സുന്ദരി ഐപിഎസ് മെറിന് ജോസഫ് നിവിന് പോളിയുടെ ആരാധിക
കൊച്ചി: ഐപിഎസ്സുകാരിലെ സുന്ദരിയെന്ന് ഫേസ്ബുക്ക് വാഴ്ത്തിയ മെറിന് ജോസഫ് ഐ.പി.എസ് നടന് നിവിന് പോളിയുടെ ഫാന്. ഒരു പരിപാടിയില് ഇരുവരും കണ്ടുമുട്ടിയപ്പോഴാണ് ആരാധന രഹസ്യം പുറത്തായത്. ഹെബി ഈഡന് എം.എല്.എ സെന്റ് തെരാസാസ് കോളജില് സംഘടിപ്പിച്ച ഒരു പരിപാടിയിലാണ് നിവിനും മെറിനും കണ്ടുമുട്ടിയത്.
പത്താം ക്ലാസിലും പ്ലസ്ടുവിനും ഉന്നത വിജയം കരസ്ഥമാക്കിയ വിദ്യാര്ത്ഥികളെ ആദരിക്കുന്നതിനായാണ് ചടങ്ങ് സംഘടിപ്പിക്കപ്പെട്ടത്. പ്രേമം സിനിമ സൂപ്പര് ഹിറ്റായതോടെ സൂപ്പര്സ്റ്റാര് പദവിയിലേക്ക് ഉയര്ന്ന നിവിന് വേദിയിലെത്തിയപ്പോള് ഹര്ഷാരത്തോടെയാണ് വിദ്യാര്ഥികള് സ്വീകരിച്ചത്. നിവിനൊപ്പം സെല്ഫിയെടുക്കാനും വിദ്യാര്ഥികള് മത്സരിക്കുന്നുണ്ടായിരുന്നു.
എന്നാല്, വിദ്യാര്ഥികള്ക്കിയില് മറ്റൊരു വിദ്യാര്ഥിനിയായ മെറിന് ജോസഫ് തിക്കിത്തിരക്കി നിവിനൊപ്പം ഒരു ഫോട്ടോ എടുത്തു. ഹൈബി ഈഡന് എംഎല്എയുടെ സഹായത്തോടെയായിരുന്നു ഫോട്ടോ. ഏറെക്കാലമായി ആരാധിക്കുന്ന നിവിനൊപ്പം ഫോട്ടെ കിട്ടിയതോടെ അത് അഭിമാനത്തോടെ ഫേസ്ബുക്കില് പോസ്റ്റ് ചെയ്യാനും മറന്നില്ല മെറിന്.
''വിത്ത് നിവിന് പോളി കറണ്ട് സെന്സേഷന് ഇന് കേരള'' എന്ന അടിക്കുറിപ്പോടെയാണ് മെറിന് ചിത്രം ഫേസ്ബുക്കിലൂടെ ഷെയര് ചെയ്തത്. ഒട്ടേറെ പേരുടെ ലൈക്കും ഫോട്ടോയ്ക്ക് ലഭിച്ചിട്ടുണ്ട്. ഐപിഎസ് ട്രെയിനിങ്ങിനിടെ തന്നെ കൊച്ചിയില് പോലീസ് കമ്മീഷണറായി ചാര്ജെടുക്കുന്ന സുന്ദരിയെന്ന പേരില് മെറിന് നേരത്തെ വാര്ത്താ പ്രാധാന്യം നേടിയിരുന്നു.