• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

കേന്ദ്രസര്‍ക്കാരിനെതിരെ നടത്തുന്ന മാര്‍ച്ച് വിജയിപ്പിക്കണം: എന്‍ജിഒ യൂണിയന്‍ ജില്ലാ കൗണ്‍സില്‍

  • By desk

കല്‍പ്പറ്റ: കേന്ദ്രസര്‍ക്കാരിന്റെ ജനവിരുദ്ധ നയങ്ങള്‍ക്കെതിരെ ജൂലൈ 12ന് എന്‍ജിഒ യൂണിയന്‍ സംഘടിപ്പിക്കുന്ന മാര്‍ച്ചും ധര്‍ണയും വിജയിപ്പിക്കുന്നതിനായി ജീവനക്കാര്‍ മുന്നിട്ടിറങ്ങണമെന്ന് യൂണിയന്‍ ജില്ലാകൗണ്‍സില്‍ യോഗം ആവശ്യപ്പെട്ടു.

പി.എഫ്.ആര്‍.ഡി.എ. നിയമം പിന്‍വലിക്കുക, എല്ലാ ജിവനക്കാര്‍ക്കും നിര്‍വചിക്കപ്പെട്ട ഉറപ്പുവരുത്തുക, സംസ്ഥാന സര്‍ക്കാറിന്റെ ജനപക്ഷ ബദല്‍ നയങ്ങള്‍ക്ക് കരുത്ത് പകരുക, അഴിമതി രഹിതവും കാര്യക്ഷമവുമായ ജനപക്ഷ സിവില്‍ സര്‍വ്വീസിനുള്ള പ്രവര്‍ത്തനങ്ങളില്‍ അണിചേരുക, വര്‍ഗീയത ചെറുക്കുക, മത നിരപേക്ഷ മൂല്യങ്ങള്‍ സംരക്ഷിക്കുക, വിലക്കയറ്റം സൃഷ്ടിക്കുന്ന കേന്ദ്രസര്‍ക്കാര്‍ നയങ്ങള്‍ തിരുത്തുക, കേന്ദ്ര സര്‍ക്കാറിന്റെ ജനവിരുദ്ധ നയങ്ങള്‍ക്കെതിരായ പോരാട്ടം ശക്തിപ്പെടുത്തുക, 15-ാം ധനകാര്യ കമ്മീഷന്റെ പ്രതിലോമകരമായ നിലപാടുകള്‍ തിരുത്തുക,കേരളത്തോടുള്ള അവഗണന അവസാനിപ്പിക്കുക, എന്നീ മുദ്രാവാക്യങ്ങള്‍ ഉയര്‍ത്തിയാണ് കേരള എന്‍.ജി.ഒ.യൂണിയന്റെ നേതൃത്വത്തില്‍ സംസ്ഥാന ജീവനക്കാര്‍ ജൂലായ് 12ന് മാര്‍ച്ചും ധര്‍ണ്ണയും സംഘടിപ്പിക്കുന്നത്.

എന്‍ ജി ഒ യൂണിയന്‍ ജില്ലാകൗണ്‍സില്‍ യോഗം

പരിപാടി വിജയിപ്പിക്കാന്‍ യൂണിയന്‍ ജില്ലാ കൗണ്‍സില്‍ യോഗം ജീവനക്കാരോട് അഭ്യര്‍ത്ഥിച്ചു. ജില്ലാ പ്രസിഡന്റ് കെ.ആനന്ദന്‍ അദ്ധ്യക്ഷത വഹിച്ചു. ജില്ലാ സെക്രട്ടറി ടി.കെ.അബ്ദുള്‍ ഗഫൂര്‍ പ്രവര്‍ത്തന റിപ്പോര്‍ട്ടും, സംസ്ഥാന സെക്രട്ടേറിയേറ്റംഗം വാമദേവന്‍ സംസ്ഥാന സമ്മേളന തീരുമാനങ്ങളും വിശദീകരിച്ചു. തുടര്‍ന്ന് നടന്ന ചര്‍ച്ചയില്‍ ജോസ് തോമസ്, കെ.എം.റോയി,ടി.എം.കുര്യാക്കോസ്,കെ.ഷാബു എന്നിവര്‍ പങ്കെടുത്തു.സംസ്ഥാന ജനറല്‍ സെക്രട്ടറി ടി.സി.ചാത്തുക്കുട്ടി ചര്‍ച്ചക്ക് മറുപടി പറഞ്ഞു.

English summary
march against central government-ngo union council
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more