യുഡിഎഫ് തകര്ന്നടിയുമെന്ന് മാതൃഭൂമി ന്യൂസ് സർവേ, ഇടതിന് സെഞ്ച്വറി, ബിജെപി ചലനമുണ്ടാക്കില്ല
തിരുവനന്തപുരം: കേരളത്തില് ഇടത് തരംഗം പ്രവചിച്ച് മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ ഫലം. ഇടതുപക്ഷം 100ന് മുകളില് സീറ്റ് നേടി ഭരണത്തുടര്ച്ച നേടും എന്നാണ് മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ പ്രവചിച്ചിരിക്കുന്നത്. യുഡിഎഫ് സംസ്ഥാനത്ത് തകര്ന്നടിയുമെന്നും സര്വേ പ്രവചിക്കുന്നു. വിശദമായ സർവേ ഫലം അറിയാം.
കശ്മീരില് 11 ജില്ലകളില് 84 മണിക്കൂര് നേരത്തേക്ക് ലോക്ക്ഡൗണ് പ്രഖ്യാപിച്ചു; ചിത്രങ്ങള് കാണാം
കേരളം ചുവന്ന് തുടുക്കും
104 മുതല് 120 വരെ സീറ്റുകള് എല്ഡിഎഫ് നേടാന് സാധ്യത ഉണ്ടെന്നാണ് മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ ഫലം. 20 മുതല് 30 സീറ്റുകള് വരെ മാത്രമാണ് യുഡിഎഫിന് ഇത്തവണ ലഭിക്കാന് സാധ്യത. എന്ഡിഎ 2 സീറ്റ് വരെ നേടിയേക്കും എന്നും മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ പ്രവചിക്കുന്നു. എല്ഡിഎഫിന് 47 ശതമാനം വോട്ട് ഇത്തവണ ലഭിച്ചേക്കും. യുഡിഎഫിന് 38 ശതമാനം വോട്ട് ലഭിക്കാനാണ് സാധ്യത. എന്ഡിഎയ്ക്ക് 12 ശതമാനം വോട്ട് മാത്രമേ ലഭിക്കുകയുളളൂ എന്നും മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ പ്രവചിക്കുന്നു.
കാസർകോടും കണ്ണൂരും
കാസര്കോട് മൂന്നിടത്ത് എല്ഡിഎഫും രണ്ടിടത്ത് യുഡിഎഫും എന്നാണ് മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ കണ്ടെത്തുന്നത്. കണ്ണൂരില് 9 ഇടത്ത് എല്ഡിഎഫും ഒരിടത്ത് യുഡിഎഫും ജയിച്ചേക്കും. ഒരിടത്ത് ഇഞ്ചോടിഞ്ച് പോരാട്ടമാണ്. വയനാട്ടിലെ മൂന്ന് സീറ്റിലും എല്ഡിഎഫ് വിജയിച്ചേക്കും. കോഴിക്കോട് 12 സീറ്റുകളും എല്ഡിഎഫ് നേടും. ഒരിടത്ത് ഫലം പ്രവചനാതീതമാണ് എന്നും സര്വേ പറയുന്നു.
ഇടത് പക്ഷം തൂത്തുവാരും
മലപ്പുറത്ത് 5 സീറ്റുകളില് എല്ഡിഎഫും 9 സീറ്റുകളില് യുഡിഎഫും വിജയിച്ചേക്കും. പാലക്കാട് 8 സീറ്റുകളില് എല്ഡിഎഫ് വിജയിക്കും. 4 സീറ്റുകളില് ഫലം പ്രവചനാതീതമാണ്. തൃശൂരില് 12 സീറ്റുകളും ഇടത് പക്ഷം തൂത്തുവാരും. ഒരു സീറ്റില് ഫലം പ്രവചനാതീതമാണ്. എറണാകുളത്ത് 5 സീറ്റില് എല്ഡിഎഫും 3 സീറ്റില് യുഡിഎഫും വിജയിക്കും. 6 സീറ്റില് ഫലം പ്രവചനാതീതമാണ് എന്നാണ് മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ ഫലം
ഒരു സീറ്റില് യുഡിഎഫ് ജയിക്കും
കോട്ടയം ചുവക്കും എന്നാണ് മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ ഫലം. 8 സീറ്റുകളില് ഇടതുപക്ഷം വിജയിക്കുമ്പോള് 1 സീറ്റില് മാത്രമാണ് യുഡിഎഫിന് വിജയിക്കാനാവുക. ഇടുക്കിയിലെ നാല് സീറ്റുകളില് ഇടത് പക്ഷവും ഒരു സീറ്റില് യുഡിഎഫും വിജയിക്കും. ആലപ്പുഴയില് 7 സീറ്റുകളില് എല്ഡിഎഫ് വിജയിക്കും എന്നാണ് മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ ഫലം. ഒരു സീറ്റില് യുഡിഎഫ് ജയിക്കും. ഒന്നില് ഫലം പ്രവചനാതീതമാണ്.
നാല് സീറ്റുകളിലും ചെങ്കൊടി
പത്തനംതിട്ടയിലെ നാല് സീറ്റുകളിലും ചെങ്കൊടിയുയരും. ഒരു സീറ്റില് ഫലം പ്രവചനാതീതമാണ് എന്ന് മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ പ്രവചിക്കുന്നു. കൊല്ലത്ത് 9 സീറ്റുകളില് എല്ഡിഎഫ് വിജയിക്കാനാണ് സാധ്യത. രണ്ട് സീറ്റുകളില് ഫലം പ്രവചനാതീതമാണ്. തിരുവനന്തപുരത്ത് 11 സീറ്റുകളില് എല്ഡിഎഫ് വിജയിക്കും. 3 സീറ്റുകളില് ഫലം പ്രവചനാതീതമാണ് എന്നും മാതൃഭൂമി ന്യൂസ് - ആക്സിസ് മൈ ഇന്ത്യ സര്വേ പ്രവചിക്കുന്നു.
Click it and Unblock the Notifications
Sign in with Google