മുഖ്യമന്ത്രിക്ക് 77.74 ലക്ഷം, പ്രതിപക്ഷ നേതാവിന് 1.42 ലക്ഷം; ചികിത്സാ ചെലവിനായി കൈപ്പറ്റിയ തുക ഇങ്ങനെ

തിരുവനന്തപുരം: മുഖ്യമന്ത്രിയും മന്ത്രിമാരും പ്രതിപക്ഷ നേതാവും സ്വന്തമായും കുടുംബാം​ഗങ്ങളുടെയും ചികിത്സ ചെലവ് ഇനത്തിലും കൈപ്പറ്റിയത് 1.73 കോടി രൂപ. 2021 ജൂലായ് 7 മുതൽ 2024 ഒക്ടോബർ 3 വരെ മെഡിക്കൽ റീ ഇംബേഴ്സിമെന്റ് ഇനത്തിൽ കൈപ്പറ്റിയ തുകയുടെ കണക്കുകളാണ് പൊതുഭരണ വകുപ്പ് ( അക്കൗണ്ട്സ് ) വിഭാ​ഗം നൽകിയത് എന്ന് മനോരമ ഓൺലൈൻ. കോം റിപ്പോർട്ട് ചെയ്യുന്നു.

2021 ജൂലായ് 7 മുതൽ 2024 ഒക്ടോബർ 3 വരെയുള്ള കാലയളവിൽ മുഖ്യമന്ത്രി പിണറായി വിജയൻ ചികിത്സയ്ക്കായി കൈപ്പറ്റിയത് 77,74,356 രൂപയാണ്. പ്രതിപക്ഷ നേതാവ് വി ഡി സതീശന്റെ ചികിത്സായ ചെലവ് 1,42,123 രൂപയാണ്. മുൻമന്ത്രിയും സി പി എം സംസ്ഥാന സെക്രട്ടറിയുമായ എം വി ​ഗോവിന്ദൻ കൈപ്പറ്റിയത് 2,22,256 രൂപയാണ്. മുഖ്യമന്ത്രിക്കും മറ്റ് മന്ത്രിമാർക്കും പ്രത്യേക ഇൻഷൂറൻസ് പദ്ധതികള്ഡ ഒന്നും ഏർപ്പെടുത്തിയിട്ടില്ലെന്നും സർക്കാർ അറിയിച്ചു.

കെ കൃഷ്ണൻ കുട്ടി കൈപറ്റിയത് 32,32,742 രൂപ, എ കെ ശശീന്ദ്രൻ 594458 രൂപ, വി ശിവൻ കുട്ടി - 1895758, ആന്റണി രാജു ( മുൻ മന്ത്രി) 6,41071, ആർ ബിന്ദു- 428166 രൂപ, അഹമ്മദ് ദേവർ കോയിൽ -420561, വി എൻ വാസവൻ- 346,929, കടന്നപ്പള്ളി രാമചന്ദ്രൻ - 315637, എം ബി രാജേഷ് 339179, വി അബ്ദു റഹ്‌മാൻ- 287920, കെ രാജൻ- 171671, ജി ആർ അനിൽ - 122000, കെ രാധകൃഷ്ണൻ- 99219, ജെ ചിഞ്ചുറാണി- 86207, സജി ചെറിയാൻ - 25424, മുഹമ്മദ് റിയാസ് - 18135, കെ എൻ ബാലഗോപാൽ - 205950, എൻ ജയരാജ് ( ചീഫ് വിപ്പ് )- 16100