സുപ്രീം കോടതിയില് സര്ക്കാര് സമര്പ്പിച്ച യുവതികളുടെ ലിസ്റ്റില് പുരുഷനും!
ശബരിമലയില് 51 യുവതികള് കയറിയതായി കാണിച്ച് സംസ്ഥാന സര്ക്കാര് സുപ്രീം കോടതിയില് സമര്പ്പിച്ച ലിസ്റ്റില് പുരുഷനും. 10നും 50 നും ഇടയില് പ്രായമുള്ള സ്ത്രീകള് ദര്ശനം നടത്തിയെന്ന് വ്യക്തമാക്കി സര്ക്കാര് സമര്പ്പിച്ച ലിസ്റ്റിലാണ് ചെന്നൈ സ്വദേശിയായ പുരുഷന്റെ പേര് ഉള്പ്പെട്ടിരിക്കുന്നത്.
യുവതികളുടെ പേര് വിവരങ്ങള്, ആധാര്കാര്ഡ് ഉള്പ്പെടെയുള്ള മേല് വിലാസങ്ങങ്ങളാണ് സുപ്രീം കോടതിയില് സമര്പ്പിച്ചത്. ഇതിലാണ് ചെന്നൈ നെഹ്റു തുണ്ടാളം എന്ന മേല്വിലാസത്തില് ചെന്നൈ സ്വദേശിയായ പരംജ്യോതി എന്ന പുരുഷന് ഉള്പ്പെട്ടിരിക്കുന്നതെന്ന് ഏഷ്യാനെറ്റ് ന്യൂസ് റിപ്പോര്ട്ട് ചെയ്തു.
പട്ടികയില് ഇരുപതിയെട്ടാമെത്തെ പേരായാണ് പരംജ്യോതിയുടെ പേര് ഉള്പ്പെടുത്തിയിരിക്കുന്നത്. ഇതോടെ ലിസ്റ്റ് സംബന്ധിച്ച കൂടുതല് അവ്യക്തതകളാണ് പുറത്തുവന്നിരിക്കുന്നത്.51യുവതികള് കയറിയെന്ന സര്ക്കാര് വാദത്തിനെതിരെ വന് വിമര്ശനം ഉയരുകയാണ്. ഇതില് പലരേയും ബന്ധപ്പെട്ടപ്പോള് വയസ് 50 കൂടുതല് ഉണ്ടെന്നാണ് ചിലര് വ്യക്തമാക്കിയതെന്നാണ് റിപ്പോര്ട്ടുണ്ടായിരുന്നു.