനിടെയാണ് രണ്ടാം തരംഗം. ഇതോടെ ബിഗ് ബജറ്റ് സിനിമകള് അടക്കമുള്ളവയുടെ റിലീസിങ്ങും പ്രതിസന്ധിയില് ആയിരിക്കുകയാണ്. വിശദാംശങ്ങള്...
രാത്രിയില്
കര്ഫ്യൂ പ്രഖ്യാപിച്ച സാഹചര്യത്തില് തീയേറ്ററുകള് ഏഴ് മണിക്ക് ശേഷം പ്രവര്ത്തിപ്പിക്കാന് ആവില്ല. ഇതോടെ സെക്കന്ഡ് ഷോകള് നിര്ത്തേണ്ടി വരും. കൊവിഡ് വ്യാപന സാഹചര്യത്തില് ആളുകള് തീയേറ്ററുകളില് എത്തുന്നത് കുറയുകയും ചെയ്യും.
ഉടമകള്ക്ക് തീരുമാനിക്കാം
കടുത്ത കൊവിഡ് പ്രോട്ടോകോളുകള് പാലിച്ച് തീയേറ്ററുകള് തുറക്കണോ വേണ്ടയോ എന്നത് ഉടമകള്ക്ക് തീരുമാനിക്കാം എന്നാണ് ഫിയോക് യോഗത്തിലെ ധാരണ. അത് സാധ്യമല്ലെങ്കില് ഉടമകള്ക്ക് സ്വന്തം തീരുമാനപ്രകാരം തീയേറ്ററുകള് അടച്ചിടുകയും ചെയ്യാം.
മരക്കാര് പ്രതിസന്ധിയില്
മോഹന്ലാലിനെ നായകനാക്കി പ്രിയദര്ശന് സംവിധാനം ചെയ്ത ബിഗ് ബജറ്റ് സിനിമയാണ് മരക്കാര് അറബിക്കടലിന്റെ സിംഹം. മെയ് 13 ന് ആയിരുന്നു സിനിമയുടെ റിലീസ് നിശ്ചയിച്ചിരുന്നത്. എന്നാല്, നിലവിലെ സാഹചര്യത്തില് സിനിമയുടെ റിലീസ് നിശ്ചയിച്ച ദിവസം നടത്താന് ആകുമോ എന്നത് സംശയമാണ്.
മാറ്റേണ്ടി വരും
പ്രേക്ഷകര്ക്കൊപ്പം തീയേറ്റര് ഉടമകളും ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മരക്കാര്. എന്നാല് കൊവിഡ് നിയന്ത്രണങ്ങള് ഇത്തരത്തില് തുടരുകയാണെങ്കില് റിലീസ് തീയ്യതി മാറ്റേണ്ടി വരും എന്നാണ് നിര്മാതാവ് ആന്റണി പെരുമ്പാവൂര് വ്യക്തമാക്കിയിട്ടുള്ളത്.
മാലിക്കും
ഫഹദ് ഫാസില് നായകനാകുന്ന സിനിമയാണ് മാലിക്ക്. മെയ് 13 ന് തന്നെ ആയിരുന്നു മാലിക്കിന്റെ റിലീസും പ്രഖ്യാപിച്ചിരുന്നത്. കൊവിഡ് നിയന്ത്രണങ്ങള് തുടരുകയാണെങ്കില് റിലീസ് മാറ്റിവയ്ക്കുമെന്ന് നിര്മാതാവാണ് ആന്റോ ആന്റണി വ്യക്തമാക്കിയിട്ടുണ്ട്.
ദൃശ്യത്തിന്റെ ഗതി
പ്രേക്ഷകര് ഏറെ കാത്തിരുന്ന ചിത്രമായിരുന്നു ദൃശ്യത്തിന്റെ രണ്ടാം ഭാഗം. എന്നാല് തീയേറ്റര് എക്സ്പീരിയന്സ് എന്ന എല്ലാ പ്രതീക്ഷകളും അസ്ഥാനത്താക്കി ദൃശ്യം-2 ആമസോണ് പ്രൈമില് ആയിരുന്നു റിലീസ് ചെയ്തത്. ഇത് തീയേറ്റര് ഉടമകളുടെ വലിയ പ്രതിഷേധത്തിനും വഴിവച്ചിരുന്നു.
വീണ്ടും ഒടിടി
കൊവിഡ് വ്യാപനത്തിന്റെ ഇപ്പോഴത്തെ തോത് ഞെട്ടിപ്പിക്കുന്നതാണ്. തീയേറ്ററുകള് എന്ന് പൂര്ണമായും പ്രവര്ത്തന സജ്ജമാകുമെന്ന് പറയാന് ആവില്ല. അതുകൊണ്ട് തന്നെ കൂടുതല് ചിത്രങ്ങള് ഒടിടി റിലീസിലേക്ക് നീങ്ങാനുള്ള സാധ്യതകള് തള്ളിക്കളയാന് ആവില്ല.
ഖോ ഖോ പ്രദര്ശനം നിര്ത്തി
രാഹുല് റിജി നായര് സംവിധാനം ചെയ്ത രജിഷ വിജയന് നായികയായ ഖോ ഖോ വിഷുവിന് തീയേറ്ററുകളില് എത്തിയ സിനിമ ആയിരുന്നു. കൊവിഡ് സാഹചര്യം പരിഗണിച്ച് ചിത്രത്തിന്റെ പ്രദര്ശനം ഇപ്പോള് നിര്ത്തിവച്ചിരിക്കുകയാണ്. സിനിമ ഒടിടി വഴിയോ ടെലിവിഷന് വഴിയോ പ്രേക്ഷകരില് എത്തിക്കാനൊരുങ്ങുകയാണ് അണിയറപ്രവര്ത്തകര്.
-
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത് -
2% അല്ല, ഡിഎ 3% വര്ധിച്ച് 61% മാകും!!? 56,100 രൂപ ശമ്പളമുള്ളവര്ക്ക് 90,321 രൂപ കിട്ടും! -
മാളവ്യ രാജയോഗം എല്ലാം മാറ്റി മറിക്കും; ഈ രാശിക്കാരുടെ വിവാഹം നടക്കും, ശമ്പളം വർധിക്കാൻ സാധ്യത! -
സ്വര്ണവില കുറഞ്ഞു; 74000 രൂപയ്ക്ക് എട്ട് ഗ്രാം വാങ്ങാം, ആഭരണത്തിന് ഈ സ്വര്ണം മതി, പവന് വില -
സ്വര്ണം തിരിച്ചുകയറി; ഇന്ന് വന് വില മുന്നേറ്റത്തിന് കാരണം ഇതാണ്, ഇന്നത്തെ പവന് വില -
പലതരം സുഖഭോഗങ്ങള് അനുഭവിക്കാന് അവസരം, ഭാര്യയുടെ ആഗ്രഹങ്ങള് നിറവേറ്റും, ജോലിയിൽ പ്രമോഷൻ, നാൾഫലം -
പൃഥ്വിരാജ് ബോംബേയിൽ ഷൂട്ടിംഗുമായ നടന്നാൽ പോര,ഇടക്ക് നാട്ടിൽ വന്ന് അമ്മയെ കെട്ടിപിടിക്കുകയൊക്കെ വേണം';മേജർ രവി -
സ്കൂൾ അവധി :ചെറിയ പെരുന്നാൾ ആഘോഷമാക്കാം -
യാത്രക്കാര്ക്ക് 10000 രൂപയുടെ കൂപ്പണുകള്; 246 പൈലറ്റുമാരെ നിയമിച്ചു: ഇന്ഡിഗോ ഇനി വലയ്ക്കില്ലെന്ന് കേന്ദ്രം -
അഞ്ജലി നായരും വീണാ നായരും ലക്ഷ്മി പ്രിയയും ഉമ്മൻ ചാണ്ടിയുടെ മരുമകനും, കളം പിടിക്കാൻ ട്വന്റി 20 -
ജനവിധി തേടി ജന്മ നാട്ടിലേക്ക്; കലാപരിപാടികളില് നിന്നും അര്ദ്ധ വിരാമം: കുറിപ്പുമായി രമേഷ് പിഷാരടി -
വിജയ് തിരിച്ചടി നേരിടും? കാലം ഉത്തരം നല്കുമെന്ന് രജനികാന്ത്; തമിഴ്നാട്ടില് 1996 ആവര്ത്തിക്കുമോ
Click it and Unblock the Notifications
Sign in with Google