ദുരിതാശ്വാസ ക്യാമ്പുകളിൽ എല്ലാ ദിവസവും മെഡിക്കല് സംഘം, നിർദേശവുമായി ആരോഗ്യമന്ത്രി
തിരുവനന്തപുരം: സംസ്ഥാനത്ത് ചൊവ്വാഴ്ച വരെ മഴ തുടരും എന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചിരിക്കുന്നത്. കാലവർഷത്തിന് ശേഷം തുലാവർഷവും കേരളത്തെ കാത്തിരിക്കുന്നത്. കനത്ത മഴ കാരണം ദുരിതത്തിലായ നിരവധി കുടുംബങ്ങളാണ് സംസ്ഥാനത്ത് വിവിധ ജില്ലകളിലെ ദുരിതാശ്വാസ ക്യാമ്പുകളിൽ കഴിയുന്നത്.
'40 കോടിയോളം അഡ്വാൻസ് നൽകിയിട്ടുണ്ട്, മരക്കാർ ഒടിടി റിലീസ് നടക്കില്ല', പ്രതികരിച്ച് ലിബർട്ടി ബഷീർ
ദുരിതാശ്വാസ ക്യാമ്പുകളിൽ കൊവിഡ് പടരുന്ന സാഹചര്യം ഒഴിവാക്കാനുളള മുന്നറിയിപ്പ് ആരോഗ്യവകുപ്പ് മന്ത്രി വീണാ ജോർജ് നേരത്തെ നൽകിയിരുന്നു. ക്യാമ്പുകളിൽ എല്ലാ ദിവസവും മെഡിക്കല് സംഘം സന്ദര്ശിക്കണമെന്ന് ഉന്നതതല യോഗത്തില് മന്ത്രി നിര്ദേശം നല്കി. അതത് തദ്ദേശസ്ഥാപന പ്രദേശത്തുള്ള ആശുപത്രിയിലെ മെഡിക്കല് സംഘമായിരിക്കും ക്യാമ്പുകള് സന്ദര്ശിക്കുക. ഇടയ്ക്കിടയ്ക്ക് മെഡിക്കല് ക്യാമ്പും സംഘടിപ്പിക്കുന്നതാണ്.
പ്രശ്നബാധിത മേഖലകളായ ഇടുക്കി, കോട്ടയം, പത്തനംതിട്ട, ആലപ്പുഴ ജില്ലകളിലെ പ്രവര്ത്തനങ്ങള് യോഗത്തില് പ്രത്യേകം ചര്ച്ച ചെയ്തു. ഇവിടെ അടിസ്ഥാന സൗകര്യങ്ങളും ചികിത്സയും ഉറപ്പ് വരുത്തിയിട്ടുണ്ട്. മഴ തുടരുന്ന സാഹചര്യത്തില് ഈ ജില്ലകളില് കൂടുതല് ശ്രദ്ധിക്കണമെന്ന് ഡി.എം.ഒ.മാര്ക്ക് നിര്ദേശം നല്കി. ആരോഗ്യ വകുപ്പിന്റെ ഉന്നതതല യോഗത്തിലാണ് ഇതുസംബന്ധിച്ച് നിര്ദേശം നല്കിയത്.
രോഗലക്ഷണങ്ങളുള്ളവരെ പ്രത്യേകം പാര്പ്പിക്കണം. കോവിഡ് പോസിറ്റീവായവരെ ഡിസിസികളിലേക്കോ സിഎഫ്എല്ടിസികളിലേക്കോ മാറ്റണം. പോസിറ്റീവായവരുടെ കുടുംബാംഗങ്ങളെ പ്രത്യേകമായി നിരീക്ഷിക്കണം. ക്യാമ്പുകളില് കഴിയുന്നവരുടെ മാനസികാരോഗ്യം നിലനിര്ത്താന് മാനസിക രോഗ വിദഗ്ധരുടെ സേവനം ഉറപ്പാക്കിയിട്ടുണ്ട്. സന്നദ്ധ പ്രവര്ത്തകരും ക്യാമ്പിലുള്ളവരും ഉള്പ്പെടെ മലിനജലവുമായി ബന്ധപ്പെടാന് സാധ്യതയുള്ള എല്ലാവര്ക്കും എലിപ്പനി പ്രതിരോധ ഗുളികയായ ഡോക്സിസൈക്ലിന് നല്കേണ്ടതാണെന്നും ആരോഗ്യമന്ത്രി നിര്ദേശം നല്കി.
ഇത് മീനൂട്ടിയുടെ മാമാട്ടിക്കുട്ടിയമ്മ, അനിയത്തിക്കുട്ടിയുടെ പിറന്നാൾ ചിത്രവുമായി മീനാക്ഷി ദിലീപ്
ക്യാമ്പുകളിലുള്ള എല്ലാവര്ക്കും കോവിഡ് വാക്സിനേഷന് ഉറപ്പാക്കാണം. ഇതിനായി പ്രത്യേക പദ്ധതി തയ്യാറാക്കിയിട്ടുണ്ട്. ക്യാമ്പുകളില് കഴിയുന്നവരില് ആദ്യ ഡോസ് വാക്സിന് എടുക്കാനുള്ളവരുടേയും രണ്ടാം ഡോസ് വാക്സിന് എടുക്കാന് കാലാവധിയെത്തിവരുടേയും വിവരങ്ങള് ശേഖരിച്ചു വരുന്നു. അതനുസരിച്ച് അവരുടെ വാക്സിനേഷന് ഉറപ്പ് വരുത്തുന്നതാണ്. വാക്സിന് എടുക്കാത്ത ആരും തന്നെ ക്യാമ്പുകള് സന്ദര്ശിക്കരുത്. മഴ തുടരുന്നതിനാല് മറ്റ് പകര്ച്ചവ്യാധികള്ക്കും സാധ്യതയുണ്ട്.
Recommended Video
കിടിലന് ലുക്കില് ഐശ്വര്യ രാജീവ്: ഫോട്ടോഷൂട്ട് ഏറ്റെടുത്ത് ആരാധകര്
പകര്ച്ചവ്യാധിയുണ്ടാകാതിരിക്കാന് പ്രത്യേക ജാഗ്രത പാലിക്കേണ്ടതാണ്. ക്യാമ്പുകളുടെ പരിസരം കൊതുക് വളരാതിരിക്കാന് പ്രത്യേകം ശ്രദ്ധിക്കണം. തിളപ്പിച്ചാറ്റിയതോ ക്ലോറിനേറ്റ് ചെയ്തതോ ആയ വെള്ളം മാത്രമേ കുടിക്കാന് ഉപയോഗിക്കാവൂ. അവബോധം ശക്തിപ്പെടുത്തും. ക്യാമ്പുകളില് നിന്നും വീടുകളിലേക്ക് മടങ്ങുന്നവര് പ്രത്യേകം ശ്രദ്ധിക്കേണ്ടതാണ്. വീടും പരിസരവും ശുചിയാക്കണം. കിണര് ക്ലോറിനേറ്റ് ചെയ്തതിന് ശേഷം മാത്രമേ വെള്ളം ഉപയോഗിക്കാന് പാടുള്ളൂ. പാമ്പ് കടിയേല്ക്കാതിരിക്കാന് പ്രത്യേക ജാഗ്രത പുലര്ത്തണം എന്നും വീണാ ജോർജ് ആവശ്യപ്പെട്ടു.