മാസ്ക് അപാരത; വയോധികന് സഹായവുമായി പോലീസുകാരന്, വീഡിയോ വൈറല്
തിരുവനന്തപുരം: കൊറോണ കാലത്ത് ബോധവല്ക്കരത്തിലും മറ്റും തിളങ്ങി നിന്ന കേരള പോലീസിന്റെ പുതിയ വീഡിയോ വൈറലാകുന്നു. പാളയം രക്തസാക്ഷി മണ്ഡപത്തിന് അടുത്ത് വച്ച് മാസ്ക് ധരിക്കാന് പ്രയാസപ്പെട്ട വയോധികനെ ട്രാഫിക് പോലീസുകാരന് സഹായിക്കുന്നതാണ് വീഡിയോ. മാസ്ക് ധരിച്ച് പരിചയമില്ലാത്തവര്ക്കും വയോധികര്ക്കും പലപ്പോഴും പ്രയാസം നേരിട്ടത് എങ്ങനെ മാസ്ക് ധരിക്കുമെന്നതായിരുന്നു. പലര്ക്കും മാസ്ക് ധരിക്കേണ്ട രീതി അറിയില്ല. മറ്റു ചിലര്ക്ക് മാസ്ക് ധരിച്ച് എങ്ങനെ പുറത്തിറങ്ങി നടക്കും എന്നതായിരുന്നു വിഷമം. പക്ഷേ എല്ലാവരും ധരിക്കാന് തുടങ്ങിയതോടെ ചമ്മല് മാറി. അപ്പോഴും പെട്ടത് വയോധികരാണ്. അവരില് ചിലര്ക്ക് മാസ്ക് ധരിക്കേണ്ടത് എങ്ങനെ എന്നറിയില്ല. ഇത്തരത്തിലുള്ള ഒരു വ്യക്തിയുടെ വീഡിയോ ആണ് സോഷ്യല് മീഡിയയില് വൈറലായത്.
പാളയം രക്തസാക്ഷി മണ്ഡപത്തിന് സമീപം മാസ്ക് ധരിക്കാന് പ്രയാസപ്പെടുകയായിരുന്നു വൃദ്ധന്. കൈയ്യില് കുട പിടിച്ച് മാസ്ക് ശരിയാക്കാന് ശ്രമിക്കുന്നു അദ്ദേഹം. എന്നാല് കണ്ണടയുള്ളത് കാരണം സാധിക്കുന്നില്ല. കണ്ണടയ്ക്ക് മുകളിലൂടെ മാസ്ക് ധരിക്കാന് ശ്രമിച്ചു. ഒടുവില് എങ്ങനെയോ മാസ്ക് ധരിച്ച് നടക്കാന് തുടങ്ങവെയാണ് പോലീസുകാരന്റെ ശ്രദ്ധയില്പ്പെട്ടത്. അദ്ദേഹം ഈ വ്യക്തിയുടെ അടുത്തെത്തി കണ്ണട അഴിച്ച് ആദ്യം മാസ്ക് ധരിപ്പിച്ചു. ശേഷം കണ്ണട വച്ചുകൊടുത്തു. ഇതോടെ വയോധികനും തൃപ്തിയായി. അദ്ദേഹം കുടപിടിച്ചു നടന്നുപോകുന്നതോടെ വീഡിയോ അവസാനിക്കുന്നു.
മാതൃഭൂമി ന്യൂസ് ആണ് വീഡിയോ എടുത്തത്. കേരള പോലീസ് അവരുടെ ടിക് ടോക്ക് വഴി പരസ്യപ്പെടുത്തി. ഇതോടെയാണ് വീഡിയോ വൈറലായത്. കോവിഡ് കാലത്തെ മാസ്ക് അപാപത എന്ന തലക്കെട്ടോടെയാണ് വീഡിയോ പോസ്റ്റ് ചെയ്തിരിക്കുന്നത്. നേരത്തെ കേരള പോലീസ് ഇറക്കിയ ശുചിത്വ ബോധവല്ക്കരണ വീഡിയോ വൈറലായിരുന്നു. അയ്യപ്പനും കോശിയും ചിത്രത്തിലെ നാടന് പാട്ടിന് ചുവടു വച്ചാണ് പോലീസുകാര് ശുചിത്വ ബോധവല്ക്കരണം നടത്തിയത്. ഇത് ഗള്ഫ് നാടുകളില് ഉള്പ്പെടെ ഹിറ്റായിരുന്നു.
Click it and Unblock the Notifications
Sign in with Google