• search

നിരവധി സ്ത്രീകൾ പ്രലോഭിപ്പിക്കുന്ന മെസ്സേജ് മുകേഷേട്ടന് അയക്കാറുണ്ട്.. മേതിൽ ദേവികയുടെ പ്രതികരണം

Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts
    cmsvideo
      മുകേഷിനെതിരായ ആരോപണത്തിൽ ആശങ്കയില്ലെന്ന് മേതില്‍ ദേവിക!

      കോഴിക്കോട്: പകൽ വെളിച്ചത്തിലെ പല മാന്യന്മാരുടേയും മുഖം മൂടികൾ അഴിഞ്ഞ് വീണ് കൊണ്ടിരിക്കുകയാണ് മീ ടൂ ക്യാംപെയ്നിലൂടെയുള്ള വെളിപ്പെടുത്തലുകളിൽ. മലയാള സിനിമയിൽ നിന്നും നടനും എംഎൽഎയുമായ മുകേഷാണ് ആദ്യമായി മീ ടൂവിൽ കുടുങ്ങിയിരിക്കുന്നത്. ടെസ് ജോസഫ് എന്ന കാസ്റ്റിംഗ് ഡയറക്ടർ ആണ് മുകേഷിനെതിരെ വെളിപ്പെടുത്തൽ നടത്തിയത്.

      19 വർഷം മുൻപ് നടന്നുവെന്ന് പറയുന്ന സംഭവം ഓർമ്മയേ ഇല്ലെന്നും ടെസിന് ആൾ മാറിപ്പോയതാവും എന്നുമാണ് ആരോപണത്തോട് മുകേഷ് പ്രതികരിച്ചത്. ഭർത്താവിന് നേർക്ക് ഉയർന്ന ലൈംഗിക ആരോപണത്തിൽ പ്രതികരണവുമായി മുകേഷിന്റെ ഭാര്യയും പ്രശസ്ത നർത്തകിയുമായി മേതിൽ ദേവികയും രംഗത്ത് വന്നിട്ടുണ്ട്. ന്യൂസ് 18 കേരളയ്ക്ക് നൽകിയ അഭിമുഖത്തിലാണ് ദേവികയുടെ പ്രതികരണം.

      മുകേഷേട്ടനോട് ചോദിച്ചു

      മുകേഷേട്ടനോട് ചോദിച്ചു

      മേതിൽ ദേവികയുടെ വാക്കുകൾ ഇങ്ങനെ: ഒരു സ്ത്രീ എന്ന നിലയില്‍ ഇത്തരം അനുഭവങ്ങള്‍ കേള്‍ക്കുമ്പോള്‍ വിഷമം തോന്നാറുണ്ട്. എന്നാല്‍ ഒരു ഭാര്യ എന്ന നിലയില്‍, ഇത്രയും വര്‍ഷങ്ങള്‍ക്ക് മുന്‍പ് എന്താണ് സംഭവിച്ചത് എന്ന് എനിക്ക് അറിയില്ല. ഇക്കാര്യം മുകേഷേട്ടനോട് സംസാരിച്ചപ്പോള്‍ എനിക്ക് ഓര്‍മ്മയില്ല എന്നാണ് അദ്ദേഹം തീര്‍ത്ത് പറയുന്നത്.

      എന്നോട് നുണ പറയില്ല

      എന്നോട് നുണ പറയില്ല

      എന്നോട് നുണ പറയില്ല എന്നാണ് വിശ്വാസം. അതില്‍ ഒരു യുക്തിയും കാണുന്നുണ്ട്. എന്തായാലും അദ്ദേഹം വളരെ വിഷമത്തിലാണ്. മുകേഷേട്ടന്റെ സഹോദരിമാരും മരുമക്കളുമൊക്കെ വിമന്‍ ആക്ടിവിസത്തിന്റെ ആള്‍ക്കാരാണ്. മുകേഷ് മീ ടൂ ക്യാംപെയ്‌നെ വളരെ അനുകൂലിക്കുന്ന ആളുമാണ്.

      തനിക്കും അനുഭവങ്ങളുണ്ട്

      തനിക്കും അനുഭവങ്ങളുണ്ട്

      മീ ടൂ ക്യാംപെയ്‌ന്റെ ഭാഗമായി ഒരു സ്ത്രീ എന്ന നിലയ്ക്ക് തനിക്കും ചിലത് പറയാനുണ്ട്. തനിക്കും ചില അനുഭവങ്ങള്‍ ഉണ്ടായിട്ടുണ്ട്. വലിയ ദുരന്തം ഒന്നുമല്ല. ചില അനുഭവങ്ങള്‍ ഉണ്ടാകുമ്പോള്‍ നമ്മള്‍ അവിടെ നിന്ന് മാറി നില്‍ക്കും. നമ്മള്‍ മാറിക്കഴിഞ്ഞാല്‍ അതൊരു ഇഷ്യൂ അല്ല. ഇപ്പോഴതൊന്നും പറയുന്നില്ല.

      ആരും വിവേകാനന്ദൻമാരല്ല

      ആരും വിവേകാനന്ദൻമാരല്ല

      അതില്‍ മാധ്യമപ്രവര്‍ത്തകര്‍ അടക്കം കുറേ ആള്‍ക്കാര്‍ കാണും. അത് പറഞ്ഞ് കഴിഞ്ഞാല്‍ അവരുടെ കുടുംബങ്ങളെ ബാധിക്കും. എല്ലാവരും തന്നെ പോലെ ആകില്ലല്ലോ. എനിക്ക് ചുറ്റും സ്വാമി വിവേകാനന്ദന്‍മാരെ ഒന്നും ഞാന്‍ കാണുന്നില്ല. പുരുഷന്‍ ആയാലും സ്ത്രീ ആയാലും.

      പ്രലോഭിപ്പിക്കുന്ന മെസ്സേജുകൾ

      പ്രലോഭിപ്പിക്കുന്ന മെസ്സേജുകൾ

      മുകേഷേട്ടെന്റെ ഫോണിലെ പല മെസ്സേജുകള്‍ക്കും താനാണ് റിപ്ലൈ നല്‍കാറുള്ളത്. ഒരുപാട് സ്ത്രീകള്‍ വളരെ പ്രലോഭിപ്പിക്കുന്ന തരത്തില്‍ മെസ്സേജുകള്‍ അയക്കാറുണ്ട്. മുകേഷേട്ടന്‍ എന്ന രീതിയില്‍ താനാണ് പലപ്പോഴും മറുപടി കൊടുക്കാറുള്ളത്. അല്ലെങ്കില്‍ മുകേഷേട്ടന്‍ തന്നെ ബ്ലോക്ക് ചെയ്യും. ഒരു ഭാര്യ എന്ന നിലയ്ക്ക് എന്നെ വേറൊരു സ്ത്രീ ഹരാസ് ചെയ്യുന്നതാണ് അത്.

      അതിന് ക്യാംപെയ്ൻ ഇല്ലേ

      അതിന് ക്യാംപെയ്ൻ ഇല്ലേ

      അതിന് ക്യാംപെയ്ന്‍ ഒന്നുമില്ലേ. മീ ടൂ ക്യാംപെയ്ന്‍ വളരെ നല്ല അവസരം തന്നെയാണ്. സ്ത്രീകള്‍ക്ക് തുറന്ന് സംസാരിക്കാനുള്ള അവസരത്തെ വ്യക്തിപരമായി പിന്തുണയ്ക്കുന്നുണ്ട്. സന്ദര്‍ഭങ്ങളില്‍ നിന്നും അടര്‍ത്തി മാറ്റിക്കൊണ്ടാവരുത് അത്. ഇതുവരെ മിണ്ടാത്തവര്‍ പോലും ആരോപണം വന്നപ്പോള്‍ വിളിച്ച് അന്വേഷിക്കുന്നുണ്ട്.

      മുകേഷിന് മീ ടൂവിനോട് അനുഭാവം

      മുകേഷിന് മീ ടൂവിനോട് അനുഭാവം

      പത്തൊന്‍പത് വര്‍ഷം മുന്‍പ് നടന്നതിനെക്കുറിച്ച് താന്‍ ഇപ്പോള്‍ ആശങ്കപ്പെടേണ്ടതുണ്ട് എന്ന് തന്നെ കരുതുന്നില്ല. ഒരു സ്ത്രീയ്ക്ക് അനുഭവം തുറന്ന് പറയാനുള്ള എല്ലാ സ്വാതന്ത്യവുമുണ്ട് എന്നത് സമ്മതിക്കുന്നു. അതിനോട് യോജിക്കുന്ന വ്യക്തിയാണ് മുകേഷ്. തന്നെ വിവാഹം കഴിച്ചതിന് ശേഷം സ്ത്രീപക്ഷ പോരാട്ടങ്ങളോട് അനുഭാവം പ്രകടിപ്പിക്കുന്ന ആള്‍ കൂടിയാണ് മുകേഷ്.

      അപ്പോൾ തന്നെ പ്രതികരിക്കണം

      അപ്പോൾ തന്നെ പ്രതികരിക്കണം

      ഗൗരവമുള്ള സംഭവങ്ങള്‍ നിയമപരമായി തന്നെ മുന്നോട്ട് പോകണം. ചില ആണത്ത അഹങ്കാരങ്ങളുണ്ട്. അവ വീട്ടില്‍ നിന്ന് ഉണ്ടാവുന്നവയാണ്. അവയെല്ലാം മാറണം. മോശം അനുഭവങ്ങള്‍ ഉണ്ടാകുമ്പോള്‍ സ്ത്രീകള്‍ അപ്പോള്‍ തന്നെ പ്രതികരിക്കണം. അതേസമയം പുരുഷന്മാരെ മാത്രം കുറ്റം പറയാന്‍ പറ്റില്ല.

      19 വർഷം മുൻപുള്ള ആളല്ല

      19 വർഷം മുൻപുള്ള ആളല്ല

      ചില കാര്യങ്ങള്‍ കേള്‍ക്കുമ്പോള്‍ തന്നെ അറിയാം എന്തൊക്കെ ആണ് സംഭവിച്ചത് എന്നും എന്തൊക്കെ ഉണ്ടാവില്ല എന്നും. വ്യക്തികള്‍ മാറുന്നുണ്ട്. 19 വര്‍ഷം മുന്‍പുള്ള ആളല്ല ഇന്ന്. അജഗജാന്തരം വ്യത്യാസമുണ്ട്. പ്രതികരണം അപ്പോള്‍ തന്നെ നടത്തേണ്ടതാണ്. അവര്‍ പറഞ്ഞത് ശരിയല്ല എന്നല്ല. താന്‍ ആയിരുന്നു എങ്കില്‍ 20 വര്‍ഷം മുന്‍പ് ഒരാള്‍ ഫോണ്‍ ചെയ്തു എന്ന് പറഞ്ഞ് വല്യ ഇഷ്യൂ ഉണ്ടാക്കില്ല എന്നും മേതില്‍ ദേവിക പറഞ്ഞു.

      വീഡിയോ കാണാം

      മുകേഷിന്റെ ഭാര്യ മേതിൽ ദേവിക പ്രതികരിക്കുന്നു

      മുഖ്യമന്ത്രിക്ക് ജാതികൂട്ടി വീട്ടമ്മയുടെ പച്ചത്തെറി, കത്തിപ്പടർന്ന് വീഡിയോ, മണിയമ്മയ്ക്ക് കുരുക്ക്

      കടുത്ത മദ്യപാനി, പണത്തിനോട് ആർത്തി, ക്രൂരമായി നിരന്തരം മർദ്ദനം, മുകേഷിനെതിരെ മുൻഭാര്യ പറഞ്ഞത്

      English summary
      Me Too Campaign: Mukesh's wife Methil Devika's reaction

      Oneindia യില് നിന്നും തല്സമയ വാര്ത്തകള്ക്ക്
      ഉടനടി വാര്ത്തകള് ദിവസം മുഴുവന് ലഭിക്കാന്

      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more