Click it and Unblock the Notifications
Just In
Don't Miss
-
ഉള്ളി കേടുകൂടാതെ ഫ്രഷ് ആയി കൂടുതല് കാലം സൂക്ഷിക്കാനുള്ള മാര്ഗ്ഗങ്ങള് -
IPL 2024: 20ാം ഓവര് എന്തുകൊണ്ട് യഷിന് നല്കി? രാഹുല് ധോണിയെ സഹായിച്ചു! തെളിവ് ഇതാ -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
എംജിയിലെ മാര്‍ക്ക് ദാനം തെറ്റ്; മന്ത്രി ജലീലിന് പങ്കില്ലെന്ന് സര്‍ക്കാര്‍ വിലയിരുത്തല്‍
തിരുവനന്തപുരം: ഉന്നത വിദ്യാഭ്യാസ വകുപ്പ് മന്ത്രി കെടി ജലീലിനെ പ്രതിക്കൂട്ടില്‍ നിര്‍ത്തിയ എംജി സര്‍വകലാശാലയിലെ മാര്‍ക്ക് ദാനം തെറ്റായി പോയെന്ന് സര്‍ക്കാര്‍ വിലയിരുത്തല്‍. ഇക്കാര്യത്തില്‍ പുനപരിശോധന നടത്താന്‍ സര്‍ക്കാര്‍ സര്‍വകലാശാലയെ താല്‍പ്പര്യമറിയിച്ചു. എന്നാല്‍ മന്ത്രി ജലീലിനോ പ്രൈവറ്റ് സെക്രട്ടറിക്കോ മാര്‍ക്ക് ദാനത്തില്‍ പങ്കില്ലെന്നാണ് സര്‍ക്കാരിന്റെ നിലപാട്.
മന്ത്രി ജലീല്‍, ഉന്നത വിദ്യാഭ്യാസ വകുപ്പ് പ്രിന്‍സിപ്പല്‍ സെക്രട്ടറി ഉഷാ ടെറ്റസ് എന്നിവരുമായി മുഖ്യമന്ത്രി പിണറായി വിജയന്‍ വിഷയം ചര്‍ച്ച ചെയ്തു. സര്‍ക്കാരിന് മാര്‍ക്ക് ദാന വിഷയത്തില്‍ സര്‍വകലാശാല റിപ്പോര്‍ട്ട് നല്‍കിയിരുന്നു. ഈ റിപ്പോര്‍ട്ട് ഉന്നത വിദ്യാഭ്യസ വകുപ്പ് വിശദമായി പരിശോധിച്ചു. ഇക്കാര്യങ്ങളെല്ലാം മന്ത്രിയും പ്രിന്‍സിപ്പല്‍ സെക്രട്ടറിയും മുഖ്യമന്ത്രിയെ അറിയിച്ചു.
എന്നാല്‍ മാര്‍ക്ക് ദാനം ചെയ്ത നടപടിയോട് മുഖ്യമന്ത്രി എതിര്‍പ്പ് പ്രകടിപ്പിച്ചു. പരീക്ഷാ ഫലം വന്ന ശേഷം മാര്‍ക്ക് ദാനം നടന്നത് ശരിയായ രീതിയല്ലെന്നാണ് ഉന്നത വിദ്യാഭ്യാസ വകുപ്പിന്റെ അഭിപ്രായം. ഇതിനോട് മുഖ്യമന്ത്രി യോജിച്ചു. സിന്‍ഡിക്കേറ്റ് നേരിട്ട് മാര്‍ക്ക് ദാനം ചെയ്യുന്നത് ചട്ടലംഘനമാണ്. അക്കാദമിക കൗണ്‍സില്‍ വഴിയാണ് ഇത്തരം നിര്‍ദേശങ്ങള്‍ വരേണ്ടത്... തുടങ്ങിയ കാര്യങ്ങളെല്ലാം ഉന്നത വിദ്യാഭ്യാസ വകുപ്പ് മുഖ്യമന്ത്രിയെ അറിയിച്ചു.
ഈ സാഹചര്യത്തില്‍ ബിടെക് പരീക്ഷയില്‍ ഒരു വിഷയത്തില്‍ തോറ്റ വിദ്യാര്‍ഥികളെ മാര്‍ക്ക് ദാനം ചെയ്ത് ജയിപ്പിച്ച നടപടി പുനപ്പരിശോധിക്കണമെന്നാണ് സര്‍ക്കാര്‍ നിലപാട്. സിന്‍ഡിക്കേറ്റ് ആണ് മാര്‍ക്ക് ദാനം ചെയ്യാന്‍ തീരുമാനിച്ചത്. ആ തീരുമാനം പുനപ്പരിശോധിക്കാന്‍ സിന്‍ഡിക്കേറ്റ് തന്നെ നടപടിയെടുക്കട്ടെ എന്നാണ് മുഖ്യമന്ത്രി അഭിപ്രായപ്പെട്ടത്.
