വൈദ്യശാസ്ത്ര നൊബേല് നേടി കാറ്റലിൻ കാരിക്കോയും ഡ്രൂ വെയ്സ്മാനും: കോവിഡ് വാക്സിന് വികസിപ്പിച്ചവർ
2023ലെ വൈദ്യശാസ്ത്ര നൊബേലിന് കാറ്റലിൻ കാരിക്കോ , ഡ്രൂ വെയ്സ്മാൻ എന്നിവർക്ക്. കോവിഡ്-19 വാക്സീൻ ഗവേഷണത്തിനുള്ള സുപ്രധാന കണ്ടെത്തലിനാണ് അംഗീകാരം. കാറ്റലിന് കാരിക്കോ ഹംഗറിക്കാരിയും ഡ്രൂ വെയ്സ്മാന് അമേരിക്കക്കാരനുമാണ്. വാക്സീനുകളിൽ സഹായകരമായ എംആർഎൻഎയുമായി (മെസഞ്ചർ ആർഎൻഎ) ബന്ധപ്പെട്ട പഠനമായിരുന്നു ഇവർ നടത്തിയത്.
കോവിഡ് മഹാമാരിയെ പ്രതിരോധിക്കുന്നത് ഉള്പ്പെടെ വാക്സീന് ഗവേഷണത്തിൽ ഉൾപ്പെടെ ഏറെ ഗുണകരമായ കണ്ടെത്തലായിരുന്നു ഇത്. കരോലിൻസ്ക ഇൻസ്റ്റിറ്റ്യൂട്ടിലെ 50 പ്രൊഫസർമാരടങ്ങുന്ന നൊബേൽ അസംബ്ലിയാണ് പുരസ്കാര ജേതാക്കളെ തിരഞ്ഞെടുത്തത്. കൊവിഡ് -19 നെതിരെ ഫലപ്രദമായ എംആർഎൻഎ വാക്സിനുകൾ വികസിപ്പിക്കാൻ പ്രാപ്തമാക്കിയ ന്യൂക്ലിയോസൈഡ് ബേസ് പരിഷ്ക്കരണങ്ങളെക്കുറിച്ചുള്ള കണ്ടെത്തല് ഏറെ പ്രാധാന്യമുള്ളതാണെന്ന് സമിതി വ്യക്തമാക്കി.
"നമ്മുടെ രോഗപ്രതിരോധ സംവിധാനവുമായി എംആർഎൻഎ എങ്ങനെ ഇടപഴകുന്നു എന്നതിനെക്കുറിച്ചുള്ള നമ്മുടെ ധാരണയെ അടിസ്ഥാനപരമായി മാറ്റിമറിച്ച തകർപ്പന് കണ്ടെത്തലായിരുന്നു അവരുടേത്. ആധുനിക കാലത്തെ മനുഷ്യന്റെ ആരോഗ്യത്തിന് ഏറ്റവും വലിയ ഭീഷണികളിലൊന്നായ കോവിഡിന്റെ വാക്സിൻ വികസനത്തിന് സമ്മാന ജേതാക്കൾ വലിയ സംഭാവന നൽകി," നോബൽ അസംബ്ലി പറഞ്ഞു.
മനുഷ്യരാശിയുടെ നന്മയ്ക്കായി വൈദ്യശാസ്ത്രരംഗത്ത് നിർണായക സംഭാവനകൾ നൽകിയ ശാസ്ത്രജ്ഞരെ ആദരിച്ചുകൊണ്ടാണ് ഓരോ വർഷവും കരോലിൻസ്ക ഇൻസ്റ്റിറ്റ്യൂട്ടിലെ 50 പ്രൊഫസർമാർ അടങ്ങുന്ന നൊബേൽ സമിതി വൈദ്യശാസ്ത്ര നൊബേല് പ്രഖ്യാപിക്കുന്നത്.
1955-ൽ സോൾനോക്കിൽ ജനിച്ച കാറ്റലിൻ കാരിക്ക്, സെഗെഡ് സർവകലാശാലയിലെ പ്രൊഫസറും പെൻസിൽവാനിയ സർവകലാശാലയിലെ പെരെൽമാൻ സ്കൂൾ ഓഫ് മെഡിസിനിൽ അഡ്ജങ്ക്റ്റ് പ്രൊഫസറുമാണ്. അതേസമയം, ഡ്രൂ വെയ്സ്മാൻ വാക്സിൻ റിസർച്ചിൽ റോബർട്ട്സ് ഫാമിലി പ്രൊഫസറും ആർഎൻഎ ഇന്നൊവേഷനുകൾക്കായുള്ള പെൻ ഇൻസ്റ്റിറ്റ്യൂട്ടിന്റെ ഡയറക്ടറുമാണ്.
1901 മുതൽ ഇതുവരെ 113 നോബൽ സമ്മാനങ്ങളാണ് ആരോഗ്യ മേഖലയിലെ വിദഗ്ധർക്ക് നല്കിയത്. അതിൽ 12 എണ്ണമാണ് സ്ത്രീകള്ക്ക് ലഭിച്ചിട്ടുണ്ട്. 32-ാം വയസ്സിൽ ഇൻസുലിൻ കണ്ടുപിടിച്ചതിന് 1923-ലെ മെഡിസിൻ സമ്മാനം ലഭിച്ച ഫ്രെഡറിക് ജി ബാന്റിംഗാണ് എക്കാലത്തെയും ഏറ്റവും പ്രായം കുറഞ്ഞ വൈദ്യശാസ്ത്ര നൊബേല് സമ്മാന ജേതാവ്.
2022 ലെ വൈദ്യശാസ്ത്ര നോബൽ സമ്മാനം സ്വീഡിഷ് ജനിതക ശാസ്ത്രജ്ഞനായ സ്വാന്റേ പാബോയ്ക്കായിരുന്നു ലഭിച്ചത്. ജർമ്മനിയിലെ ലീപ്സിഗിലെ മാക്സ് പ്ലാങ്ക് ഇൻസ്റ്റിറ്റ്യൂട്ട് ഫോർ എവല്യൂഷണറി ആന്ത്രോപോളജിക്ക് നേതൃത്വം നൽകുന്ന പാബോ പുരാതന അസ്ഥികളിൽ നിന്ന്, പ്രത്യേകിച്ച് നിയാണ്ടർത്താലുകളുടെ ഡിഎൻഎ വേർതിരിച്ചെടുക്കുന്നതിലും വിശകലനം ചെയ്യുന്നതിലുമാണ് അംഗീകാരം നേടിയത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google