Click it and Unblock the Notifications
Just In
Don't Miss
-
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
സൈനബയുടെ മലപ്പുറത്തെ വീട്ടിൽ എൻഐഎ സംഘം! പോപ്പുലർ ഫ്രണ്ട് വനിതാ നേതാവിനെ ചോദ്യം ചെയ്തു...
കൊച്ചിയിൽ നിന്നുള്ള എൻഐഎ സംഘമാണ് സൈനബയെ ചോദ്യം ചെയ്ത് മൊഴി രേഖപ്പെടുത്തിയത്.
മലപ്പുറം: ഹാദിയ കേസുമായി ബന്ധപ്പെട്ട് വിമൻസ് ഫ്രണ്ട് ദേശീയ പ്രസിഡന്റ് എഎസ് സൈനബയെ എൻഐഎ സംഘം ചോദ്യം ചെയ്തു. നവംബർ 19 ഞായറാഴ്ചയായിരുന്നു എൻഐഎ സംഘം സൈനബയെ രഹസ്യമായി ചോദ്യം ചെയ്തത്. ഹാദിയ കേസിൽ സുപ്രീംകോടതിയിൽ റിപ്പോർട്ട് സമർപ്പിക്കുന്നതിന്റെ ഭാഗമായാണ് എൻഐഎയുടെ ചോദ്യം ചെയ്യൽ.
കൊച്ചിയിൽ നിന്നുള്ള എൻഐഎ സംഘമാണ് സൈനബയെ ചോദ്യം ചെയ്ത് മൊഴി രേഖപ്പെടുത്തിയത്. സൈനബയുടെ മലപ്പുറത്തെ വീട്ടിൽ വെച്ചായിരുന്നു ചോദ്യം ചെയ്യൽ. ഹാദിയയുടെ മതമാറ്റത്തിന് പുറമേ, മറ്റു സംഭവങ്ങളെക്കുറിച്ചും സൈനബയോട് വിശദമായി ചോദിച്ചുവെന്നാണ് റിപ്പോർട്ട്. ഇന്ത്യാ ടുഡേയുടെ ഒളിക്യാമറ ഓപ്പറേഷനെക്കുറിച്ചും എൻഐഎ സംഘം വിവരങ്ങൾ ആരാഞ്ഞു.
പോപ്പുലർ ഫ്രണ്ട്....
പോപ്പുലർ ഫ്രണ്ടിന്റെ വനിതാ വിഭാഗമായ വിമൻസ് ഫ്രണ്ടിന്റെ ദേശീയ പ്രസിഡന്റാണ് എഎസ് സൈനബ. ഹാദിയയെ മതം മാറ്റിയതിന് പിന്നിൽ സൈനബയാണെന്ന് നേരത്തെ ആരോപണമുയർന്നിരുന്നു. ഹാദിയയുടെ മതംമാറ്റത്തിന് പിന്നിൽ വിമൻസ് ഫ്രണ്ട് നേതാവായ സൈനബയ്ക്ക് നിർണ്ണായക പങ്കുണ്ടെന്നാണ് എൻഐഎ സംഘത്തിന്റെ കണ്ടെത്തൽ. സൈനബയുടെ സംരക്ഷണത്തിൽ കഴിയുന്ന കാലത്താണ് ഹാദിയയും ഷെഫിൻ ജഹാനും വിവാഹിതരാകുന്നത്. ഈ വിവാഹം പിന്നീട് ഹൈക്കോടതി റദ്ദാക്കിയിരുന്നു.
മലപ്പുറത്തെ വീട്ടിൽ...
ഹാദിയ കേസ് നവംബർ 27ന് വീണ്ടും പരിഗണിക്കാനിരിക്കെയാണ് എൻഐഎ സംഘം സൈനബയെ ചോദ്യം ചെയ്തത്. ഹാദിയ കേസിൽ സുപ്രീംകോടതിയിൽ റിപ്പോർട്ട് സമർപ്പിക്കുന്നതിന്റെ ഭാഗമായായിരുന്നു ചോദ്യം ചെയ്യൽ. കൊച്ചിയിൽ നിന്നുള്ള എൻഐഎ സംഘം ഞായറാഴ്ചയാണ് മലപ്പുറത്തെ വീട്ടിലെത്തി സൈനബയെ വിശദമായി ചോദ്യം ചെയ്തത്.
മറ്റു കേസുകളും...
ഹാദിയയുടെ മതംമാറ്റത്തിന് പുറമേ, കേരളത്തിൽ 89 നിർബന്ധിത മതപരിവർത്തനങ്ങൾ നടന്നുവെന്നാണ് എൻഐഎ കണ്ടെത്തൽ. ഇതിലെ മിക്ക സംഭവങ്ങൾക്ക് പിന്നിലും പോപ്പുലർ ഫ്രണ്ടിന് പങ്കുണ്ടെന്നും ആരോപണമുണ്ടായിരുന്നു. ഇക്കാര്യങ്ങളെ സംബന്ധിച്ചെല്ലാം എൻഐഎ സംഘം സൈനബയിൽ നിന്ന് വിവരങ്ങൾ ആരാഞ്ഞുവെന്നാണ് ദേശീയ മാധ്യമങ്ങൾ റിപ്പോർട്ട് ചെയ്തിരിക്കുന്നത്.
ഹാദിയ ഹാജരാകും...
നവംബർ 27ന് കേസ് പരിഗണിക്കുമ്പോൾ ഹാദിയയെ ഹാജരാക്കണമെന്ന് സുപ്രീംകോടതി നിർദേശിച്ചിരുന്നു. ഹാദിയക്ക് പറയാനുള്ളതും കേൾക്കണമെന്ന് വ്യക്തമാക്കിയാണ് സുപ്രീംകോടതി ഇത്തരത്തിൽ നിർദേശം പുറപ്പെടുവിച്ചത്. കേസുമായി ബന്ധപ്പെട്ട് എൻഐഎ സംഘം സുപ്രീംകോടതിയിൽ റിപ്പോർട്ട് സമർപ്പിക്കുന്നതും ഇതേദിവസമാണ്. ഹാദിയ, പിതാവ് അശോകൻ, ഷെഫിൻ ജഹാൻ എന്നിവരിൽ നിന്ന് എൻഐഎ സംഘം നേരത്തെ മൊഴിയെടുത്തിരുന്നു.
