മെഗാ ക്വിസ് മല്സരം; ഒന്നാം സമ്മാനം അഞ്ച് ലക്ഷം രൂപ, സ്കൂള്, കോളജ് വിദ്യാര്ഥികള്ക്ക് പങ്കെടുക്കാം
കൊച്ചി: കേരളത്തിന്റെ സാമൂഹിക പുരോഗതിയുടെ ചരിത്രം അടിസ്ഥാനമാക്കി സംസ്ഥാന വ്യാപക ക്വിസ് മല്സരം സംഘടിപ്പിക്കുന്നു. എട്ട് മുതല് 12 ക്ലാസ് വരെയുള്ള വിദ്യാര്ഥികള്ക്കും കോളജ് വിദ്യാര്ഥികള്ക്കും പങ്കെടുക്കാം. ആകര്ഷകമായ സമ്മാനമാണ് ചീഫ് മിനിസ്റ്റേഴ്സ് മെഗാ ക്വിസ് മല്സര വിജയികളെ കാത്തിരിക്കുന്നത്. സ്കൂള് തരത്തിലെ മല്സരം കഴിഞ്ഞാല് നടക്കുന്ന മല്സരങ്ങളില് ടീം ആയി പങ്കെടുക്കാം.
കേരളത്തിലെ എല്ലാ സ്കൂളുകളും കോളജുകളും പങ്കെടുക്കുന്ന മെഗാ ക്വിസ് മല്സരം ചരിത്ര സംഭവമാക്കാനുള്ള ഒരുക്കത്തിലാണ് സര്ക്കാര്. ജനുവരി 12 മുതലാണ് മല്സരം തുടങ്ങുക. ജില്ലാതല മല്സരത്തിളില് കാണികള്ക്കും പങ്കെടുക്കാനുള്ള അവസരമുണ്ടാകുമെന്നാണ് വിവരം. ഇതോടെ ജനകീയ മെഗാ ക്വിസ് മല്സരമായി ഇത് മാറും.
മലപ്പുറം ജില്ലാ കളക്ടര് ഫേസ്ബുക്കില് പങ്കുവച്ച കുറിപ്പ് വായിക്കാം: ''കേരളത്തിന്റെ ആവേശോജ്ജ്വലമായ സാമൂഹിക പുരോഗതിയുടെ ചരിത്രത്തെ അടിസ്ഥാനപ്പെടുത്തിയുള്ള വിജ്ഞാന യാത്ര-ചീഫ് മിനിസ്റ്റേഴ്സ് മെഗാക്വിസ് മത്സരം സംസ്ഥാനവ്യാപകമായി ആരംഭിക്കുകയാണ്. സംസ്ഥാനത്തുള്ള 8 മുതല് 12 വരെ ക്ലാസുകളിലുള്ള വിദ്യാര്ത്ഥികള്ക്കും സര്വകലാശാല, കോളേജ് വിദ്യാര്ത്ഥികള്ക്കും പ്രത്യേകം മത്സരങ്ങളാണ് നടത്തുന്നത്.
സ്കൂള് തല മത്സര വിജയികള്ക്ക് ഒന്നാം സമ്മാനമായി അഞ്ച് ലക്ഷം രൂപയും രണ്ടാം സമ്മാനമായി മൂന്ന് ലക്ഷം രൂപയും മൂന്നാം സമ്മാനമായി രണ്ട് ലക്ഷം രൂപയും ലഭിക്കും. കോളേജ് തല മത്സര വിജയികള്ക്ക് ഒന്നാം സമ്മാനമായി മൂന്ന് ലക്ഷം രൂപയും രണ്ടാം സമ്മാനമായി രണ്ട് ലക്ഷം രൂപയും മൂന്നാം സമ്മാനമായി ഒരു ലക്ഷം രൂപയും സമ്മാനമായി നല്കും. മെമന്റോ, പ്രശസ്തി പത്രം എന്നിവയും വിജയികള്ക്ക് ലഭിക്കും.
സ്കൂള് തലത്തില് സ്കൂള്, വിദ്യാഭ്യാസ ജില്ല, ജില്ല, സംസ്ഥാന തലങ്ങളിലാണ് മത്സരം സംഘടിപ്പിക്കുക. ഈ മത്സരങ്ങളിലുണ്ടാവുന്ന വിദ്യാര്ത്ഥികളുടെ പ്രാതിനിധ്യം വലിയ ചരിത്രമാകും. സ്കൂള് തലത്തില് വ്യക്തിഗതമായി നടത്തുന്ന മത്സരത്തിനു ശേഷം വിദ്യാഭ്യാസ ജില്ല മുതല് മത്സരം ടീം തലത്തിലായിരിക്കും നടത്തുക. സംസ്ഥാന തലത്തില് നടക്കുന്ന ഗ്രാന്ഡ് ഫിനാലെയില് അന്തിമ വിജയിയെ കണ്ടെത്തും.
കോളേജ് വിഭാഗത്തില് കോളേജ്, ജില്ല, സംസ്ഥാന തലങ്ങളിലായിരിക്കും മത്സരം. കോളേജ് തലത്തില് വ്യക്തിഗതമായും പിന്നീട് ടീമായും മത്സരിക്കാവുന്ന രീതിയിലാണ് ക്രമീകരിച്ചിട്ടുള്ളത്. സംസ്ഥാന തലത്തില് നടക്കുന്ന ഗ്രാന്ഡ് ഫിനാലെയിലൂടെ അന്തിമ വിജയിയെ കണ്ടെത്തും മെമന്റോ, സര്ട്ടിഫിക്കറ്റ് എന്നിവ സമ്മാനമായി ലഭിക്കും. ശരിയുത്തരങ്ങള്ക്ക്.
ജനുവരി 12 മുതലാണ് ക്വിസ് മത്സരങ്ങള് ആരംഭിക്കുക. പങ്കെടുക്കുന്ന എല്ലാവര്ക്കും ഓണ്ലൈന് സര്ട്ടിഫിക്കറ്റ് നല്കും. ജില്ലാതല മത്സര വിജയികള്ക്ക് കാണികള്ക്കും സമ്മാനം ലഭിക്കുന്ന ജനകീയ മത്സരമായാണ് ജില്ലാ തലം മുതല് മത്സരം സംഘടിപ്പിക്കുന്നത്. കേരള സമൂഹം ഒന്നടങ്കം അണിനിരക്കുന്ന അറിവിന്റെ മഹോത്സവമായി വിജ്ഞാന യാത്ര-ചീഫ് മിനിസ്റ്റേഴ്സ് മെഗാക്വിസ് മത്സരം മാറും.''
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google